1Korin 15:4 - Matu Chin New Testament 2006

⁴ tecoengah a up u tih Caciim dawngah a thut angla athum hin ah tho koep;

Matu Bible

⁴ Te phoeiah a up tih cacim vanbangla a thum hnin ah thoo.

1Korin 15:4 Iomraidhean Croise

Mathai 12:40

Jonah tah nga bung khuiah yiin daai hin thum a awm angla Thlaanghing Capa khaw yiin daai hin thum dilai khuiah awm van ai.

Mathai 16:21

Teveng tue kalawng ah Jesuh lawng a hubang hue tengah, “Jerusalem la ka cet vetih Judah ahaamca thli oen khawsoeih ahaamca thli oen ah phungawl cangpueikung thli lawng patang n'khang sak ai, kai he ng'ngawn u ai, tede athum hin ah thawh sak koep la ka awm vetih ka hing ai,” tila acairaula a thui pe.

Mathai 20:19

thlaangphun tloe kut dawngah a peek u ai. Thlaangphun tloe hue lawng ahih te nuihbu kamring la a khueh u ai, athe akhana u ai, a bawh u coengah a ngawn u ai. Tede athum hin ah tho koep ai,” a tina.

Marku 9:31

A cangpueina tah, “Thlaanghing Capa he thlaang kut ah a peek u vetih a ngawn u ai. Tede hin thum coengah tho koep ai,” a tina.

Luka 24:26

Messiah lawng amah kah ruep-awmna ah a kuun thlan ah he ang thli he a yawkk hamla ngoe nawh aw?” a tina.

Luka 24:46

Ahimi te, “He tila a thut sut te awm: Messiah lawng patang a khang vetih a thum hin ah duekna kalawng tho koep ai,

Luka 9:22

Jesuh lawng, “Thlaang hing capa lawng patang palai a khang doetthloet vetih Judah ahaamca thli, khawsoeih haam thli oen Phungawl Cangpueikung thli lawngah te a hoett u ai. Ahih te a ngawn u ai, tede hin thum coengah tho koep ai.” tila a thui pe.

Johan 19:38

He coeng atah Arimatia khaaw kah Josep lawng Jesuh rawkk te lawh hamla Pilat tengah a bih. (Josep lawng aana khuehkung Judah thlaang thli te a rih tih ahuepla Jesuh kah hubang la thuep aka awm ni.) Pilat lawng a rawkk te na lawh thai a tina dawngah cet tih a lawh.

Caeltueih 1:3

A duek coengah khawhin sawmlii khui puet ahimi tengah a phumpho pe tih ahih tah hing tite uepvoetna awm tlaih nawh.

Caeltueih 17:31

Metihtiah amah lawng a tuek oepsoeh thlaang pakhat rang oen ah dilai pumpui he doengna oen awlcek hamla atue khawhin a nuen poen. Ahih lawng te thlaang te duekna kalawng a thawh sak rang oen thlaang boeih tengah asoengna te a tueng sak!” tila a thui.

Rom 6:4

Tecoengah mami baptisma n'dang vengah mami tah ahih oen up haih la awm tih a duekna ah n'duek haih u, Khrih tah Pa kah ruep-awmna huham lawng duekna kalawng a thawh sak koep angla mami khaw hingna athaai oen hingna van ham ni.

Kolosa 2:12

Metihtiah nangmi lawng Baptisma na dang u vengah te Khrih oen haih up la na awm u poen tih duekna kalawng Khrih thawhsakkung Pathen kah huham tharana te nangmi lawng na oengna rang oen ah Khrih oen na tho haih u van poen.

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

1Peter 1:11

Ahimi lawngah, te kutdo te meveng tue ah a awm vetih metuek tue ah a law ai tite ming hamla a yawm u tih tahe veng atue he ahimi kaw khuiah aka awm Khrih Muithla lawngah a khi pe. Muithla lawngtah Khrih lawng patang khang ham koei oen ah, te tila patang a khang dawngah dang ham koei ruep-awmna te a thui oepsoeh poen.