1Korin 4:17 - Matu Chin New Testament 2006

¹⁷ He tila ka kamthlah u dawngah ni Timote he kavan tuih, ahih tah Khrihca khawsakna dawngah ka lungna uep-awm ka capa ni. Ahih lawng atah kai lawng ka vai tih peng tawm khrihcabu tengah ka cang puei Khrih Jesuh oen pumkhatla awmna dawngah hingna athaai atungpui te avan thui koep ai.

Matu Bible

¹⁷ Te dongah nangmih taengla Timothy kan tueih. Anih tah ka ca thintlo neh Boeipa ah uepom la om. Amah loh Khrih Jesuh ah ka longpuei te khotomrhali kah hlangboel takuem taengah ka thuituen vanbangla nangmih taengah han thoelh bitni.

1Korin 4:17 Iomraidhean Croise

Mathai 24:45

“Te tih atah a-u uep-awm tih aka cuih tuihyoeihthlaang la aka awm ai? Te tah a bawi lawng a tuihyoeihthlaang thli cawmcah ham oen ah atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Mathai 25:23

A bawi lawng ‘Theen tangkiik, Nang khaw tuihyoeihthlaang ueppang koei la na awm. Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law lang ka awmngaihna khuiah kuun van lah,’ a tina.

Caeltueih 16:1

Pawl tah Derbe kalawng Listra khaaw la te cet, te ah te khrihca thlaang pakhat Timote aka miingna te awm. A manu tah khrihca van tih Judah thlaangphun la awm, tede ana pa tah Krik thlaangphun ni.

1Korin 11:16

Tede a-u lawngkhaw he kawngah awl oelh ham a ngaih atah kaimi lawngkhaw, Pathen Khrihcabu thli lawngkhaw, Pathen bokna ah phung alam atloe khueh thloei nawh.

1Korin 11:2

Nangmi lawng kai he nan poek khuep u tih na kut dawngah kan peek cangpueina te na vai u dawngah kan koeh u.

1Korin 11:34

Tecoengah te tila na pum u vengah te Pathen kah awlcekna ah na phana u nawh ham bungpawng thlaang a awm atah amah im ah buh ca seh. Atloe abang thli ngoen tah kamah ka law vengah kavan thui u badai.

1Korin 14:33

Metihtiah mami he khawpaw rang-au la awm ham Pathen lawng ngaih nawh, roeproeina oen ding asuek la awm sak ham ni a ngaih.

1Korin 16:1

Judia ram ah aka awm Pathen thlaang thli bawmna hamla tangka cawi ham kawng ca navan thut te tah: Galati peng kah khrihcabu thli tengah ka thui pe angla te sai u van.

1Korin 16:10

Nangmi tengla Timote he avan pha vengah a awmdamna nawh hamla nangmi lawng atheenla ngawlh pai puei uh, ahih he kai angla Bawipa kah bii ni a bi.

1Korin 4:14

Nangmi he yah sak hamla ka ngaih dawngah nawh tih ka lungna ca-anau angla toelthaam ham ka ngaih dawngah ni kavan thut.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

1Korin 4:2

Te ang tuihyoeih-thlaang ham awlpui pakhat tah a bawipa tengah uep-awm la awm ham te ni.

1Korin 7:17

A-u khaw Bawipa lawng kutdo a peek tih Pathen lawng a khue vengkah angla te a awm u ham awm. He tah Khrihcabu boeih ah ka cang puei phung-alam ni.

1Korin 7:25

Tahe ah thlaanghoeng la aka awm thli kawng ca thut oen nan doet u te kavan thui ai. Bawipa tengkah awlpeek tah ka khueh nawh, tede Bawipa kah reenna rang oen uep-awm thlaang pakhat la ka awm van angla ka poekna he kan peek u.

2Korin 8:18

Ahih oen aka awlthang theen thuina bii a bina dawngah khrihcabu boeih lawng a hinyah tangkiik boenhui pakhat te kaimi lawng kavan tuih ai.

Ephesa 6:21

Mami lawng n'lungna manau, Bawipa kah bii kawngah uep-awm la aka awm Taikhikas lawng metila ka awm tite nangmi lawng na mingna u hamla kamah kawng-alam awlthang boeih te avan thui ai.

Philipi 2:19

Nangmi kawng awlthang te yaakna oen ka tha a thluena ham Bawipa lawng a kawngaih atah nangmi tengla Timote he kavan tuih yue ai tila ka poek.

Philipi 2:22

Ahih lawngtah bii te a palki tih kai oen Paca angla awlthang theen ham bii ka bi hih te nangmi lawng na ming u.

Kolosa 1:7

Nangmi lawng Epafras teng kalawng Pathen kah lungvatna te na ming u, Ahih tah kaimi lawng ka lungna biibipuei haih kaimi yuengah uep-awm la Khrih kah biibikung ni.

Kolosa 4:9

Ahih oen haih Onisimas khaw va law van ai. Onisimas he ka lungna tih ka uepna ka manau, nangmi tim ah aka thuum van ni. He kah thaihu boeih aka coengg hang he ahih rawi lawng avan thui ai.

1Timothy 1:18

Ka ca Timote, n'hu vengah tawngha lawng nang kah kawng a thui angla te na tengah awl kan peek. Te awl te atheenla raal kahna ham awva la hawna lang na oengna, athetheen mingna kawpoek ciim te cak sak.

1Timothy 1:2

Oengna ah ka capa tangtang la aka awm Timote nang hamla ca kavan pat. Pa Pathen oen Bawipa Jesuh Khrih lawngah lungvatna, reenna oen ngaimawngna te m'pe hawn seh.

2Timothy 1:2

Ka lungna ka capa Timote nang tengah ca kavan pat: Pa Pathen oen mami Bawipa Khrih Jesuh lawngah nang te lungvatna, reenna, oen ngaimawngna te m'pe hawn seh.

2Timothy 2:2

Mingpueikung Sausi boehoeng kah haiah ka thui cangpueina te na yaak poen. Thlaangtloe te patoeng aka cang puei thai van ueppangkoei thlaang tengah te thui peh.

2Timothy 3:10

Tede nang lawngtah kai kah cangpueina, khawboe ramlang oen ka hingna dawngah ka mengtengna te na vai poen. Nang lawngtah ka oengna, kawdawna, lungna, uehthaina,

Titus 1:5

Krit tuisanglak ah kan ceh taak he tahe toe sai ham angoe thaihu thli te sai ham oen khaaw roekk ah khrihcabu ahaamca khueh sak ham ni. Awl kan uen te hilh boel.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.