1Korin 16:13 - Matu Chin New Testament 2006

¹³ Ngaithuen huertue uh, oengna dawngah acakla pai uh, na thin cak sak uh, na tha thloet u boel.

Matu Bible

¹³ Hak uh laeh. Tangnah dongah cak uh lamtah thinrhim la rhaang uh laeh.

1Korin 16:13 Iomraidhean Croise

Mathai 25:13

Jesuh lawng, “Te tila khawhin oen atue te na ming u nawh dawngah ngaithuen oepsoeh lang ring uh,” tila ahukhueng ah a tina.

Mathai 26:41

Suek-halhna na taa thaina ham hak u lang thangthui uh. Thinkaw lawngtah a ngaih de pumsa tah a tha yoek sut” a tina.

Luka 21:36

He kah aka law ham koei thaihu thli he ading asuekla pooeng ahana ham, tharana khueh tih Thlaanghing Capa haiah paina thai ham ahuertuela awm u langtah thangthui yoeyah uh.” a tina.

1Korin 14:20

Maya manau thli, kawpoekna dawngah camaw angla awm u boel; the-arana nawh ben atah camaw la awm uh, kawpoekna ben atah poekna aka soep lungcuih thlaang la awm uh.

1Korin 15:58

Tedawngah ka lungna maya manau thli, paihuen net lang acakla pai uh. Bawipa kah bii na bi u te metuek ah khaw apoei-oepla awm nawh tih ahong-ahii nawh ni tite na ming u dawngah Bawipa bii na bina dawngah te tokthlue poepa uh.

2Korin 1:24

Nangmi lawng me ang na tangna ham koei tite nangmi tengah thui ham ka yawm u nawh; nangmi tah oengna dawngah acakla na pai u tite kaimi lawng ka ming. Tedawngah namami kah awmngaihna ham ni nangmi oen bii m'bi haih u.

Galati 5:1

Mami tah n'loeih poen, Khrih lawng n'loeih sak poen! Tedawngah aka loeih thlaang la na awm u van angla acakla pai u langtah namah oen namah te saltamnaa la coengg koep u boel.

Ephesa 3:16

Nangmi kah akhuiben thinkaw tharana ham amah Muithla rang oen ah a ruep-awm bawilenna dawngkah tharana te nangmi m'peekna ham ka bih tih,

Ephesa 6:10

Aboetna ah amah kah tha-awm tharana rang oen ah Bawipa oen pumkhatla awmna dawngah na tharana te cak sak uh.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 4:1

Tedawngah ka lungna maya manau thli, kan lungduetna u tih kan ngaai u tangkiik! Nangmi kawngah ka kaw hoe tih ka awmngaih tangkiik! Ka lungna maya manau thli, Bawipa dawng na hingna ah te acakla pai uh.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

Kolosa 4:2

Thangthuina dawngah tlungmu u lang, na thangthui u vengah huertuela awm uh. Pathen tengah awmngaih ciil thui uh.

1Thessalonika 3:8

metihtiah nangmi lawngah Bawipa oen pumkhatla hingna dawngah acakla na pai u poen tih tahe ah mami he n'hing tangtang poen.

1Thessalonika 5:6

Tedawngah mami tah thlaangtloe angla ihdut ham awm nawh, mami lawng hinghang u silang huertuela awm u sih.

2Thessalonika 2:15

Tedawngah maya manau thli, kaimi kah phungthuina dawngah khawseh, capat dawngah khawseh pahih bok dawngkah awltak kan cang puei u te phoeih mangkhak u langtah acakla pai uh.

1Timothy 6:12

Oengna loeh-lang taana poei ah na tha khueh boeih oen heng lang dungyan hingna te namah ham lo lah; Pathen lawng nang n'khue tih mingpueikung sausi thlaang yahawh haiah na oengna te acakcala na phawng te tah dungyan hingna te huh sak ham ni.

2Timothy 2:1

Ka capa nang tah Khrih Jesuh oen pumkhat la awmna rang oen n'dang u lungvatna dawngah acakla awm lah.

2Timothy 4:5

Tede nang tah me ang akawng alam dawngah khawseh namah oen namah te kuemsuem uh, patang palai te ueh hawn, Awlthang Theen phawngkung la na awmna bii te bi langtah Pathen kah tuihyoeihthlaang la na awm van angla na bi koei boeih te sai.

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

1Peter 4:7

Thaihu boeih kah aboetna tah yoeii poen. Tedawngah thangthuina khueh thaina ham ah mah oen mah kuemsuem u langtah a huertuela awm uh.

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

Olphong 16:15

“Hutung lah! Kai tah thlaanghuuen angla ka law ai! Thlaangtim paalak ah yah pawh nawh ham oen atliing ayaalla a yingyawina nawh ham ahuertuela awm tih a hinaak himbai te aka kuem tah yotheen aka dawng ni.