1Korin 9:19 - Matu Chin New Testament 2006

¹⁹ Kai tah a-u kah saltamnaa la khaw ka awm nawh, kai tah thlaangcuem ni; tede thlaang yahawh te ka doek thaina ham kamah oen kamah thlaang boeih kah sal la ka awm.

Matu Bible

¹⁹ Hlang boeih taeng lamkah aka loeih la ka om dae hlang boeih taengah kamah ka pinyen uh. Te daengah ni muep ka dang eh.

1Korin 9:19 Iomraidhean Croise

Mathai 18:15

“Na boenhui pakhat lawng na sawah a thawlh atah a tengla cet lang a thawlhna te thui peh. Tede ahuepla namahih bueng thui hih. Na awl a ngaai atah na boenhui oen na roep hih poen.

Rom 1:14

Metihtiah thlaangphun boeih tengah laiba ka khueh; Thlaang cuih oen thlaang cuih nawh tengah khaw, cathoem oen cathoem nawh tengah khaw bii bi ham laiba ka khueh.

Rom 11:14

Ka thlaangphun thli te uett-eena thinkaw a khueh sak he tah thlaangvaang mai khaw thlawn thaina ham ni.

Rom 15:2

Te lak ah, mami kah maya manau lawngah theenna koei, oengna ah a roengna koei te mami boeih lawng sai ham awm.

1Korin 10:29

Athe atheen mingna kawpoek ka ti te nangmi kah kawpoek nawh tih thlaang kah kawpoek ni ka ti. Thlaang khatsut lawngah, “Te tih atah thlaangtloe kah athe atheen pekbona kawpoek lawng ka yalpawna he n'tu hamla avan kang khak ai?

1Korin 10:33

Ka sai angla sai u van; ka sai boeih he thlaang boeih kah kawhoena ham ni ka yawm, kamah ham theenna te ka poek nawh tih thlawnna te a dangna u thai ham thlaang boeih kah theenna te ni ka poek.

1Korin 7:16

Khrihca la aka awm hutaa nang, ka vaa he ka thlawn thai manawh tite metila na thui thai? Khrihca la aka awm tawngpa nang ka yu he ka thlawn thai tlaih manawh tite metila na thui thai?

1Korin 9:1

Kai he yalpaw thlaang nawh aw? Kai lawngah mami kah Bawipa Jesuh te ka hu nawh aw? Nangmi he ta, Bawipa dawngah kai kah biibi phu athaih apaai thli nawh aw?

2Korin 12:14

Tahe avoeithumna ah nangmi hip hamla te oepsoehla ka awm poen, nangmi tengah n'tu khaw kavan bih manawh. Nangmi kah tangka te ka ngaih nawh tih namami te ni kan ngaih u. Ataktang atah ca-anau thli lawngah a manu oen ana pa te cawmcah nawh, tede nu a pa lawng ni ca-anau thli te a cawm a cah.

2Korin 4:15

He ang thli boeih he tah nangmi hamla ni, Pathen lungvatna lawng thlaang yahawh tengah a pha tare van angla Pathen ruep-awmna hamla ahimi lawng awmngaih ciil a thui khaw yahawh van ai.

2Korin 4:5

Kaimi lawng kamami kawng he ka thui u nawh; kaimi lawng Jesuh Khrih tah Bawipa ni tila ka thui u tih Khrih hamla kaimi he nangmi kah tuihyoeihthlaang la ka awm u.

Galati 5:1

Mami tah n'loeih poen, Khrih lawng n'loeih sak poen! Tedawngah aka loeih thlaang la na awm u van angla acakla pai u langtah namah oen namah te saltamnaa la coengg koep u boel.

Galati 5:13

Maya manau thli, nangmi te loeih sak hamla ni n'khue u. Tede, te loeihna te namami kah pumsa hue-ngaihna a dipna ham hawna u boel. Te lak atah lungna oen ah nangmi khat oen khat bawmcem uh.

1Timothy 4:16

Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

1Peter 3:1

Tetih van angla nangmi yu-aca hue lawngah na vaa thli kah awl te na ngaai ham awm. Te dengah ni na vaa thli tim ah Pathen awl aka tangna nawh pakhat khat te a awm atah nangmi kah moeiboe lawng a taa vetih a oeng ai. Nangmi lawng awl kam at khaw thui ham ngoe manawh,