1Korin 4:6 - Matu Chin New Testament 2006

⁶ Maya manau thli, nangmi kah theenna hamla he ang boeih he Apollos oen kamah he nuehtahna la ka hawna tih kavan thui. He tila ka thui he tah, “Phung-alam te pooeng voelh boel” tila a thui te nangmi lawng na mingna ham ni. Nangmi a-u khat lawngkhaw pakhat te tah koeh pakcal boel langtah atloe pakhat te tah thuitheet soeh aih boel.

Matu Bible

⁶ Manuca rhoek, nangmih ham kamah neh Apollos tah ka sa uh coeng he. Te daengah ni kaimih lamloh na cang uh vetih a daek tangtae te a poe uh pawt eh. Te daengah ni pakhat long khaw khat neh khat te na hoemdawk thil uh pawt eh.

1Korin 4:6 Iomraidhean Croise

Caeltueih 18:24

Tevengah te Alekzandria khaaw kah Apollos aka miingna Judah thlaang pakhat te Efesa khaaw la va law. Ahih tah awlthui a thoem tangkiik tih Caciim dawngkah awl te acek aneh la a ming.

Caeltueih 19:1

Kawrin khaaw ah Apollos a awm veng te ah, te kah peng te a hiil adawng tih Efesa khaaw te a pha. Te ah te hubang thli khatsut te a huh tih,

Rom 12:3

Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

1Korin 1:12

Ka thui ngaih tah he ni: Nangmi pakhat rip lawngah athloek athloekla na thui u. Pakhat lawngah “Kai tah Pawl kah hubang ni” ti tih atloe khat lawngah, “Kai tah Apollos kah hubang ni,” ti, atloe khat lawngah, “Kai tah Piter hubang ni,” ti tih atloe khat lawng, “Kai tah Khrih hubang ni.” tila a thui u ti he ni.

1Korin 1:19

Caciim lawngah, “Thlaangcuih thli kah Cuihna te ka phe vetih thoemthaina aka khueh thlaang thli kah mingna te khaw ka hoett pe bangtlang ai.” tila a thui.

1Korin 1:31

Tedawngah Caciim lawng, “A-u khaw oekthloen u ham a ngaih atah Bawipa kah thaihu sai dawngah oekthloen u seh,” tila a thui.

1Korin 13:4

Lungna lawngtah khawdawp a ngaai tih reenna a khueh; lungna lawngtah uett-eena khaw, halangna khaw, Oekthloenna khaw khueh nawh;

1Korin 3:19

Metihtiah he dilai lawng cuihna tila a poek te Pathen mik huh atah a poei-oep mai ni. Caciim lawngah “Pathen lawngtah thlaangcuih thli te amami kah dongtung dawngah a man sak.” tila a thui,

1Korin 3:21

Tedawngah a-u khaw thlaanghing kah saithaina akawng alam dawngah oekthloen u ham awm nawh. Ataktang atah soeprep boeih he nangmi kah koe-ava la ni a awm:

1Korin 5:2

Tedawngah metila nangmi na oekk u thai dai lauh mai? Tetih ohla nangmi tah na kaw the u vetih te ang thaihu aka sai thlaang thli te namami kah bu khui kalawng na hek u ham awm de ta.

1Korin 5:6

Nangmi lawngah na oekthloen u ham awm roe nawh! Nangmi lawngah, “Tawlru yoehca lawng ta-ekk hawl at te a rawi sak.” a ti awl te na ming u.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

1Korin 9:23

He ang thli boeih he awlthang theen kawngah ni ka sai, awlthang theen dawngkah yotheen kam-awmna te rek-ara thaina ham ni.

2Korin 10:12

Amah oen amah te asang luelh la aka poek u thlaang hue oen te kaimi tah ka thumvan u nawh tih nuehtah ngam ham khaw ka mueinai u nawh. Ahimi tah ngau tangkiik mah aw! Ahimi lawngah amami oen amami te tahna hamla amami kah alan-atang te a sai u tih amami kah alan-atang oen ah te nuem-anai u.

2Korin 10:15

Tedawngah Pathen lawng kaimi ham ari-amawng avan helhna voel ah thlaangtloe lawng bii a bina tangte kawngah te ka oekthloen u nawh. Te lak atah Pathen lawng ari-amawng a helhna khuiah te nangmi tim ah bii akau ngaaila ka bi thai u vetih nangmi kah oengna te roeng hang ai ti he ni ka ngaiuep u.

2Korin 10:7

Nangmi lawngtah thaihu boeih te asaw ahan ah ni na dan u. Te ah te pakhat khat lawng amah oen amah te Khrih kah thlaang la ka awm tila aka thui awm aw? Theen, a awm atah amah kawng te poek koep de lah seh, metihtiah ahih te Khrih thlaang la a awm van angla kaimi khaw ka awm van.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

2Korin 12:19

Nangmi haiah kamami kah thlip adahna hamla a yawm puet tila khaw nan poek u mai ai. Tetih nawh ni! Khrih lawngah kaimi thui sak hamla a ngaih angla te Pathen haiah ka thui u, ka lungna ka paya thli, kaimi lawng ka sai boeih he nangmi bawmna ham ni ka sai u.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

2Korin 12:6

Kai lawng oekthloen ham ka ngaih atah thlaangngau la tah ka awm aih manawh, metihtiah awltak ni ka thui ai. Tede ka oek u manawh, metihtiah ka saina he a huhna oen ah ka awlthui a yaakna lak ah asangla kai he a poek u hamla ka ngaih nawh.

2Korin 4:15

He ang thli boeih he tah nangmi hamla ni, Pathen lungvatna lawng thlaang yahawh tengah a pha tare van angla Pathen ruep-awmna hamla ahimi lawng awmngaih ciil a thui khaw yahawh van ai.

Kolosa 2:18

Huhthlaam sangthloei ka huh ti u tih thlaangtloe lak ah asangla aka ngaai u thlaang thli, asoeng nawh komyomna, m'mah kah pum he phep hamla awm aka ti thlaang thli a-u lawngkhaw nangmi te n'sal'phaam boel seh. Te ang thlaang thli tah thuingaihna tangtang aka awm nawh thlaanghing poekna angla a poek te oen ah oekthloen u.

1Thessalonika 1:5

Metihtiah Awlthang Theen te nangmi tengla kavan khuen u vengah awl bueng nawh tih huham tharana oen Ciim Muithla khaw, awltak asoengna te asoepa kavan khuen haih poen. Nangmi tengah ka awm u vengkah kaimi kah khawsakna te na ming u poen; te tah nangmi lawng na theenna ham ni.

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.