1Korin 5:11 - Matu Chin New Testament 2006

¹¹ Ka thuingaihna tah khrihca la ka awm ti van de thlaanghalh paadak, apueh asawm aka ngaih moek, kutsaimuei aka bok, thlaang thuitheet thlaang, yuuruui thlaang, thlaanghuuen paacaan thlaang la aka awm hue oen ah pawlneeng haih u boel tila ka thuingaihna ni. Te ang thlaang oen tah caak awkk ham pateng ngawl haih u roe boel.

Matu Bible

¹¹ Tedae nangmih taengah kan daek he tah manuca la a khue taengtae pakhat long khaw hlanghalh la, halhka la, mueibawk la, olbaikung la, yumi la, kutveet la a om atah rhoinaeng puei boeh. Amih te caak puei boeh.

1Korin 5:11 Iomraidhean Croise

Mathai 18:17

Tecoengah ahimi kah awl te a ngaai nawh atah, awlkaa boeih te khrihcabu tengah thui uh. Aboetna ah khrihcabu awl te a ngaai nawh toeng toeng atah ahih te lukih thlaang tihnawhtah mangmu cawikung hue angla poek uh.

Mathai 23:25

“Phungawl cangpueikung oen Farasi hue, nangmi ham khawmap tangkiik. Nangmi thlaangthaipalat hue! Nangmi lawng boengloeng oen beel te asaw ahan tah na silh u tih akhui tah athe thaihu, mah kawngaih saina oen betoet.

Luka 18:11

Farasi thlaang lawngtah amah bueng pai tih, “Aw, Pathen, kai tah ngaihmoekna aka khueh thlaang, hoem thui thlaang, samphaih thlaang, he ang thlaang thli angla ka awm nawh dawngah kan uem tangkiik. He kah mangmu cawikung angla khaw ka awm nawh dawngah kan uem baal

Luka 21:34

“Ngaithuen u lah! Nangmi lawng awmtheen awmyaal poeibuh caak awkk oen dilai han khawsak lakuengna te poek u aih boel, te tila na awm u veng bawtbet khawlai ah te kah Khawhin lawng nangmi teng avan pha ai.

Caeltueih 1:15

Khawhin meyoeh yun nuem a awm coeng atah oengca thli huhtunna awm tih thlaangmi te a pum boeih la ya pakul yun awm, Piter lawng pai tih awl a thui.

Caeltueih 9:17

Tedawngah Ananias lawng cet tih Sawl a awmna im khuila te kuun tih a sawah kut a tloeng pe. Ahih lawng, “Ka manau Sawl, he la na law vengah lawngpueng ah te namah tengah aka phumpho Bawipa Jesuh amah lawng kai he n'tuih. Na mik te a tueng koep na ham Ciim Muithla oen na betoet na hamla ni kai he n'tuih.” a tina.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 16:17

Maya manau thli: pekbona aka thoeng sak thli oen oengna te aka thumhang sak oen ah nangmi lawng na cang u tangte cangpueina aka oelh-taih thli te ngaithuen ham kan uen u: Ahimi teng kalawng thloeng uh.

1Korin 10:14

Tedawngah ka lungna ka puei thli, kutsaimuei te bok u boel;

1Korin 11:21

Metihtiah na caak u vengah te namah kah buh an te na caak na awkk u tih khatsut tah a bung a pawng vengah khatsut tah yuu te ruui u poen.

1Korin 6:10

thlaang kah thaihu aka rot thli, apueh asawm aka ngaih moek thlaang thli, yuu aka ruui thlaang thli, thlaang aka theet thli, thlaanghuen thli tah a-u khaw Pathen Ram te pang manawh.

1Korin 6:6

Khrihca khat oen khat taya na cawi u tih oengca la aka awm nawh thlaang te lumlai na tloek sak u aroeh mai!

1Korin 6:9

Pathen Ram te thlaangthe lawngtah paang manawh tite ataktangla na ming u ta. Namami oen namami te thailat u khoeng boel: Thlaanghalh paadak thli, kutsaimuei aka bok thlaang thli, samphaih thlaang thli, hutaa puei oen tawngpa puei oen ah aka thawlh thlaang thli,

1Korin 7:12

Thlaangtloe hue tengah kavan thui tah (kamah lawng ni ka thui, Bawipa lawng nawh ni): Khrihca tawngpa pakhat lawng oengca la aka awm nawh a yu te a khueh tih a yu lawngah ahih oen awm poe ham a ngaih atah thlaak boel seh.

