1Korin 7:17 - Matu Chin New Testament 2006

¹⁷ A-u khaw Bawipa lawng kutdo a peek tih Pathen lawng a khue vengkah angla te a awm u ham awm. He tah Khrihcabu boeih ah ka cang puei phung-alam ni.

Matu Bible

¹⁷ Hlang khat rhip te Boeipa loh a tultael tih Pathen loh a khue vanbangla rhip kan uh tangloeng saeh. Te dongah ni hlangboel khuikah boeih te khaw kang uen van.

1Korin 7:17 Iomraidhean Croise

Mathai 19:12

Thlaang lawng a yu a lawh thai nawh he akawng atloetloe la awm: khatsut tah a yu lawh thai nawh ham a thang puei, atloe thlaang khatsut tah yu lawh thai nawh ham a sai u tih atloe khatsut hue tah Vaan Ram kawng dawngah a yu lo u nawh. He cangpueina he aka yaakming lawngtah vai hawn seh!” tila a thui pe u.

1Korin 10:32

Judah thlaang khaw, Gental thlaang khaw, Pathen Khrihcabu khaw, awlpuung kaacaan thuitheetna a awmna nawh ham te tila te na khawsakna te awm sak uh.

1Korin 11:16

Tede a-u lawngkhaw he kawngah awl oelh ham a ngaih atah kaimi lawngkhaw, Pathen Khrihcabu thli lawngkhaw, Pathen bokna ah phung alam atloe khueh thloei nawh.

1Korin 11:34

Tecoengah te tila na pum u vengah te Pathen kah awlcekna ah na phana u nawh ham bungpawng thlaang a awm atah amah im ah buh ca seh. Atloe abang thli ngoen tah kamah ka law vengah kavan thui u badai.

1Korin 14:33

Metihtiah mami he khawpaw rang-au la awm ham Pathen lawng ngaih nawh, roeproeina oen ding asuek la awm sak ham ni a ngaih.

1Korin 16:1

Judia ram ah aka awm Pathen thlaang thli bawmna hamla tangka cawi ham kawng ca navan thut te tah: Galati peng kah khrihcabu thli tengah ka thui pe angla te sai u van.

1Korin 4:17

He tila ka kamthlah u dawngah ni Timote he kavan tuih, ahih tah Khrihca khawsakna dawngah ka lungna uep-awm ka capa ni. Ahih lawng atah kai lawng ka vai tih peng tawm khrihcabu tengah ka cang puei Khrih Jesuh oen pumkhatla awmna dawngah hingna athaai atungpui te avan thui koep ai.

1Korin 7:18

Yahhuivuen aka reet thlaang te Pathen lawng a khue atah yahhuivuen reet la a awmna miknoekna te hoett boel seh; yahhui-vuen aka reet nawh thlaang te Pathen lawng a khue atah yahhui vuen te reet han boel seh.

1Korin 7:24

Maya manau thli, nangmi te amah lawng n'khue coeng vengkah na awm u angla te pakhat rip lawng Pathen oen pawlneeng uh.

1Korin 7:7

Atak tang atah nangmi boeih he kai angla na awm u atah ka ngaih ngaai; tede thlaang boeih lawngah Pathen tengkah kutdo lakloe te rip a khueh u.

2Korin 11:28

Atloe thli te thui ohla khrihcabu boeih kah hailamben ham kaw ka poek veng roe ah he hin roekk ah thalrih angla n'naam.

2Korin 8:18

Ahih oen aka awlthang theen thuina bii a bina dawngah khrihcabu boeih lawng a hinyah tangkiik boenhui pakhat te kaimi lawng kavan tuih ai.

Galati 1:22

Tevengah te Judia ram kah khrihcabu thlaang thli lawng kai he pumpakla m'ming u nawh.

1Thessalonika 2:14

Maya manau thli, Judia ram kah Pathen khrihcabu boeih oen Khrih Jesuh kah thlaang thli lawng a tawng u te ang van te, Judah thlaangphun lawng ahimi te a heem a tek van angla nangmi khaw namami ram khui thlaang thli kah heemtekna patang te na khang u.

2Thessalonika 1:4

Tedawngah nangmi kawng te Pathen kah khrihcabu thli tengah kamami roe lawng ka thangpawmna u. Nangmi lawng heemtekna oen patangraina na khang tangkiik u de na ueh thai u tih na oeng u dawngah kaimi lawng ka thangpawmna u.