1Korin 4:21 - Matu Chin New Testament 2006

²¹ Nangmi tengah cungpoelh oen aw ka law ai? tih nawh atah lungna, kawdawna oen aw ka law ai? Ame ang na ngaih u?

Matu Bible

²¹ Nangmih taengla kam pawk puei ham te cungcik, lungnah mueihla neh muelhtuetnah, melae na ngaih uh.

1Korin 4:21 Iomraidhean Croise

1Korin 4:18

Thlaang khatsut lawngtah kai lawng nangmi te n'hill adawng tlaih manawh tila na poek u tih na oekk u.

1Korin 5:5

Bawipa khawhin ah a muithla lawng thlawnna a dangna ham a pum te phe hamla te thlaang te Seitan kut ah pe uh.

2Korin 1:23

Pathen tah kai ham sausi la awm, amah lawng ka thinkaw a ming! Kawrin khaaw la law nawh ham kaw ka poek he tah nangmi na sa a suengna ham ni.

2Korin 10:6

Nangmi lawngah uep-awm tangtang la na awm u te na tueng sak u coeng atah uep-awm nawh la saina boeih te dan tat ham oepsoehla ka awm ai.

2Korin 10:8

Bawipa lawngah kaimi m'peek saithaina aana akawng alam te apueh asawmla ka oekthloenna cakhaw ka yak nawh, te kah saithaina aana tah nangmi te phena ham nawh tih nangmi lawng na roengna ham ni.

2Korin 12:18

Titas te nangmi tengah ceh hamla ka ceel tih ahih oen haih atloe khrihca maya manau te kavan tuih. Titas lawngah nangmi tengkah apueh alawila a lawh na ti u ai aw? Ahih oen kai tah mengtengna kawpoek thik at oen moeiboe thik at oen ah bii ka bi hih nawh aw?

2Korin 13:10

Nangmi tengah he capat he athlahlang kalawng kavan thut he, nangmi teng kavan pha vengah te Bawipa kah peek saithaina aana te nangmi sawah atlawh hlang la hawna ka ngaih nawh dawngah ni, te kah saithaina aana tah nangmi te phena ham nawh tih nangmi lawng na roengna ham ni.

2Korin 13:2

Nangmi n'hu vengah thawlhna aka sai thli oen thlaangtloe boeih tengah thui ham ka ngaih: a voeihihna nangmi kan hip vengah te ka thui poen, tede tahe ah athlahlangla ka awm de, ka thui koep ai; ka law koep vengah ngoen tah a-u khaw dantatna na loeih manawh.

2Korin 2:1

Tedawngah nangmi na kaw kavan the sak koep nawh hamla nangmi tengah law nawh ham thinkaw ka melh poen.

2Korin 2:3

Tedawngah ni ca ka thut tih nangmi tengla kavan pat. Kai he kaw aka hoe sak nangmi lawng kawtheboepla na awm u lak atah nangmi tengah law nawh hamla te ka ngaih. Metihtiah kai ka awmngaih atah nangmi boeih khaw na awmngaih u van tite ka ming.

2Korin 3:10

N'cui veng kah aka aang tangkiik ruep-awmna te tah tahe vengkah aka aang ruep-awmna lawngah a thue rawngtheng poen dawngah khum poen n'ti ai.

Galati 6:1

Maya manau thli, thlaang pakhat lawngah thawlhpalhna pakhat te a sai hau atah, nangmi Muithla ah aka awm thlaang thli lawng lawngpui doeng ah na khueh koep ham awm; te tila na sai vengah te kawdaw thinsan oen na sai u ham awm. Namami khaw suek-halhna ah na thuum u van nawh ham ngaithuen uh.

1Thessalonika 2:7

Khrih kah celtuih la ka awm u dawngah te ang te nangmi tengah ka thoehtham thai ngoen ta, tede nangmi tengah ka awm u vengah te a manu lawng a ca a nau thli a dawm athlai angla nangmi te kawdaw boe-ngaaina oen kan dawm u.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.