1Korin 8:3 - Matu Chin New Testament 2006

³ Tede Pathen aka lungna thlaang te tah Pathen lawng a ming.

Matu Bible

³ Tedae pakhat loh Pathen te a lungnah atah Pathen loh anih te a ming coeng.

1Korin 8:3 Iomraidhean Croise

Mathai 7:23

Tevengah ahimi te, “kan ming nawh, atloela cet uh, thlaangthe thli!” ka tina ai.

Johan 10:14

Kai tah tuudoen theen ni. A Pa lawng kai he m'ming angla A Pa te kai lawngkhaw ka ming, tetih van la kai lawng ka tuu thli te ka ming tih ahimi lawngkhaw kai he m'ming u van. Kai lawngtah tuu thli ham hingna ka peek.

Johan 21:17

Apathum na ah Jesuh lawng, “Johan capa, Simon, kai he nan lungna aw?” tila a doet. Jesuh lawng voei thum toe ah nan lungna aw tila a doet dawngah Piter tah a kaw the malcal tih, “Bawipa soeprep he na ming; kai lawng kan lungna te na ming!” a tina. Jesuh lawngah, “Ka tuu thli he van doen.

Rom 11:2

Pathen lawng acuekca kalawng a tuek tangte a thlaang thli te hoett sut nawh. Caciim dawngkah awl, Elijah lawngah Israelca thli sawah a kaw a lawna nawh Pathen tengah a thui te nangmi lawng na ming u:

1Korin 13:12

Tahe ah mami lawng thaihu n'huh u he tah thlalang dawngah arui araila muei ame aka tueng angla ni a awm; vuenvai ah ngoen tah haitang heet la n'hu poen ai. Tahe ah kai lawng ka ming he avaang athal mai ni; Pathen lawng kai m'mingna he asoepbir van angla vuenvai ah ngoen tah asoepcala ka ming van ai.

1Korin 2:9

Tede Caciim lawng a thui angla, “A-u lawng vaikhat khaw hu nawh tih ayaak nooek nawh, a-u lawngkhaw coengg thai ai tila poek nooek nawh te amah aka lungna thlaang thli hamla soeprep te Pathen lawng a roek a bah pe poen,” tila a thui.

Galati 4:9

Tede tahe atah nangmi lawng Pathen te na ming u poen, tihnawhtah he tila ka ti ai ta, Pathen lawng nangmi te m'ming u poen, tetih atah n'tu hamla tha aka awm nawh tih tula khaw aka coengg nawh muithla benla te mel koep ham na ngaih u? N'tu hamla ahimi kah saltamnaa la te awm koep ham na ngaih u?

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 1:8

Nangmi lawng amah te na hu u nawh de na lungna u, tahe ah na hu u nawh de na tangna u. Tedawngah awl oen thui thai nawh awmngaihna alentloe oen asang koek kawhoena te na khueh u,

1Johan 4:19

Pathen lawng mami n'lungna lamha dawngah mami lawngkhaw n'lungna van.

1Johan 4:7

Ka lungna paya thli, lungna tah Pathen teng kalawng a law dawngah mami pakhat oen pakhat lung u sih. A-u khaw lungna aka khueh tah Pathen kah a ca la awm tih Pathen te a ming u.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.

Olphong 2:19

Kai lawng na sai boeih te ka ming. Lungna na khueh te ka ming. Acuek vengkah lak ah atlawh ngaaila tahe ah na bi te khaw ka ming.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!