1Korin 4:8 - Matu Chin New Testament 2006

⁸ Nangmi lawng na ngoe soeprep boeih te na khueh tang tang u poen aw? Na bawi na len u tangtang aw? Kaimi tah sengpahrang la ka coengg u nawh de nangmi ta sengpahrang la na coengg u poen aw? Nangmi oen haih kaimi khaw sengpahrang la coengg thaina ham nangmi te sengpahrang la na coengg u tangtang ham ka ngaih.

Matu Bible

⁸ Na khueh uh tih na cung uh coeng tih na khuehtawn uh coeng. Kaimih pawt akhaw na manghai uh. Rhep na manghai uh te ka ngaih. Te daengah man kaimih khaw nangmih taengah ka manghai uh van sue.

1Korin 4:8 Iomraidhean Croise

Mathai 5:1

Jesuh lawng thlaangping hue te a huh vengah, tlaangsawm la luui hang tih te ah te ngawl. A hubang hue lawng ahih te a veel u.

Luka 6:25

Tahe ah bung aka hah thlaang thli ham tah khawmap tangkiik mai mah aw; nangmi tah buhmueh buhpawng la oen na van ai! Tahe ah nangmi aka nui aka cal thlaang thli ham khawmap tangkiik mah aw; nangmi tah lungnat yaak oen na rap u ai!

Caeltueih 26:29

Pawl lawngah, “Atue soetca ah khaw, asan hlang ah khaw, he kah thiirui he tah thui muehla nang oen tihin ah ka awlthui aka hutung nangmi boeih he kai angla awm van ham Pathen tengah ka thangthui!” a tina.

Rom 12:3

Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

1Korin 1:5

Metihtiah Khrih oen pumkhatla awmna rang oen ah awlcal thingkaa oen thoemthai cuihna boeih ah khaw soeprep boeih ah na bawireng soeh u poen.

1Korin 4:18

Thlaang khatsut lawngtah kai lawng nangmi te n'hill adawng tlaih manawh tila na poek u tih na oekk u.

1Korin 5:6

Nangmi lawngah na oekthloen u ham awm roe nawh! Nangmi lawngah, “Tawlru yoehca lawng ta-ekk hawl at te a rawi sak.” a ti awl te na ming u.

2Korin 11:1

Kai he ka ngau bet cakhaw khawdawp na ngaai u ham ka ngaih. Khawdawp van ngaai u hawn!

2Korin 13:9

Kaimi ka tha a yoek u vengah nangmi tah na tha a ra u dawngah ka awmngaih. Tedawngah nangmi thlaangsoep la na awmna thai ham kaimi lawngkhaw nangmi hamla ka thangthui u.

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 2:12

Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

Olphong 3:17

Nang lawngah, “Kai tah ka bawi ka len tih ka voetna awm nawh; ka ngoe boeih te ka khueh’, na ti. Tede nang tah metihtlukla na khawdeng tih reen kap la na awm te na ming nawh! Nang tah na khawdeng, atliing ayaal la na awm tih na mik pum de lah koen.

Olphong 5:10

Nang lawng ahimi te mami kah Pathen bii aka bi ham khawsoeih la khaw sengpahrang la khaw na sai poen dawngah ahimi lawng dilai he a uk u poen ai,” tila laa thaai te a sak u.