1Korin 5:7 - Matu Chin New Testament 2006

⁷ Nangmi lawngah aciimthlaula na awmna u ham thawlhna tawlru ruem te hoett uh. Te atah tawlru aka thuum nawh takawi thaaithikla na awm u ai, te tila nangmi na awm tangtang tite ataktangla ka ming. Metihtiah mami kah Kaantaak Poei te oepsoeh la awm poen, mami kah Kaantaak Poei tuuca Khrih te Luciik la thawthueng u poen tih mami kah Kaantaak Poei sai ham oepsoeh la awm poen.

Matu Bible

⁷ Vaidamding la na om uh dongah tolrhu rhuem te sil uh laeh. Te daengah ni a hlom thai la na om uh eh. Mamih kah yoom tuca Khrih pataeng a ngawn coeng.

1Korin 5:7 Iomraidhean Croise

Mathai 13:33

Jesuh lawng ahimi tengah atloe thuidoetna pakhat a thui pe baal: “Vaan ram tah he tila awm. Hutaa pakhat lawng tawlru a lawh tih taa-eek hawl at dawng a phull atah a raawi sak boeih oen lo u” tila Jesuh lawng a tina.

Marku 14:12

Tawlru phull nawh Takawi Poei hin at na, Kaantaak poei buhkokna ham tuuca ngawnna khawhin ah Jesuh te a hubang hue lawng, “Nang hamla Kaantaak poei buhkokna te ame huen ah kaimi sai sak ham na ngaih?” tila Jesuh te a doet u.

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 1:36

Jesuh a yingyawi te a huh tih, “Pathen kah Tuuca ke bueh hih lah!” a tina.

Johan 19:14

Teveng te tah Kaantaak Poei huet hin hingthun tawm poen ni. Pilat lawngah thlaangping nala te, “Na sengpahrang he bueh u lah!” a tina.

Rom 3:25

Pathen lawng Jesuh Khrih he a thisen rang oen thawlh khawdawp ngaaina saikung la a khueh tih te khawdawp ngaaina tah Jesuh Khrih oengna rang oen ni. Pathen lawng he tila thawlh khawdawp ngaaina a sai he tah a doengna te tueng sak a ngaih dawngah ni. Yan veng atah a kaw daw tih thlaanghing thawlhna te hu nawh angla awm;

1Korin 10:17

Takawi thluem at awm tih, te takawi thluem at te n'cuut u dawngah mami he thlaangmi la tah yahawh mai cakhaw pumkhatla ni n'awm u.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

Olphong 5:12

angaihhlangla laa a sak u tih: “A ngawn u Tuuca lawngah Huham tharana oen kuirangna, Cuihna oen tharana, hinyahna oen ruep-awmna oen ah thangpawmna tah dang hamla tuueng ta-ngak,” ti u.