1Korin 4:1 - Matu Chin New Testament 2006

¹ Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

Matu Bible

¹ Mamih he hlang loh Khrih kah tueihyoeih rhoek neh olhuep Pathen kah hnokhoem rhoek la m'poek tangloeng saeh.

1Korin 4:1 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 24:45

“Te tih atah a-u uep-awm tih aka cuih tuihyoeihthlaang la aka awm ai? Te tah a bawi lawng a tuihyoeihthlaang thli cawmcah ham oen ah atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Marku 4:11

Jesuh lawng, “Pathen Ram kah awlhuep tah nangmi tengah m'peek poen. Tede adauben ah aka awm thlaangtloe lawngtah thuidoetna awl bueng oen ni thaihu he a yaak u,

Luka 1:2

He thaihu thli he acuekca veng kalawng aka hu tih awlthang aka phawng thli lawng mami tengah avan thui te ahimi lawng a thut u.

Luka 12:42

Bawipa lawngah, “Tetih atah, a-u nuem uep-awm tih aka cuih tuihyoeihthlaang la aka awm? Ahih tah a bawi lawng tuihyoeihthlaang thli cawmcah ham, atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Luka 8:10

Jesuh lawng, “Pathen Ram awlhuep mingna te nangmi m'peek poen, tede thlaangtloe hue lawngtah a bueh u de huh nawh ham, a hutung u de yaakming nawh ham thuidoetna oen ni thui pe ham a awm.” a tina.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

1Korin 4:13

Thlaang lawng thekha la n'sai vengah awlding oen ka thung pe u. Kaimi tah he dilai kah kawhnot vaiking la ka awm u; Tahe toe khaw he dilai ah thlaang kah tuiilehkap thlaang la ka awm u!

1Korin 4:2

Te ang tuihyoeih-thlaang ham awlpui pakhat tah a bawipa tengah uep-awm la awm ham te ni.

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 12:6

Kai lawng oekthloen ham ka ngaih atah thlaangngau la tah ka awm aih manawh, metihtiah awltak ni ka thui ai. Tede ka oek u manawh, metihtiah ka saina he a huhna oen ah ka awlthui a yaakna lak ah asangla kai he a poek u hamla ka ngaih nawh.

2Korin 4:5

Kaimi lawng kamami kawng he ka thui u nawh; kaimi lawng Jesuh Khrih tah Bawipa ni tila ka thui u tih Khrih hamla kaimi he nangmi kah tuihyoeihthlaang la ka awm u.

2Korin 6:4

Te tila te sai ohla khawdeng mingna, raina, patang khangna boeih he kawdaw thinsan oen ka ueh u tih soeprep boeih ka saina dawngah Pathen kah tuihyoeihthlaang la ka awmna te ka tueng sak u.

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

Kolosa 4:3

Te tila na thangthui u vengah Khrih awlhuep phawngthaina ham, Pathen tengkah atue theen ka dang thaina u hamla kaimi ham khaw thangthui u van. Tahe thong ah ka tlaak he khaw awlhuep ka phawng dawngah ni.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

1Timothy 3:6

Ahih tah oengna dawngah kawpoeksoepna aka khueh thlaang seh, tetih atah Seitan angla ahih tah oekthloen u nawh vetih awlcek la awm manawh.

1Timothy 3:9

Ahimi tah athetheen pekbo thaina kawpoek ciim oen oengna awltak aka dung te acakla aka phoeih thlaang la a awm ham awm.

Titus 1:7

Metihtiah Khrihcabu mawtkung tah Pathen kah biitungpui khuehkung la a awm dawngah cawttbauh aka kap nawh thlaang seh. Ahih tah amah oen amah thoemthai koek la aka ngaai u nawh, thin aka toi nawh, yuu aka aw nawh, khawpaw rang-au la aka awm nawh, tangka ngaihmoekna aka khueh nawh thlaang seh.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.