1Korin 3:12 - Matu Chin New Testament 2006

¹² Thlaang khatsut lawngtah te kah lungdangsuem sawah sui oen khaw, ngun oen khaw, lungto phutlo oen khaw impui te a sak u mai ai; thlaangtloe hue lawngtah thing oen khaw, khawpawl oen khaw, caangying oen khaw a sak mai ai.

Matu Bible

¹² Tedae khat khat loh khoengim te sui, ngun, lungthen, thing, khopol, cangkong, dongah a sak atah,

1Korin 3:12 Iomraidhean Croise

Caeltueih 20:30

Namami tim kah thlaang khatsut lawngah oengca thli te amami ben la mawt ham a ngaih dawngah hoem awl a thuina atue te a pha ai.

Rom 16:17

Maya manau thli: pekbona aka thoeng sak thli oen oengna te aka thumhang sak oen ah nangmi lawng na cang u tangte cangpueina aka oelh-taih thli te ngaithuen ham kan uen u: Ahimi teng kalawng thloeng uh.

1Korin 3:11

Metihtiah Pathen lawngtah Jesuh Khrih pakhat bueng te ni lungdang la a suem tih atloe lungdang te suem thai koei la awm tlaih nawh.

1Korin 3:13

Ahimi pakhat rip kah biibi thoemthaina te tah Khrih Khawhin ah tueng peng vetih n'huh ai. Metihtiah te Khawhin atah thlaang boeih kah biibi te hai oen ah a tueng sak ai; hai oen ah a noek adak vetih thoemthaina taktak te tueng ai.

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

Kolosa 2:8

Tecoengah Khrih tengkah ohla thlaang kah cangpueina patoeng oen khawhipuempa ukkung Muithla teng kalawng ah aka law, aphu aka awm nawh thlaanghing kah cuihna oen a-u lawngkhaw nangmi te sal la n'sai u nawh ham ngaithuen uh.

1Timothy 6:3

He thaihu thli he nang lawng cang puei langtah thui peh. A-u khaw mami Bawipa Jesuh Khrih kah aka soeng awl oen mami kah bokna phung cangpueina oen ah aka vai u nawh oengnakungpui alakloe te aka cang puei tah,

2Timothy 2:20

lmpui phulum khuiah um, am thaihu acungkuem awm: khatsut te tah sui, ngun oen a sai tih atloe te tah thing oen a sai khaw awm tih amlai oen a sai khaw awm; khatsut tah khawniingtuikaa ah hawna ham tih atloe te tah awmthoet awmroelh ah hawna ham ni.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

2Timothy 3:7

te hutaa hue lawng awltak te cang hamla a yawm poepa u, tede ahimi tah awltak te metuek khaw aka ming thai tlaih nawh poen ni.

2Timothy 4:3

Thlaang rangpui lawngah asoeng oengnakungpui cangpueina te hutung ngaih nawh la a awmna atue atang te apha ai, tede amami kah ngaihna te a vai vetih amami kah yaak ngaih bueng te aka thui hamla cangpueikung yahawh hlang te amami ham a cawi ai.

Hebrew 13:9

Cangpueina alakloe phun soeprep lawng nangmi te lawngpui doeng kalawng atloe abang la m'phelh sak boel seh. Thinkaw tharana he caak awkk kawng phung-alam vaina oen dang ohla Pathen kah lungvatna dawng kalawng dang ham theen; he ang phung-alam aka vai thli te amami kah a vai phung-alam lawng bawmcem nawh.

1Peter 1:7

He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

Olphong 2:14

Tede na sawah ka kaw a lawna nawh thaihu ayawlca awm: te tah nangmi tim ah Balaam kah cangpueina aka vai thlaang khatsut awm; Israel thlaangphun te thawlhna khuila mawt ham kutsai-muei thawthuengna caak awkk te caak ham hutaa tawngpa thawlhna oen ah thawlh hamla Balaam lawngah Balak te a cang puei.

Olphong 21:18

Vawngkulh te Jaspa lungto phutlo oen a sai, khawpui te tah suituicii oen a sai tih thlalang angla ciil.

Olphong 3:18

Tedawngah bawilen kuirang taktang la na awmna ham kai teng kah sui tuiciil te lai hamla poekna theen kan peek. Atliing ayaal yaraula na awm te khukdahna ham oen ah na buen ham khaw, na mik a tuengna ham miksii te khaw lai baal.