1Korin 9:23 - Matu Chin New Testament 2006

²³ He ang thli boeih he awlthang theen kawngah ni ka sai, awlthang theen dawngkah yotheen kam-awmna te rek-ara thaina ham ni.

Matu Bible

²³ Olthangthen ham a soep ka saii daengah ni te te aka bawn la ka om eh.

1Korin 9:23 Iomraidhean Croise

Marku 8:35

A-u khaw a hingna thlawn ham aka ngaih tah a hingna te sung ai, tede a-u khaw awlthang theen oen kai kawng dawngah a hingna te a sung atah a hingna a thlawn ai.

Rom 11:17

Olif thingkung a liing u a beek thli khatsut te a tloek u tih te kah thingngaw dawngah te olif thingkung rawlrap a beek thli te oen a cong u. Te tila nangmi Gental thlaangphun khaw olif thing rawlrap angla na awm u tih, tahe tah Judah thlaangphun thli kah muithla ben hingna tharana te na bawn u van poen.

1Korin 9:12

Thlaangtloe lawng nangmi tengkah te ang thaihu te dang hamla a ngaiuep u atah kaihih lawngah yahawh ngaai te ka ngaiuep nawh ai aw? Tede kaihih lawng te tila saithaina te ka hawna hih nawh. Khrih kawng Awlthang Theen lawngpui ah kanghalh-na khat khaw a awmna nawh ham soeprep boeih ah ka ueh hih.

1Korin 9:22

Oengna tha aka yoek thlaang thli tengah bii ka bi vengah ahimi te lawh thaina ham ahimi tha aka yoek sut angla ka awm. Metila khaw acoengg thai khoem atah avaang athal mai khaw thoem ka thlawn ai nuem ka ti dawngah thlaang boeih tengah ahimi angla ka awm van.

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

2Korin 2:4

Nangmi tengah lakuengna oen thinphatna oen ah mikphi oen ni ca te ka van thut. Kai lawng mengtengna tah nangmi te kawthe sak ham nawh tih nangmi boeih te kai lawng metihtlukla kan lungna tite ming sak ham ni.

Galati 2:5

Tede, nangmi hamla awlthang theen awltak te a sa sueng tih acakna yoeyah ham kaimi lawngah ahimi te kawlkalhca khaw ka thlahphaam u nawh.

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

2Timothy 2:6

Thatlawh thaboep la bii aka bi lotoen thlaang lawngah amah lo kah caangthaih te a caak lamha ham awm.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.