1Korin 3:10 - Matu Chin New Testament 2006

¹⁰ Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

Matu Bible

¹⁰ Pathen kah lungvatnah kai m'paek lamloh aka cueih imsakung bangla khoengim ka tloeng. A tloe loh a tlingtlawn thil dae metla a tlingtlawn khaw rhip hmu nawn saeh.

1Korin 3:10 Iomraidhean Croise

Mathai 24:45

“Te tih atah a-u uep-awm tih aka cuih tuihyoeihthlaang la aka awm ai? Te tah a bawi lawng a tuihyoeihthlaang thli cawmcah ham oen ah atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Mathai 7:24

“Tedawngah a-u khaw ka awl a yaak tih aka vai tah lungnu dawngah im aka sa thlaangcuih oen lo u.

Luka 11:35

Tedawngah na pum dawngah aka awm aangna te yiinna la a coengg nawh ham ngaithuen uh.

Luka 21:8

Jesuh lawng, “Ngaithuen uh; a-u lawngkhaw n'thaina boel seh. Thlaang broe lawngah ka miing oen law ai, ‘Kai tah ahih poen ni! Atue a pha poen!’ ti ai. Tede ahimi hu ah te bang u boel.

Caeltueih 18:27

Tecoengah Apollos tah Akhaia la ceh ham kamthlah, tedawngah Efesa kah oengca thli lawng Akhaia kah oengca thli tengah ca a thut pe u tih ahih he uem u langtah dodan uh a tina. Ahih te a pha veng atah Pathen kah lungvatna rang oen oengca la aka awm hue ham ah bawmcemkung theen koek la awm.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 12:3

Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

Rom 15:15

Tecakhaw, he capat dawngah kan ming sak koep ham ka ngaih akawng alam khatsut te raltheenla oen ka thut. Ka raltheenna tah Pathen lawng Gental thlaangphun ham bii aka bi la,

Rom 15:20

Ka kamthlahna poepa tah Khrih kawng a yaakna nawh ahuen amawl ah Awlthang Theen phawng ham he ni, thlaangtloe lawngah imtuung a sut tangte sawah im sak ham nawh ni.

1Korin 3:11

Metihtiah Pathen lawngtah Jesuh Khrih pakhat bueng te ni lungdang la a suem tih atloe lungdang te suem thai koei la awm tlaih nawh.

1Korin 9:2

Thlaangtloe lawng atah kai he celtuih pakhat la poek u nawh mai cakhaw nangmi lawngtah celtuih la nan poek u. Metihtiah Bawipa oen pum-khatla na hing u dawngah kai he celtuih pakhat van ni tite nangmi lawngah na tueng sak u.

2Korin 10:15

Tedawngah Pathen lawng kaimi ham ari-amawng avan helhna voel ah thlaangtloe lawng bii a bina tangte kawngah te ka oekthloen u nawh. Te lak atah Pathen lawng ari-amawng a helhna khuiah te nangmi tim ah bii akau ngaaila ka bi thai u vetih nangmi kah oengna te roeng hang ai ti he ni ka ngaiuep u.

Ephesa 2:20

Nangmi khaw celtuih thli oen tawngha thli lawng lungdang a suem tangte dawngah a sak im la te na awm u van poen tih Khrih Jesuh amah te imkil lungto la awm.

Kolosa 1:29

He bii ka bi vengah he Khrih kah peek, ka khuiah bii aka bi tha-awm tharana te hawna oen ka tho ka tat tih bii rai he ngah ngah ka bi.

Kolosa 4:17

Tecoengah, Arkhipas te, “Bawipa kah bii dawngah nang m'peek bii te a coeng toe van bi seh tila van thui pe uh.”

1Thessalonika 3:2

Khrih kawng Awlthang Theen thuina ah kaimi oen Pathen bii aka bi haih van, mami kah manau Timote te kavan tuih u.

1Timothy 4:16

Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

2Timothy 2:15

Nang tah bii aka yah puei nawh, Pathen kah awltak te asoengla aka cangpueikung la na awm van angla Pathen kawtlaakna te na dangna ham yawm lah.

James 3:1

Maya manau thli, nangmi thlaang yahawh lawngah cangpueikung la na awm u ham awm nawh. Metihtiah kaimi cangpueikung hue he thlaangtloe lak ah atlawh ngaaila awlcekna ka dang u ai ti he nangmi lawng na ming u.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

2Peter 3:15

Mami lawng n'lungna maya Pawl lawng, Pathen kah peek cuihna te hawna oen nangmi tengah ca avan pat angla Bawipa lawng mami sawah kawdawna a khueh he tah mami he thlawn ham a ngaih dawngah atue atang avan soeng ni tila poek uh.

Olphong 21:14

Khawpui kah vawngkulh te tah lungto paha thlaihih dawngah lungdang a suem tih Tuuca kah celtuih paha thlaihih kah miing te a thut.

Olphong 21:19

Khawpui a thungna vawngkulh lungdangsuem lungto te tah lungto phutlo phun soeprep oen a thoek acau. Lamhacuek lungdangsuem lungto tah Jaspa lungto tih, apabena tah sapfaiar lungto; apathumna tah aakat lungto, apaliina tah imaral lungto;