1Korin 4:10 - Matu Chin New Testament 2006

¹⁰ Kaimi he Khrih hamla thlaangngau la ka awm u; tede nangmi tah Khrih oen pumkhatla awmna rang oen ah thlaangcuih la na awm u! Kaimi tah ka tha yoek sut, tede nangmi tah na tha ra u! Kaimi tah thlaang kah hep-ahap la ka awm u, nangmi tah hinyah koei la na awm u!

Matu Bible

¹⁰ Khrih kongah ka ang uh. Tedae nangmih tah Khrih ah na cueih uh. Ka tattloel uh dae nangmih na thaom uh. Rhuepom la na om uh dae kaimih tah n'sawtsit uh.

1Korin 4:10 Iomraidhean Croise

Mathai 24:9

“Tecoengah nangmi te thekhana ham oen ngawn hamla n'tuuk u vetih thlaangtloe kut ah nangmi te n'peek ai. Kai kawng dawngah thlaang boeih lawng n'thina u ai.

Mathai 5:11

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Luka 10:16

Jesuh lawng a hubang thli nala te, “A-u khaw nangmi kah awl a hutung u atah kai kah awl ni a hutung u; a-u khaw nangmi kah awl te a hutung nawh atah kai kah awl ni a hutung nawh poen; a-u khaw kai he aka hoett tah kai tuihkung te ni a hoett poen.” a tina.

Luka 18:9

Amah kah theenna te a uepna tih thlaang boeih te tula aka sak nawh thlaang thli tengah he kah thuidoetna he Jesuh lawng a thui pe.

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Caeltueih 17:18

Epikuras kah cangpueina aka vai thli kah cangpueikung hue oen khaw, Stoik a ti u cuihna te aka cangpueikung hue oen khaw ahih tah oelhtaih u. Ahimi tim-kah khatsut lawngah, “He kah thlaang koeih pavaih nawh lawng he n'tu nuem a thui van ca?” ti u. Thlaangtloe hue lawngah, “Ram tloe kah pathen kawng ni a thui muema he.” a tina u. Pawl lawngah Jesuh kawng oen a thawhkoepna kawng a thui dawngah ni ahimi lawng te tila te a tina u.

Caeltueih 17:32

Duekna kalawng thawhkoepna kawng Pawl lawng a thui te ahimi lawng a yaak u vengah thlaang khatsut lawng ahih te a nuihna u, tede thlaangtloe lawngtah, “He kah akawng alam na thui he yaak koep ham ka ngaih u.” a tina.

Caeltueih 26:24

Te tila Pawl te amah oen amah a phungtu u vengah Fitas lawng, “Pawl na cuih taal poen! Cuihna asangsang na cangna lawng ng'ngau sak poen.” a tina.

Caeltueih 9:16

Tecoengah kamah roeroe lawngah kamah kawngah patang a khang ham koei boeih te ka huh sak ai.” a tina.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 1:23

Kaimi lawngah thinglam dawngkah a ngawn u Khrih te ka phawng u tih te awlthang te Judah thlaang thli ham tah tlimna lungto la awm tih Gental thlaang thli ham tah awlpoei la awm;

1Korin 1:25

Metihtiah Pathen kah ngau-athuuna tah thlaanghing cuihna lak ah apuehla cuih ngaai tih Pathen kah thayokna he tah thlaanghing kah tharana lak ah a tha ra ngaai.

1Korin 10:12

A-u khaw acakla ka pai ngoen tila aka poek thlaang lawngah a tlim thawlh nawh ham ngaithuen seh.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Korin 2:3

Tedawngah nangmi teng ka law vengah te ka tha yoek sut tih rihna oen ka thuen,

1Korin 3:18

A-u khaw amah oen amah te thai alat u boel seh. Nangmi tim kah a-u lawngkhaw amah oen amah te he dilai siing angla thlaangcuih la a poek u atah thlaangcuih tang tang la a awm thaina ham thlaangngau-paathuu la coengg seh.

1Korin 3:2

Nangmi lawng buh haam na caak u thai thlan dawngah suuktui ni kan tuul u hun ai. Tahe ah pateng khaw buh haam na ca u thai thlan hun,

1Korin 4:8

Nangmi lawng na ngoe soeprep boeih te na khueh tang tang u poen aw? Na bawi na len u tangtang aw? Kaimi tah sengpahrang la ka coengg u nawh de nangmi ta sengpahrang la na coengg u poen aw? Nangmi oen haih kaimi khaw sengpahrang la coengg thaina ham nangmi te sengpahrang la na coengg u tangtang ham ka ngaih.

2Korin 10:10

Thlaang khatsut lawng atah, “Pawl lawng he a capat dawngah ngoen tah awl phawh tlo tih akhing awm mai, tede mami oen awm haih veng atah birih sut tih a ralthe, a awl thui khaw alawng-ala awm nawh,” ti u mai ai.

2Korin 11:19

Nangmi ngoen tah na cuih u, tedawngah thlaangngau thli te awmngaihcala khawdawp na ngaai u thai!

2Korin 11:29

Thlaang pakhat khat a tha a yoek sut vengah kai khaw ka tha poei yoek van; thlaang khatsut a thawlh vengah kawtheboepla ka awm.

2Korin 13:9

Kaimi ka tha a yoek u vengah nangmi tah na tha a ra u dawngah ka awmngaih. Tedawngah nangmi thlaangsoep la na awmna thai ham kaimi lawngkhaw nangmi hamla ka thangthui u.

2Korin 4:12

He kah thuingaihna tah kaimi pum dawngah he duekna lawng bii a bi de, nangmi pum dawng atah hingna lawng bii a bi.

2Korin 6:8

Kaimi lawng hinyahna khaw ka tawng u tih thekhana khaw ka tawng u; sal-aphaamna khaw ka tawng u tih koehna khaw ka tawng u. Kaimi he thlaangthaipalat la n'ngaai u de awltak ka thui u;

1Thessalonika 4:8

Tedawngah a-u khaw he kah cangpueina he aka vai nawh tah thlaanghing te hoett nawh, tede amah kah Ciim Muithla pekung Pathen te ni a hoett poen.

1Peter 4:14

Khrih hubang la na awm u dawngah nangmi te n'thui theet u atah na kaw hoe sak u lah; he tah Pathen Muithla ruep-awmna oen aka be muithla te nangmi sawah awm ti ngaihna ni.