1Korin 4:12 - Matu Chin New Testament 2006

¹² thatlawh thaboep la bii ka bi u tih ka buen ka naak u. Thlaang lawng n'tap-voep vengah yotheen kam-awmna oen ka phuehsawm u; thlaang lawng n'heemtek vengah sut ka duen pe u;

Matu Bible

¹² Kamamih kut neh ka saii uh tih ka thakthae uh. Ol m'bai uh te ka uem uh. N'hnaemtaek khaw uh ka yaknaem uh coeng.

1Korin 4:12 Iomraidhean Croise

Mathai 5:11

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Mathai 5:44

Tede kavan thui u, Na raal thli te lungna lang nangmi aka thekhana thlaang thli ham thangthui pe uh.

Luka 23:34

Jesuh lawng, “A Pa, Ahimi sawah khawdawp ngaai hawn! Ahimi lawng a sai he a ming u nawh dawngah ni.” a tina. Ahimi lawng talcung a yueh u tih ahih kah hi-acuu thli te a rek ara u.

Luka 6:28

Nangmi aka tapvoep thli te yotheenna pe u langtah nangmi thekhana thlaang thli ham thangthui pe uh.

Johan 15:20

‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Caeltueih 18:3

Pawl khaw ahih rawi yuvaa angla saphaw riim-im saina oen tangka a dang van dawngah ahih rawi yuvaa tengah awm tih bii haih a bi u.

Caeltueih 20:34

Ka paya laikoei thli oen kamah kah ngoe ngaihna boeih te dang hamla kamah lawng ka kut oen bii ka bi te nangmi lawng na ming u.

Caeltueih 7:60

Ahih lawngah khuklu oen cuengkueng tih, “Bawipa! He thli lawngah thawlhna a sai he van thung pe boel!” tila te angaihhlangla paang. He awl a thui coeng atah duek poen.

Rom 12:14

Nangmi heemtekkung thli ham Pathen tengah kam-awm yotheenna bih pe uh; Oe, yotheen kam-awmna bih pe uh; tapvoep u boel.

Rom 12:20

Te tih atah, “Na raal te a bung a pawng atah buh van cah, tui a halh atah tui van awkk sak; he tila na saina oen ah nang lawng ahih te yah na bai poen ni” tila caciim lawng a thui angla te sai uh.

Rom 8:35

Tedawngah a-u lawng mami he Khrih kah lungna dawng kalawng m'pekbo thai ai? Raina, heemtekna, khawkhana, khawdengna, mueirihtamyiin duekna lawngah m'pek thai ai aw?

1Korin 9:6

Barnabas oen kai bueng lawngah aw ka hingna ham bii ka bi hih ai?

2Korin 11:8

Nangmi tengah bii ka bi vengah atloe khrihcabu thli lawngah kai he m'bawm u. Nangmi bawm hamla kai lawngah ahimi tengkah te ka rot pe n'ti ai ta.

Ephesa 4:28

Aka huen lawngah huen-caanna te toeng loeih selang tah amah kah hingna ham adoengla bungkhutna te a dangna ham oen ah khawdeng thlaang te bawmcem thaina ham bii bi seh.

1Thessalonika 2:9

Maya manau thli, kaimi lawng thatlawh thaboepla bii ka bi u te na hilh nawh cawini! Pathen tengkah Awlthang Theen nangmi teng ka thui vengah te nangmi kah thalrih la ka awm nawh ham yiin, daai bii ka bi u.

2Thessalonika 3:8

Kaimi lawng aphu peek ohla bawmcemna te ayoela ka lo u nawh. Thatlawh thaboepla bii ka bi u; kaimi he nangmi pakhat khat kah thalrih la awm nawh ham khawyiin khawthaih bii ka bi u.

1Timothy 4:10

Mami lawngah he thlaang boeih thlawnkung, awlpuila aka oeng thlaang thli kah thlawnkung aka hing Pathen dawngah ngaiuepna te n'khueh u tih mami lawng patangplai oen arai acaangla bii m'bi u.

1Peter 2:23

Awlthe awlkha oen asal aphaam u vengah te ahih lawng awlthe awlkha oen thung nawh; patang a khang vengah thlaang te hih-ahuut nawh, tede adoengla awl cekkung Pathen te ni a uepna.

1Peter 3:14

Tede nangmi lawngah doengna na sai u lal maiah patang na khang u atah nangmi tah yotheenna aka dawng thlaang ni! A-u khaw rih u boel, lakueng khaw lakueng u boel.

1Peter 3:9

Nangmi lawng athe te athe van oen ah, tapvoepna te tapvoepna van oen ah thung u boel; te lak atah yotheen kam-awm peekna oen thung uh, metihtiah Pathen kah awlkam yotheen kam-awmna te nangmi peek hamla ni amah lawng n'khue u.

1Peter 4:19

Tedawngah Pathen kah kawngaih la a awm dawngah khawdeng patang aka khang hue lawng awlkam aka thlauh nawh ahimi saikung Pathen tengah amah oen amah te nawn u ngala seh.

Jude 1:9

Vanthlaang ukkung Maikal lawng pateng he tila sai nawh. Mosi rawkk te a-u lawng a lawh ai tila Seitan oen oelhtaih u tih a tawh athaam u vengah awlthe awlkha oen Seitan te Maikal lawng tapvoep ngam nawh, tede “Bawipa lawng nang ng'ho” a tina.