1Korin 4:5 - Matu Chin New Testament 2006

⁵ Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

Matu Bible

⁵ Te dongah Boeipa ha pawk hlan atah amah tue lakah pakhat khaw laitloek uh oepsoeh boeh. Amah loh yinnah khuikah a huephael te a yaal vetih thinko kah mangtaengnah te a phoe bitni. Te vaengah Pathen taengkah thangthennah tah rhip om van bitni.

1Korin 4:5 Iomraidhean Croise

Mathai 10:26

Tedawngah thlaang te rih u boel. Tahe ah thuh elh la aka awm boeih he phumpho vetih awlhuep boeih te ming la awm ai.

Mathai 24:30

Tevengah Thlaanghing Capa kah miknoekna vaan ah tueng ai; Thlaanghing Capa lawng tharana huham “oen ruep-awmna oen ah” muui dawng a rum thuk te a huh u vengah dilai thlaang boeih lawng rap ai.

Mathai 24:46

Ahih lawngah bii atheenla a bi lii te a bawi lawng a law vengah a huh atah metihtlukla te tuihyoeihthlaang tah a awmngaih ai?

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Mathai 25:23

A bawi lawng ‘Theen tangkiik, Nang khaw tuihyoeihthlaang ueppang koei la na awm. Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law lang ka awmngaihna khuiah kuun van lah,’ a tina.

Luka 6:37

“Thlaangtloe te awl cek boel, tetih atah Pathen lawng nangmi te awl n'cek van manawh; thlaangtloe te sal-aphaam boel, tetih atah Pathen lawng nangmi te n'sal-aphaam van manawh; thlaangtloe sawah khawdawp ngaai u lah, tetih atah Pathen lawng na sawah khawdawp a ngaai van ai.

Johan 21:22

Jesuh lawngah, “Kai ka law toe ah ahih te hing sak hamla ka ngaih mai kawinih nang lawng n'tu na tina ai? ka hu ah va bang ngoen lah!” a tina.

Johan 21:23

Tedawngah te kah a hubang te duek manawh tila Jesuh kah a hubang hue tengah te a thui pe u. Tede Jesuh lawngtah ahih te duek manawh tila thui nawh: “Kai ka law toe ah ahih te hing sak hamla ka ngaih mai kawinih nang lawng n'tu na tina ai?” tila ni a thui.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Rom 14:4

Nang ta a-u la na awm aih tih thlaangtloe kah tuihyoeihthlaang te awl na cek thai? Te tuihyoeihthlaang lawng a bi thai, bi thai nawh tila awl-khuengkung tah amah kah Bawipa te ni. Ahih lawng a bi thai ai, metihtiah Bawipa lawng a bi sak thai ai.

Rom 2:1

Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

Rom 2:29

Akhuiben ah Judah thlaang la awm tih thinkaw khuiah yahhuivuen aka reet te ni Judah thlaang tangtang a miingna. Te ngoen tah kut oen thut Phungawl kah bii saina nawh tih Pathen Muithla kah bii bina ni. Te ang thlaang te tah thlaanghing ben kah nawh tih Pathen benkah thangtheenna aka dang thlaang ni.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

1Korin 1:7

mami kah Bawipa Jesuh Khrih te na lamtoen u vengah he yotheen kam-awmna pakhatca khaw avoetna na khueh nawh.

1Korin 11:16

Tede a-u lawngkhaw he kawngah awl oelh ham a ngaih atah kaimi lawngkhaw, Pathen Khrihcabu thli lawngkhaw, Pathen bokna ah phung alam atloe khueh thloei nawh.

1Korin 11:26

He kah thuingaihna tah takawi te na caak u veng roekk ah, boengloeng dawngkah te na awkk u veng roekk ah amah a law thlantoe Bawipa kah duekna te na phawng u tila thuingaihna ni.

1Korin 15:23

Tede thlaang boeih he amah kah aitleng lawng a pha vengah tho rip ai; lamhacuek ah Khrih he tho poen, tecoengah amah a law vengah amah kah thlaang thli te tho ai.

