1Korin 3:13 - Matu Chin New Testament 2006

¹³ Ahimi pakhat rip kah biibi thoemthaina te tah Khrih Khawhin ah tueng peng vetih n'huh ai. Metihtiah te Khawhin atah thlaang boeih kah biibi te hai oen ah a tueng sak ai; hai oen ah a noek adak vetih thoemthaina taktak te tueng ai.

Matu Bible

¹³ khat rhip kah khoboe tah mingpha la om vetih a khohnin loh a thuicaih bitni. Hmai te a pumphoe pah coeng dongah khat rhip kah khoboe te metla a om khaw hmai mah loh a nuemnai bitni.

1Korin 3:13 Iomraidhean Croise

Mathai 10:15

Atak tang kavan thui u, “Awlcekna khawhin ah te khaaw kah thlaang thli lak ah Sodom oen Gomorrah khaaw kah thlaang thli te Pathen lawng a reen ngaai ai,” a tina.

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Luka 2:35

te tila a thui u dawngah amami kah ahuepla poekna boeih te tueng ai. Tecoengah samsen aka hatt angla na kawthena lawng na lungbui te avan thun ai.” a tina.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

Rom 2:5

Tede nangmi tah na thin thah u tih thawlh na yut u nawh: tedawngah Pathen kah thinsana oen aka doeng awlcekna Khawhin a pha vengah namami kah dantatna abo tare ham ni na sai khoeng u.

1Korin 1:8

Mami Bawipa Jesuh Khrih khawhin ah cawttbauh kap awm nawh hamla amah lawng aboet toela nangmi te n'cak sak ai.

1Korin 3:12

Thlaang khatsut lawngtah te kah lungdangsuem sawah sui oen khaw, ngun oen khaw, lungto phutlo oen khaw impui te a sak u mai ai; thlaangtloe hue lawngtah thing oen khaw, khawpawl oen khaw, caangying oen khaw a sak mai ai.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 1:18

Te khawhin ah Bawipa lawng ahih te reen hawn seh! Efesa khaaw ah kai ham metihtlukla bii a bi tite nangmi lawng atheenla na ming u.

2Timothy 3:9

Tecakhaw ahimi kah saina te tah athlathloeila pha manawh, metihtiah thlaang boeih lawngah ahimi metihtlukla a ngau-athuu u tite a ming ai. Janni oen Jambri khaw te tila ni a awm hih van.

2Timothy 4:8

Tahe tah, adoengla aka hing thli a peek taana kutdo lawng te kai he n'ring poen, te kutdo te tah, Bawipa lawngah, te Khawhin ah te m'peek ai, kai bueng he m'pe manawh, amah a lawna te lungna oen a lamtoen thlaang boeih te a peek ai.

Hebrew 10:25

Thik at la huhtun pumna sai nooek te thlaangtloe hue lawngah a hoett u angla mami lawngtah hoett boel sih. Te lak atah, nangmi lawng Bawipa Khawhin tah yoeii tare poen tila na ming u dawngah khat oen khat thaphawh u sih.

1Peter 1:7

He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

1Peter 4:12

Ka lungna ka paya thli, aka tlo tangkiik noekdakna patang na khang u dawngah nangmi sawah aka awm noek nawh thaihu va thoeng tila na kawpoek rai sak u boel.

2Peter 3:10

Tecakhaw Bawipa Khawhin tah thlaanghuuen angla law ai. Te Khawhin atah vaan lawng vupaang awl oen auh ai, vaan khawhi kah aka awm boeih khaw ung vetih a phe boeih ai, dilai oen dilai dawng aka awm boeih te kawlkalh ah auh poen ai.

2Peter 3:7

Tede tahe ah aka awm vaan oen dilai he hai oen phe hamla Pathen lawng a awl oen a thlung hun ni. Pathen tula aka sak nawh thlaang thli awlcek tih phena khawhin veng ham te thli te a thlung hun.

Olphong 20:12

Tecoengah thlaangduek ayiit abo bawingawlhcoen haiah a pai u te ka huh. Cabu thli te a daih, tecoengah cabu tloe hingna cabu te a daih u. Te cabu dawngah amami kah saina khawboe ramlang a thut pe van angla thlaangduek thli te awl a cek u.