1Korin 9:22 - Matu Chin New Testament 2006

²² Oengna tha aka yoek thlaang thli tengah bii ka bi vengah ahimi te lawh thaina ham ahimi tha aka yoek sut angla ka awm. Metila khaw acoengg thai khoem atah avaang athal mai khaw thoem ka thlawn ai nuem ka ti dawngah thlaang boeih tengah ahimi angla ka awm van.

Matu Bible

²² Tattloel taengah tattloel la ka om daengah ni tattloel rhoek te la ka dang eh. Hlang boeih taengah cungkuem la ka om daengah ni pakhat khaw ka khang tangloeng eh.

1Korin 9:22 Iomraidhean Croise

Rom 11:14

Ka thlaangphun thli te uett-eena thinkaw a khueh sak he tah thlaangvaang mai khaw thlawn thaina ham ni.

Rom 14:1

Oengna ben ah tha aka yoek thlaang thli te van do u lah, tede ahimi kah pumpakla a poek akawng alam dawngah ahimi oen oelhtaih u boel.

Rom 14:2

Thlaang pakhat lawngtah a oengna oen me ang khaw a caak boeih, tede oengna tha aka ra nawh lawngtah tawi-an bueng te a caak.

Rom 15:1

Mami oengna tha aka ra hue lawngah amami kah thalrih phueih ham tha aka yoek thli te talawng takai ham awm. Mami lawng mah bueng kah ngaikhuekna te sai ham awm nawh.

Rom 15:2

Te lak ah, mami kah maya manau lawngah theenna koei, oengna ah a roengna koei te mami boeih lawng sai ham awm.

1Korin 10:33

Ka sai angla sai u van; ka sai boeih he thlaang boeih kah kawhoena ham ni ka yawm, kamah ham theenna te ka poek nawh tih thlawnna te a dangna u thai ham thlaang boeih kah theenna te ni ka poek.

1Korin 7:16

Khrihca la aka awm hutaa nang, ka vaa he ka thlawn thai manawh tite metila na thui thai? Khrihca la aka awm tawngpa nang ka yu he ka thlawn thai tlaih manawh tite metila na thui thai?

1Korin 8:13

Tedawngah caak awkk lawng maya manau thli te a thawlh sak atah maya manau thli thawlhna dawngah a tlim u nawh ham luciik sa te metuek ah khaw ka ca koep tlaih manawh.

1Korin 9:19

Kai tah a-u kah saltamnaa la khaw ka awm nawh, kai tah thlaangcuem ni; tede thlaang yahawh te ka doek thaina ham kamah oen kamah thlaang boeih kah sal la ka awm.

1Korin 9:23

He ang thli boeih he awlthang theen kawngah ni ka sai, awlthang theen dawngkah yotheen kam-awmna te rek-ara thaina ham ni.

2Korin 11:29

Thlaang pakhat khat a tha a yoek sut vengah kai khaw ka tha poei yoek van; thlaang khatsut a thawlh vengah kawtheboepla ka awm.

Galati 6:1

Maya manau thli, thlaang pakhat lawngah thawlhpalhna pakhat te a sai hau atah, nangmi Muithla ah aka awm thlaang thli lawng lawngpui doeng ah na khueh koep ham awm; te tila na sai vengah te kawdaw thinsan oen na sai u ham awm. Namami khaw suek-halhna ah na thuum u van nawh ham ngaithuen uh.