1Korin 2:5 - Matu Chin New Testament 2006

⁵ Tecoengah nangmi kah oengna he thlaanghing cuihna dawngah akung te sut u nawh tih Pathen tharana dawngah ni akung te a sut u.

Matu Bible

⁵ Te daengah ni nangmih kah tangnah loh hlang kah cueihnah dongah pawt tih Pathen kah thaomnah dongah a om eh.

1Korin 2:5 Iomraidhean Croise

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

1Korin 1:17

Khrih lawngah kai he baptisma aka pe hamla n'tuih nawh. Thinglam dawngah Khrih kah duekna te ahongla a coenggna nawh ham thlaanghing kah cuihna te hawna ohla Awlthang Theen thui hamla ni n'tuih.

1Korin 3:6

Kai lawngah ati-amu te ka tue tih Apollos lawng tui a suep, tede athing aka po sak tah Pathen ni.

2Korin 12:9

Tede ahih lawngah, “Kan lungvatna tah nang hamla khoek, metihtiah nang na tha a awm nawh vengah kai kah huham tah a tha ra ngaai” tila awl avan thung. Tedawngah Khrih kah huham tharana lawng kai he n'thlipdah tite mingna ham kamah kah tharana nawh voetna dawngah ka oek u tih ka awmngaih tare poen.

2Korin 4:7

Tede Pathen tengah saithaina asang koek te awm tih mami tengah awm nawh tite a tuengna ham Muithla ben ro thaihu khuehkung mami he tah dilai-am mailai la ni n'awm mai.

2Korin 6:7

awltak awlthang te phawngna oen, Pathen kah huham tharana oen ah Pathen kah tuihyoeihthlaang la ka awmna te ka tueng sak u. Kaimi lawng raal teekna ham khawseh, kamami pum thloetna ham khawseh, doengna te awva angla ka hawna u.