1Korin 2:10 - Matu Chin New Testament 2006

¹⁰ Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

Matu Bible

¹⁰ Tedae Pathen tah Mueihla neh mamih ham a pumphoe. Mueihla loh a cungkuem neh Pathen kah dangcing dangvoei khaw a khe.

1Korin 2:10 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Luka 10:21

Tevengah te Ciim Muithla lawng Jesuh te awmngaihna oen a betoet sak tih, “A Pa, vaan oen dilai kah Bawipa! Nang lawng thlaangcuih oen thoemthaina aka khueh thlaang thli tengah na tueng sak nawh tih na thuh te thoemthaina aka khueh nawh thlaang thli tengah na tueng sak poen dawngah kan uem tangkiik. A Pa, he tila coengg sak ham namah lawng na ngaih roe ni.” tila a thui.

Luka 2:26

Bawipa kah awlkam Messiah te na huh thlan atah na duek manawh tila Ciim Muithla lawng a thui pe rapcaat.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

1Korin 14:30

Tede pumna ah aka ngawl thlaang pakhat lawngah Pathen tengkah awlthang a dang te thui ham a khueh atah awl aka thui lii te toeng sak ham awm.

1Korin 2:11

Thlaang pakhat kah a kawng alam he amah khuiah aka awm a muithla bueng lawng ni a ming; tetih van angla Pathen kawng he khaw Pathen Muithla bueng lawng ni a ming.

Galati 1:12

Te awlthang theen te kai lawngah thlaanghing tengkah ka dang nawh tih a-u lawngkhaw kai he n'cang puei nawh. Te tah Jesuh Khrih amah lawng ka tengah avan phawng ni.

Ephesa 3:3

Pathen lawng ahuep ahella khawkhanna a sai te a tueng sak tih kai he m'ming sak poen. (He kawng he atoila ka thut poen tih,

Ephesa 3:5

Yan veng atah he awlhuep he thlaang thli te ming sak nawh, tede tahe tah Pathen lawng amah Muithla oen amah kah aciim celtuih thli oen tawngha thli tengah a tueng sak poen.

1Timothy 4:1

Hailam ben atah thlaang khatsut lawngah oengna te a hoett u ai tila Muithla lawng aciimphanla a thui; ahimi lawngah hoem thui muithla awl te a ngaai u vetih raaithe kah cangpueina te a vai u poen ai.

1Peter 1:12

Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

1Johan 2:20

Tecakhaw nangmi tah Khrih lawngah Ciim Muithla te na sawah avan toi u poen, tedawngah nangmi boeih lawng awltak te na ming u.

1Johan 2:27

Tede nangmi ham tah Khrih lawngah a Muithla te nangmi sawah avan toi poen. Nangmi kaw khuiah a Muithla te a awm atah, nangmi cang puei ham a-u khat khaw na ngoe u tlaih nawh. Metihtiah amah Muithla lawngah soeprep boeih kawng te nangmi n'cang puei u tih te cangpueina tah soeng taktak, aka thawlh nawh ni.

Olphong 1:1

He cabu he tah Jesuh Khrih lawng a phawng thaihu kawng thutna ni. He awlphawng tah aka thoeng yue ham koei te a tuihyoeihthlaang thli tengah tueng sak ham Pathen lawng a peek. Khrih lawngah he thaihu thli he a tuihyoeihthlaang Johan te ming sak hamla vanthlaang te a tuih tih,

Olphong 2:24

“Tede Tiatira khaaw kah thlaang-tloe hue lawngtah athe cangpueina te na vai u nawh tih thlaangtloe hue lawngah Seitan kah awlhuep dung a ti u te khaw na cang u nawh. Nangmi te atloe thalrih khatca khaw phueih sak ham ka ngaih nawh.