1Korin 9:14 - Matu Chin New Testament 2006

¹⁴ Tetih van angla awlthang theen aka thui thlaang thli lawngkhaw awlthang theen phawngna dawng kalawng bung-khuutna dang hamla Bawipa lawng a khueh.

Matu Bible

¹⁴ Te vanbangla olthangthen aka doek rhoek te khaw olthangthen neh hing saeh tila Boeipa loh a uen coeng.

1Korin 9:14 Iomraidhean Croise

Mathai 10:10

Yin cehna sawngsa khaw, Angki, khawmuek oen cawnghol khaw ahoei khuen u boel. Bii aka bi tah angoe boeih te peek la awm badai.

Luka 10:7

Te kah im ah te awm u langtah ahimi lawng m'peek boeih te ca uh, metihtiah bii aka bi lawngtah a bi phu te a dang ham awm. Imlui te khat coeng khat pong thiikthuek u boel.

Luka 10:8

Khawpui pakhat khuila na kuun veng roekk ah nangmi te n'do u atah na haiah avan toen te ca uh,

Caeltueih 18:3

Pawl khaw ahih rawi yuvaa angla saphaw riim-im saina oen tangka a dang van dawngah ahih rawi yuvaa tengah awm tih bii haih a bi u.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

1Korin 9:11

Kai hih lawngah muithla caangti te nangmi tim ah ka tuh poen. Nangmi tengkah thaihu apuung ataai te kaimi lawng ka ah u te yahawh aih aw?

1Korin 9:12

Thlaangtloe lawng nangmi tengkah te ang thaihu te dang hamla a ngaiuep u atah kaihih lawngah yahawh ngaai te ka ngaiuep nawh ai aw? Tede kaihih lawng te tila saithaina te ka hawna hih nawh. Khrih kawng Awlthang Theen lawngpui ah kanghalh-na khat khaw a awmna nawh ham soeprep boeih ah ka ueh hih.

1Korin 9:16

Awlthang Theen ka thui dawng maiah ka thangpawm u ham awm nawh. Atak tang atah awlthang theen phawng ham roe la ni awl m'peek. Kai lawng awlthang theen ka phawng nawh kawinih metihtlukla kai ham mueirihtamyiin la a awm!

1Korin 9:4

Bii ka bi dawngah he caak awkk te ka dang van ham tuueng nawh aw?

2Korin 2:12

Khrih kawng Awlthang Theen te thui hamla Troas khaaw ka pha vengah, bawipa lawng te ah te bii bi ham lawngpui avan roek te ka huh.

Galati 6:6

Khrih kah awlthang aka cang thlaang pakhat lawngah thaihu theen a khueh toen boeih te ahih cangpueikung saya te pe lem seh.

1Thessalonika 1:5

Metihtiah Awlthang Theen te nangmi tengla kavan khuen u vengah awl bueng nawh tih huham tharana oen Ciim Muithla khaw, awltak asoengna te asoepa kavan khuen haih poen. Nangmi tengah ka awm u vengkah kaimi kah khawsakna te na ming u poen; te tah nangmi lawng na theenna ham ni.