1Korin 3:13

Ahimi pakhat rip kah biibi thoemthaina te tah Khrih Khawhin ah tueng peng vetih n'huh ai. Metihtiah te Khawhin atah thlaang boeih kah biibi te hai oen ah a tueng sak ai; hai oen ah a noek adak vetih thoemthaina taktak te tueng ai.

1Korin 3:14

Lungdangsuem sawah a sak im lawngah hai te a khoeng atah imsakung lawng kutdo a dang ai.

1Korin 3:8

Amu-ati tuekung oen tuisuepkung tah alakloena awm nawh; A bina taring ah Pathen lawng kutdo rip a peek ai.

2Korin 10:18

Metihtiah Bawipa amah lawng thlaang theen la a pawm te ni a do, amah oen amah aka thangpawm u thlaang te tah do nawh.

2Korin 10:9

Kai lawngah nangmi te capat oen hih-ahuut hamla a yawm tila na poek u ham te ka ngaih nawh.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

1Thessalonika 5:2

Metihtiah Bawipa a lawna Khawhin tah khawyiin ah thlaanghuuen angla law ai tite nangmi lawng atheenla na ming u.

Hebrew 4:13

Pathen haiah thuh phah thai thaihu khat khaw awm nawh; Pathen thaihu sai boeih lawng amah mik huh ah daih u vetih tueng pheng ai. Mami lawng m'mah kah sai boeih te a tengah n'thui ai.

James 4:11

Maya manau thli, nangmi pakhat oen khat thuitheet u boel. A-u khaw khrihca maya manau te a thuitheet tih awl aka cek tah Phungawl te a thuitheet tih awl a cek poen ni. Nang lawngah Phungawl te awl na cek atah, nang tah Phungawl te aka vai thlaang pakhat la na awm tlaih nawh tih awlcekkung la ni na awm poen.

James 5:7

Tedawngah maya manau thli, Bawi-pa a law thlantoe thinsan kawdaw oen awm uh. Lotoen thlaang pakhat lawngah a lo khuikah caangthaih yuun hamla meveng toe kawdaw oen a lamtoen puet tite poek u lah. Ahih lawngah rawtui a law cuek veng kalawng khawcui boet toe kawdaw thinsan oen a lamtoen.

James 5:9

Maya manau thli, Pathen lawng nangmi te awl cek nawh hamla nangmi khat oen khat thuitheet u boel. Awlcekkung tah va yoeii poen, oepsoehla awm poen.

1Peter 1:7

He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

1Peter 5:4

Tedawngah Tuudoen Ahaam koek te a tueng vengah a aangna aka duek yum thai tlaih nawh ruep-awmna bawilumuek te nangmi lawng na dang u ai.

2Peter 3:12

Vaan te ung tih phe la a awmna oen vaan khawhi te a lingsona oen atui la atleena khawhin Pathen Khawhin te ayuela law ai tila nangmi lawng na lamtoen u vengah he te tila awm hamla na yawm u ham awm.

2Peter 3:4

“Ka law koep ai” tila awl a khueh de lah koen? mela a awm kai? mami kah Pahaam thli khaw duek boeih poen, tede soeprep boeih he dilai suen cuek veng kah a awm nooek angla ni a awm!” ti u ai.

Jude 1:14

Adam kalawng a pasarihna cadil Enok lawngah ahimi kawng te yan veng ka lawng he tila a thui oepsoeh poen:

Olphong 1:7

Bueh lah! ahih tah muui dawng kalawng va rum thuk! thlaang boeih lawng a huh ai, amah te cai oen aka thun hue lawngkhaw a huh u ai, Dilai sawkah thlaang boeih lawng rungrap u ai. Te tila awm roe hawn seh.

Olphong 20:12

Tecoengah thlaangduek ayiit abo bawingawlhcoen haiah a pai u te ka huh. Cabu thli te a daih, tecoengah cabu tloe hingna cabu te a daih u. Te cabu dawngah amami kah saina khawboe ramlang a thut pe van angla thlaangduek thli te awl a cek u.