1Korin 6:9 - Matu Chin New Testament 2006

⁹ Pathen Ram te thlaangthe lawngtah paang manawh tite ataktangla na ming u ta. Namami oen namami te thailat u khoeng boel: Thlaanghalh paadak thli, kutsaimuei aka bok thlaang thli, samphaih thlaang thli, hutaa puei oen tawngpa puei oen ah aka thawlh thlaang thli,

Matu Bible

⁹ Halang rhoek loh Pathen kah ram pang mahpawh tila na ming uh moenih a? Nangmih te n'rhaithi uh boel saeh. Hlanghalh rhoek long khaw, mueibawk rhoek long khaw, samphaih rhoek long khaw, himbai hnal long khaw, uicuk long khaw,

1Korin 6:9 Iomraidhean Croise

Mathai 19:29

Tecoengah a-u khaw kai kawng dawngah a im oen a lo, a maya manau, ngannu nganca, a manu ana pa oen a ca te aka ceh taak thlaang tah te yueng te a pueh yakhat la a dang u vetih dungyan hingna te a dang baal ai.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Luka 21:8

Jesuh lawng, “Ngaithuen uh; a-u lawngkhaw n'thaina boel seh. Thlaang broe lawngah ka miing oen law ai, ‘Kai tah ahih poen ni! Atue a pha poen!’ ti ai. Tede ahimi hu ah te bang u boel.

Caeltueih 20:32

Tahe tah nangmi he Pathen kah doencangna oen amah kah lungvatna awlthang khuiah kan peek u poen, te lawngah nangmi te n'roeng sak vetih amah kah thlaang boeih hamla a toen oepsoeh yotheen kam-awmna te m'peek ai.

Caeltueih 24:25

Tede Pawl lawngah theenna kawng, mah oen mah kuemsuemna kawng oen Awlcekna Khawhin a lawna kawng te a thui vengah Filik lawng caalla a rih tih, “Tahe tah cet de ne. Ka hoeng vengah kan khue sak koep badai.” a tina.

Rom 1:18

Pathen kah thinsana lawngtah thlaanghing boeih kah athe-arana oen thawlhna boeih te a oel tih vaan kalawng va tueng poen. Te athe-arana lawng awltak te yaakming thai nawh ham a kang khoep.

1Korin 15:33

Ngau-athuu u boel, “Thlaangthe lawng thlaang theen a poeih” ti de lah koen.

1Korin 15:50

Maya manau thli ka thuingaihna tah thi-asa oen a sai pum lawngah he Pathen Ram te paang thai manawh, tecoengah aka duek thai lawngah aka duek thai nawh te khueh thai manawh.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

1Korin 5:1

Nangmi tim ah te lukih thlaang thli lawng pateng khaw a yahna koei rih awm tangkiik mai hutaa tawngpa thawlhna awm tila ka yaak. Thlaang pakhat lawngtah a manuthawn oen ip haih tila avan thui u!

1Korin 5:10

Te tila ka thui te thlaanghalh paadak thlaang, apueh asawm aka ngaih thlaang, thlaanghuuen paacaan thlaang thli, kutsaimuei aka bok thlaang thli oen pawlneeng u boel tila ka thuingaihna nawh ni. Te ang thlaang thli teng kalawng thloeng u sih ti mai kawinih he dilai he ceh taak ngala ham ni a awm poen ai.

1Korin 5:11

Ka thuingaihna tah khrihca la ka awm ti van de thlaanghalh paadak, apueh asawm aka ngaih moek, kutsaimuei aka bok, thlaang thuitheet thlaang, yuuruui thlaang, thlaanghuuen paacaan thlaang la aka awm hue oen ah pawlneeng haih u boel tila ka thuingaihna ni. Te ang thlaang oen tah caak awkk ham pateng ngawl haih u roe boel.

1Korin 6:10

thlaang kah thaihu aka rot thli, apueh asawm aka ngaih moek thlaang thli, yuu aka ruui thlaang thli, thlaang aka theet thli, thlaanghuen thli tah a-u khaw Pathen Ram te pang manawh.

1Korin 6:18

Cuk-halh thawlhna te kuemsuem uh. Atloe thawlhna lawngtah thlaang kah a pum te rawk sak aih nawh; tede cuk-halh thawlhna aka sai thlaang lawngtah amah pum roe te a thawlh sak poen.

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

2Korin 12:21

Nangmi tengla ka law koep vengah te ka Pathen lawng nangmi haiah yaraula n'khueh hau vetih n'hu vengah aka thawlh thlaang thli oen thinkaw ciimcaihna nawh boeih oen amami kah a sai pumsa hue-ngaihna, hutaa tawngpa thawlhna a yut u nawh dawngah te ka rap hau ai tite ka lakueng.

Galati 6:7

Namah oen namah mai te thailat u boel; Pathen te a-u lawngkhaw thailatna thai nawh. Thlaang lawngah a tuh van angla a ah ca-ngai ai.

Kolosa 3:5

Tecoengah dilai pumsa ngaihna nangmi kaw khuiah bii aka bi hutaa tawngpa thawlhna, ciimcaih nawh khawsakna, halhna, athe ngaihsoehna, apueh ngaihna, he ang thli boeih he na duek sak ham awm. (Metihtiah apueh ngaihna he kutsaimuei bokna pakhat van ni)

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

Hebrew 12:16

A-u khaw hutaa tawngpa thawlhna sai u boel. Muithla ben te n'tu la aka sak nawh Esau angla awm u boel; Ahih lawngtah amah kah camiing la a awmna te buh vai at caak la a yoeih mai poen.

Hebrew 13:4

Yu lawh vaa sakna he thlaang boeih lawng hinyah ham awm. Yuvaa lawngah khat oen khat uep-awm la awm ham awm. Pathen lawngah hutaa tawngpa thawlhna aka sai oen samphaih thlaang boeih te awl a cek ai.

James 1:16

Ka lungna maya manau thli, poek thawlh u boel!

1Johan 3:7

Ka ca thli, nangmi te a-u khat lawngkhaw n'thaina boel seh! Khrih tah thlaangdoeng la a awm angla a-u khaw doengna aka sai boeih tah thlaangdoeng van ni.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.