1Korin 6:15 - Matu Chin New Testament 2006

¹⁵ Nangmi kah pum he tah Khrih kah pum vangg ni tite na ming u. Kai lawngah Khrih kah pum vangg te ka lawh vetih pum yooei thlaanghalhnu la ka sai ai aw? Ka sai roe manawh!

Matu Bible

¹⁵ Nangmih kah pum tah Khrih kah pumrho ni tila na ming uh moenih a? Te koinih Khrih kah pumrho te loh tih hlanghalh kah pumrho la ka saii aya? Te tlam te om mahpawh.

1Korin 6:15 Iomraidhean Croise

Luka 20:16

Ahih te law vetih te kah thlaang thli te a ngawn coeng atah misurdum te thlaangtloe a vat ai.” tila a thui pe. Thlaangping lawng he awl he a yaak u vengah, “Te tila te awm roe mai boel seh!” ti u.

Rom 12:5

Tetih van la mami khaw thlaang yahawh mai de Khrih ah pumkhatla awmna rang oen pumkhatla n'coengg tih pum dawngkah abeek tloe tloe he pakhat oen pakhat a tuhkai u van angla mami khaw khat oen khat m'pha u boeih.

Rom 3:31

Tetih atah, oengna oen Phungawl he hoett la awm ti ngaihna aw? N'hoett moenih, Phungawl te n'cak sak dai ni.

Rom 3:6

Tetih nawh ni; Pathen he doeng nawh kawinih metila dilai awl a cek thai ai?

Rom 6:15

Tetih atah mami he phungawl huiah n'awm tlaih nawh tih Pathen lungvatna huiah n'awm u dawngah thawlhna n'sai ai aw? N'sai manawh!

Rom 6:2

Te tih moenih! Thawlhna ah n'duek u poen, metila thawlhna dawngah n'awm khuep thai ai?

Rom 7:13

Tetih atah athe thaihu lawng Kai ham duekna avan thoeng sak ti ngaihna aw? Tetih moenih. Te tila aka thoeng sak te tah thawlhna ni; Thawlhna lawng thawlhna tangtang la a awmna te a tuengna ham atheen thaihu te a hawna tih kai ham duekna te avan khuen. Tedawngah thawlhna he mueirihtamyiin thawlhna ni tila awlpeek rang oen tueng tare.

Rom 7:7

Tetih atah Phungawl amah roe he thawlh n'ti u thai ai aw? Thawlh n'ti thai manawh! Tede thawlhna he aka mingsakkung tah Phungawl ni. Phungawl lawng, “Thlaang kah thaihu naai boel,” tila van thui nawh kawinih thaihu naaina ti he ka ming manawh.

1Korin 11:3

Tede nangmi te ming sak ham ka ngaih tah Khrih tah tawngpa boeih kah a luu la awm, a vaa he tah a yu kah a luu la awm tih Pathen tah Khrih kah a luu la awm ti he ni.

1Korin 12:27

Nangmi boeih tah Khrih kah pum la na awm u tih a beek la rip na awm u.

1Korin 6:13

Thlaang khatsut lawng atah “Caak awkk he bungpui hamla awm tih bungpui he tah caak awkk hamla ni.” na ti u. Soeng mai ngoen ta; tede Pathen lawngtah aboetna te a pha sak bok ai. Thlaanghing pum he cuk-halh thawlhna ah hawna ham nawh ni, Bawipa biibina ah hawna ham ni, Bawipa lawng ni pum he a cawm acah.

1Korin 6:17

Tede Bawipa oen aka tuhkai u thlaang tah muithla ben ah Bawipa oen pumkhatla awm.

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

1Korin 6:3

Mami lawng vanthlaang thli te awl cek ham awm tite na ming u nawh aw? Tedawngah he dilai hing khuikah thaihu tah awlcek tare ham awm ta!

Galati 2:17

Tecoengah mami lawng Khrih oen pumkhatla awmna rang oen ah Pathen oen roeproeina a awmna ham mami lawng n'yawm vengah he Gental thlaangphun angla thlaangthawlh la n'awm tite n'huh u, tete Khrih khaw thawlh saina ah thuum van ti ngaihna aw? Te tila ti ngaihna nawh ni!

Galati 3:21

Tetih atah Phungawl lawngah he Pathen awlkam te a oelh a taih ti ngaihna aw? Nawh ni, oelhtaih nawh! Metihtiah hingna aka pe thai phungawl te thlaanghing lawng dang kawinih te phungawl te vaina rang oen ah Pathen oen thlaanghing boeih he roeproeina awm ai.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

Ephesa 4:12

He tila a sai he tah Khrih kah pum te a roengna ham Pathen kah thlaang boeih lawngah Khrihca bii te bi hamla roekbahna ni.

Ephesa 5:23

Khrih lawngah khrihcabu sawah aana a khueh angla vaa-aca lawng khaw yu-aca sawah aana a khueh tih Khrih tah amah pum la aka awm khrihcabu kah thlawnkung la awm.

Ephesa 5:30

Metihtiah mami tah amah pum dawngah aka thuum van ni.

Kolosa 2:19

Pum kah luu la aka awm Khrih phoeih mangkhak te a toeng u. (Khrih kah khoemdoenna oen pum lawngah cawmcah u tih ruh-rawng dakda oen tharui lawng a tawm malh coengah Pathen lawng roeng sak ham a ngaih angla te coengg.)