1Korin 7:15

Te cakhaw oengca la aka awm nawh thlaang pakhat lawngah Khrihca a yu mai khaw, a vaa mai khaw maa ham a ngaih atah maa mai seh. He ang kawng atah Khrihca a yu lawng mai khaw, a vaa lawng mai khaw yalpawla sai seh. Nangmi ngaimawng ngaitoe la awm ham ni Pathen lawng n'khue u.

1Korin 8:11

Tedawngah tha aka yoek thlaang na maya manau, Khrih lawng a duek thil thlaang thli te nangmi kah ‘Cuihhoena’ lawngah te a rawk sak poen ai!

Galati 2:12

Jeem lawngah avan tuih thlaang thli te avan pha thlan veng atah Piter lawng Gental maya manau thli oen ah buh haih a caak u. Tede te thlaang thli te avan pha coeng atah, Gental thlaang thli te yahhuivuen reet sak ham aka ngaih thlaang thli te a rih u dawngah nawng tih Gental thlaang thli oen buh ca haih tlaih nawh.

Ephesa 5:18

Yuu te ruui u boel, yuu tah nangmi te aka rawk sak khoeng ni, te lak atah Muithla oen betoet u lah.

Ephesa 5:5

Nangmi lawng na ming ceet ham tah a-u khaw hutaa tawngpa thawlhna aka sai, tuiilehkap aciim nawh awl aka thui, apueh aka ngaih tah Khrih oen Pathen kah Ram ah adang ham koei te dang manawh tite ming uh (apueh asawm ngaihna he kutsaimuei bokna pakhat van ni).

Kolosa 3:5

Tecoengah dilai pumsa ngaihna nangmi kaw khuiah bii aka bi hutaa tawngpa thawlhna, ciimcaih nawh khawsakna, halhna, athe ngaihsoehna, apueh ngaihna, he ang thli boeih he na duek sak ham awm. (Metihtiah apueh ngaihna he kutsaimuei bokna pakhat van ni)

2Thessalonika 3:14

He kah capat khuiah aka awm awl he aka vai nawh thlaang khaw awm mai ai. Te ang thlaang te a awm atah noek u langtah ayah laat la a awmna ham ahih oen te benbaw benpang u boel.

2Thessalonika 3:6

Maya manau thli, kaimi kah thuituenna awl te aka vai nawh tih thayong tha-ngak la aka awm maya manau boeih te nangmi lawngah relram hamla mami Bawipa Jesuh Khrih miing oen ah kaimi lawng awl kan peek u.

1Timothy 3:3

Ahih tah yuu aka ruui nawh tih boethe halang nawh thlaang, boe-ngaai kawdaw thlaang, tangka aka ngaih soeh nawh thlaang seh,

1Timothy 6:5

he tila aka awm thli tah kawpoek soeng tlaih nawh tih awltak te aka khueh tlaih nawh thlaang poen ni. Ahimi lawngah bokna he kuirang la coenggna lawngpui la a poek u.

2Johan 1:10

Tedawngah a-u khaw pakhat khat nangmi tengah law tih he kah cangpueina he avan khuen nawh atah na im ah pah sak u boel; “Na sawah ngaimawngna awm seh” tila khaw tina boel.

Olphong 2:14

Tede na sawah ka kaw a lawna nawh thaihu ayawlca awm: te tah nangmi tim ah Balaam kah cangpueina aka vai thlaang khatsut awm; Israel thlaangphun te thawlhna khuila mawt ham kutsai-muei thawthuengna caak awkk te caak ham hutaa tawngpa thawlhna oen ah thawlh hamla Balaam lawngah Balak te a cang puei.

Olphong 2:20

Tede na sawah ka kaw a lawna nawh tah he ni: amah oen amah Pathen kah celtuih la ka awm aka ti hutaa Jezebel te nang lawng na thlahphaam sut te ni. Ahih lawng a cangpueina rang oen ka thlaang thli te hutaa tawngpa thawlhna oen kutsaimuei thli thawthuengna caak awkk te caak hamla a mawt thawlh.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.