1Korin 4:14 - Matu Chin New Testament 2006

¹⁴ Nangmi he yah sak hamla ka ngaih dawngah nawh tih ka lungna ca-anau angla toelthaam ham ka ngaih dawngah ni kavan thut.

Matu Bible

¹⁴ He he ka daek tih nangmih nan yahnah uh moenih. Tedae ka ca thintlo rhoek bangla kan rhalrhing sak.

1Korin 4:14 Iomraidhean Croise

Caeltueih 20:31

Tedawngah ngaithuen uh, kum thum khui puet ah khawyiin khawdaai mikphi oen kan cang puei u te hilh u boel.

1Korin 15:34

Na thinkaw te caihpan sak u langtah thawlhna te toeng u loeih. Khatsut lawngtah Pathen khaw na ming u nawh tih yak uh ka ti dawngah ni tila ka thui.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

1Korin 4:17

He tila ka kamthlah u dawngah ni Timote he kavan tuih, ahih tah Khrihca khawsakna dawngah ka lungna uep-awm ka capa ni. Ahih lawng atah kai lawng ka vai tih peng tawm khrihcabu tengah ka cang puei Khrih Jesuh oen pumkhatla awmna dawngah hingna athaai atungpui te avan thui koep ai.

1Korin 6:5

Na yak u nawh aw! Khrihca pueipaw khat oen khat laklaw ah awlpuungna a awm vengah lumlai aka thui thai namami bu khuiah thlaangcuih pakhat tah awm macawi.

1Korin 9:15

Tede he saithaina he khatca khaw kai lawng ka hawna nawh, te ang sai thaina te kamah ham tahe ah ka ngaih dawngah ca kavan thut moenih. Te lak atah duek lamha ka ngaih ngaai! Ka thangpawmna u he a-u lawngkhaw awl poeila a sai ham te ka ngaih nawh!

2Korin 11:11

Nangmi te kan lungna nawh dawngah aw he tila ka thui? Nangmi kan lungna te Pathen lawng a ming!

2Korin 12:19

Nangmi haiah kamami kah thlip adahna hamla a yawm puet tila khaw nan poek u mai ai. Tetih nawh ni! Khrih lawngah kaimi thui sak hamla a ngaih angla te Pathen haiah ka thui u, ka lungna ka paya thli, kaimi lawng ka sai boeih he nangmi bawmna ham ni ka sai u.

2Korin 7:3

He tila ka thui he nangmi te sal-aphaamna ham ka thui moenih; kaimi lawngah nangmi oen duek haih hing haih hamla ka thinkaw ah kan tleng-elh u tite n'hu vengah kavan thui u poen.

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

1Thessalonika 2:11

Ana pa lawng a ca thli te a dawm a thlai angla nangmi pakhat rip te kaimi lawng kan dawm kan thlai u te na ming u.

1Thessalonika 5:14

Maya manau thli, nangmi lawngah thayong thlaang te ngaithuenna pe uh, riyawp thlaang te thincakna pe uh, tha aka yoek thlaang te bawmcem uh, thlaang boeih tengah na kaw daw sak ham kan uen u.

2Thessalonika 3:14

He kah capat khuiah aka awm awl he aka vai nawh thlaang khaw awm mai ai. Te ang thlaang te a awm atah noek u langtah ayah laat la a awmna ham ahih oen te benbaw benpang u boel.

Philemon 1:10

Tedawngah, thong ka tlaak vengah he Muithla ben ah ahih kah anna pa la ka awm tih Khrih ah ka capa la aka awm Onisimas yuengla na tengah reenna kavan bih.

1Johan 2:1

Ka ca ka nau thli nangmi lawng thawlhna na sai u nawh hamla he ca he kavan thut; tede pakhat khat lawng thawlhna a sai hau atah, Pa, tengah mami yuengla aka bih ham thlaangdoeng Jesuh Khrih n'khueh u.

3Johan 1:4

Ka ca thli te awltak dawngah awm u tila ka yaak thloei ah kai awmngaih sak tare ngai atloe awm nawh.