1Korin 9:1 - Matu Chin New Testament 2006

¹ Kai he yalpaw thlaang nawh aw? Kai lawngah mami kah Bawipa Jesuh te ka hu nawh aw? Nangmi he ta, Bawipa dawngah kai kah biibi phu athaih apaai thli nawh aw?

Matu Bible

¹ A hoep la ka om moenih a? Caeltueih la ka om moenih a? Mamih Boeipa Jesuh ka hmuh moenih a? Nangmih te Boeipa ah ka kutngo na om uh moenih a?

1Korin 9:1 Iomraidhean Croise

Caeltueih 13:2

Ahimi lawngah Pathen a bok u tih buh a yeh u vengah te Ciim Muithla lawngah ahimi nala te, “Kai lawng bii ka hoel ka paai te aka bi hamla ka khue Barnabas oen Sawl te kai ham van thloeng uh” a tina.

Caeltueih 14:14

Ahimi lawngah te tila ka sai ai a ti u te Pawl oen Barnabas lawng a yaak hih vengah amahih kah himbai te a pheuh hih, thlaangping tim ah heeng hih tih paang,

Caeltueih 14:4

Te khawpui khuikah thlaangping tah pek u tih khatsut lawng Judah thlaang te a bawngyawng u tih khatsut lawng celtuih rawi te a bawngyawng u.

Caeltueih 23:11

Te kah khawyiin ah te Bawipa tah Pawl tengah pai tih, “Rih boel! Jerusalem ah he kai ham sausi la na pai angla Rom khawpui ah khaw he tila na pai hun ai.” a tina.

Caeltueih 9:15

Bawipa lawng ahih nala te, “Cet mai hawn, metihtiah kamah kah bii aka bi hamla, Gental thlaang thli, sengpahrang thli oen Israel thlaang thli tengah ka miing aka tueng sak ham ahih te ka tuek poen.

Caeltueih 9:17

Tedawngah Ananias lawng cet tih Sawl a awmna im khuila te kuun tih a sawah kut a tloeng pe. Ahih lawng, “Ka manau Sawl, he la na law vengah lawngpueng ah te namah tengah aka phumpho Bawipa Jesuh amah lawng kai he n'tuih. Na mik te a tueng koep na ham Ciim Muithla oen na betoet na hamla ni kai he n'tuih.” a tina.

Caeltueih 9:3

Sawl tah cet tih Damaskas khawpui te a pha tawm atah, vaan kah aangna pakhat lawng mikpatap ah a thue ploeng tih a teng-avai te aang rawngtheng.

Caeltueih 9:5

Ahih lawngah, “Bawipa, nang te a-u?” tila a doet. Te kah awl lawngah, “Kai tah nang lawng nan heem nan tek Jesuh ni.

Rom 1:1

Khrih Jesuh kah tuihyoeihthlaang, Pathen lawng Awlthang Theen phawng hamla n'tuek tih n'khue celtuih Kai Pawl lawng ca kavan pat.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 11:13

Tahe tah Gental thlaang thli nangmi tengah awl kavan thui. Gental hue nangmi tengah celtuih la ka awm khui roekk tah bii ka bina dawngah ka thangpawm u ai.

1Korin 1:1

Pathen kawngaihna oen Khrih Jesuh kah celtuih la awm ham khue la aka awm Kai Pawl oen mami kah manau Sostenes lawng -

1Korin 10:29

Athe atheen mingna kawpoek ka ti te nangmi kah kawpoek nawh tih thlaang kah kawpoek ni ka ti. Thlaang khatsut lawngah, “Te tih atah thlaangtloe kah athe atheen pekbona kawpoek lawng ka yalpawna he n'tu hamla avan kang khak ai?

1Korin 10:30

Kai lawng caak awkk, hamla Pathen tengah awmngaih awl ka thui tih te kah awm ngaih awl ka thuina caak awkk kawngah te a-u lawng kai he athela a thui ai? tila nan doet u mai ai.

1Korin 11:16

Tede a-u lawngkhaw he kawngah awl oelh ham a ngaih atah kaimi lawngkhaw, Pathen Khrihcabu thli lawngkhaw, Pathen bokna ah phung alam atloe khueh thloei nawh.

1Korin 3:6

Kai lawngah ati-amu te ka tue tih Apollos lawng tui a suep, tede athing aka po sak tah Pathen ni.

1Korin 9:19

Kai tah a-u kah saltamnaa la khaw ka awm nawh, kai tah thlaangcuem ni; tede thlaang yahawh te ka doek thaina ham kamah oen kamah thlaang boeih kah sal la ka awm.

2Korin 10:7

Nangmi lawngtah thaihu boeih te asaw ahan ah ni na dan u. Te ah te pakhat khat lawng amah oen amah te Khrih kah thlaang la ka awm tila aka thui awm aw? Theen, a awm atah amah kawng te poek koep de lah seh, metihtiah ahih te Khrih thlaang la a awm van angla kaimi khaw ka awm van.

2Korin 11:5

Nangmi lawngah, “Celtuih” tangtang na ti u thlaang hue lak ah te soetca khaw ahemla ka ngaai u nawh!

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Galati 1:1

Galati peng kah khrihcabu boeih tengah kai Pawl lawngah ca kavan pat. He kah ka tengah aka awm maya manau boeih lawngah kan toei u. Kai he celtuih la awm ham khuena he tah thlaanghing teng kalawng law nawh tih thlaanghing kah tuih nawh ni; tede Jesuh Khrih amah te duekna kalawng aka thawh sak Pa Pathen tengkah khuena ni.

Galati 5:1

Mami tah n'loeih poen, Khrih lawng n'loeih sak poen! Tedawngah aka loeih thlaang la na awm u van angla acakla pai u langtah namah oen namah te saltamnaa la coengg koep u boel.

1Thessalonika 2:6

Kaimi lawng nangmi tengkah khaw, thlaangtloe tengkah khawseh koehna te dang ham ka yawm u nawh.

1Timothy 2:7

Tedawngah ni oengna oen awltak kawng awlthang te phawng ham oen ah Gental thlaangphun te cangpueikung celtuih la kai he n'tuih.

2Timothy 1:11

Pathen lawng Awlthang Theen phawngkung la kai he celtuih la khaw, cangpueikung la khaw n'khueh poen,