1Korin 2:6 - Matu Chin New Testament 2006

⁶ Te cakhaw muithla ben ah poekna aka soep thlaang thli teng atah cuihna awl te ka thui pe. Tede te awl te tah he dilai dawngkah cuihna nawh ni, he dilai ukkung thli kah aka khum tharana te nawh ni.

Matu Bible

⁶ Cueihnah he lungcuei rhoek taengah ka thui uh. Tedae cueihnah he ta kumhal kah voel moenih, ta kumhal kah aka mitmoeng boei rhoek kah moenih.

1Korin 2:6 Iomraidhean Croise

Mathai 13:22

Thliing tim ah aka tla caangti thui-ngaihna tah Vaan ram kawng tah a yaak de dilai khawsakna dawngah lakueng tih dilai han bawilen ngaihna lawng akang ahalh khoep tih caangvui caangthaih aka thaawn nawh oen lo u.

Mathai 19:21

Jesuh lawng, “Thlaang soep la awm ham na ngaih atah cet lang na koeva thli te yooei boeih langtah tangka te khawdeng harah thli van peh. Te atah vaan ah kaawn theen na khueh badai, tecoengah law lang ka hu ah va bang,” a tina.

Mathai 5:48

Vaan kah na Pa a soep van angla nangmi khaw na soep u van ham awm.”

Luka 16:8

Te kah thaihu kuemkung lawng cuihna oen te tila thaihu a sai dawngah a bawipa lawng a koeh; metihtiah he dilai thlaang thli lawng amami kah thaihu a sai vengah aangna khuiah aka awm thlaang thli lak ah cuih u ngai.” a tina.

1Korin 1:28

Dilai lawng awlpuila a poek te phe hamla dilai lawng dapsitla a huh thlaang, thlaangnuih pariing la aka awm, thlaang la khaw a toehtham nawh thlaang te Pathen lawngtah a tuek noeng roe ni.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 14:20

Maya manau thli, kawpoekna dawngah camaw angla awm u boel; the-arana nawh ben atah camaw la awm uh, kawpoekna ben atah poekna aka soep lungcuih thlaang la awm uh.

1Korin 2:1

Maya manau thli, nangmi tengah Pathen kah awlhuep awltak te phawng hamla ka law vengah te yaakming ham aka rai awllung thli oen cuihna awl te ka hawna nawh.

1Korin 2:13

Tedawngah Muithla aka khueh thlaang thli tengah muithla ben awltak ka thuicaih u vengah he thlaanghing cangpueina awl oen te thui thai la awm nawh tih Muithla kah cangpueina awl oen ni ka thui.

1Korin 2:8

He dilai ukkung thli a-u khat lawngkhaw cuihna he ming u nawh. Ahimi lawng ming u kawinih ruep-awmna Bawipa te thinglam dawngah ngawn u manawh.

1Korin 3:1

Maya manau thli, atak tang atah Muithla aka khueh thlaang thli tengah awl ka thui angla nangmi teng atah ka thui thai nawh; he dilai thlaang thli angla Khrihca oengna dawngah camaw angla ni nangmi tengah awl kavan thui.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 4:3

Kaimi lawng ka phawng u awlthang theen he thuh la a awm atah aka auh lii thlaang thli ham ni thuh la a awm ai.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

Hebrew 5:14

Buh aka haam te tah kum haam thlaangsoep ham ni; ahimi lawngtah tuukkiik u tih athe atheen te a pek abo thai.

Hebrew 6:1

Tedawngah haila cawh u sih, lamhacuek kah khrihca kawng cangna te ceh taak u poen silang tah aka soep cangna ben la te cawh u sih. Aphu aka awm nawh bii ceh taak tangte te khaw, Pathen oengna te khaw, akung kalawng tong koep tlaih boel sih;

James 3:15

Te ang cuihna te tah vaan kah aka law nawh ni; te ang te dilai cuihna ni, te tah muithla ben kah nawh tih raaithe ben kah cuihna ni.

James 3:2

Mami boeih lawngah thawlhpalhna te hau n'sai poepa. Awlcal thingkaa ah aka cal thawlh nawh tah thlaangsoep la awm tih a pum araw boeih te aka uk thai thlaang la awm.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.