1Korin 2:13 - Matu Chin New Testament 2006

¹³ Tedawngah Muithla aka khueh thlaang thli tengah muithla ben awltak ka thuicaih u vengah he thlaanghing cangpueina awl oen te thui thai la awm nawh tih Muithla kah cangpueina awl oen ni ka thui.

Matu Bible

¹³ Te khaw hlanghing kah a thuituen la cueihnah olka nen pawt tih mueihla te mueihla neh aka thuidoek mueihla kah a thuituen nen ni ka thui uh.

1Korin 2:13 Iomraidhean Croise

Luka 12:12

Metihtiah nangmi lawng na thui ham koei te Ciim Muithla lawng n'cang puei ai.” a tina.

Caeltueih 2:4

Ahimi tah Ciim Muithla oen betoet u tih Muithla lawngah a thui sak angla awl tloe la cal u.

1Korin 1:17

Khrih lawngah kai he baptisma aka pe hamla n'tuih nawh. Thinglam dawngah Khrih kah duekna te ahongla a coenggna nawh ham thlaanghing kah cuihna te hawna ohla Awlthang Theen thui hamla ni n'tuih.

1Korin 14:2

Ming nawh awl aka cal thlaang pakhat lawngah thlaangtloe tengah awl thui nawh tih Pathen tengah ni a thui, metihtiah ahih awl te a-u lawngkhaw yaakming pe nawh. Ahih lawng Muithla kah huham tharana rang oen awlhuep awltak te ni a thui.

1Korin 2:1

Maya manau thli, nangmi tengah Pathen kah awlhuep awltak te phawng hamla ka law vengah te yaakming ham aka rai awllung thli oen cuihna awl te ka hawna nawh.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Korin 2:4

Nangmi kan cangpueina oen awlthuina dawngah thlaanghing kah cuihna calthaina oen ka phawng nawh tih Pathen Muithla kah tharana oen ni ka phawng.

1Korin 9:11

Kai hih lawngah muithla caangti te nangmi tim ah ka tuh poen. Nangmi tengkah thaihu apuung ataai te kaimi lawng ka ah u te yahawh aih aw?

Ephesa 5:19

Nangmi pakhat oen khat te saam laa dawngkah awl, koehna laa dawngkah awl, laa ciim dawngkah awl oen ah voemtoei uh. Bawipa te na thinkaw tang oen koehna laa, saam laa oen ah thangpawm uh.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Peter 1:12

Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

2Peter 1:16

Mami kah Bawipa Jesuh Khrih tharana huham oen a lawna te kavan thui u vengah thlaang lawng a suen coplap ciil awl te kavan thui nawh. Kaimi lawng a bawilenna te ka mik roeroe oen ka huh u.