1Korin 15:32 - Matu Chin New Testament 2006

³² Kai lawngah thlaanghing pumsa ngaihna ben oen ah he Efesa khaaw ah “Satluung thli” oen ka khoelh u mai kawinih n'tu ka dang ai? Tede thlaangduek thli he hingna ah a thawh pai atah, “Thangvuen ah n'duek u poen ai, ca u silang tah aw u sih,” tila a thui angla te awm u van sih aw!

Matu Bible

³² Hlang vanbangla Ephesa ah ka puet koinih kai ham hoeikhang aya te? Hlang duek rhoek loh a thoh uh pawt atah thangvuen ah n'duek uh ham coeng dongah ca uh sih lamtah o uh sih saw.

1Korin 15:32 Iomraidhean Croise

Luka 12:19

Tecoengah kamah oen kamah te nang yotheen kam-awm thlaang! Kum san hlang ham na ngoe thaihu theen boeih te na khueh poen! Thayoeidoh la awm lah, Ca langtah aw lah, ngaimawng ngaitoe la awm lah, ka ti ai’ ti.

Luka 9:25

Thlaanghing lawng dilai pum he amah koe la khueh mai cakhaw a hingna te a thlawng tih a sung atah n'tu nuem hoeikhangna a awm? Hoeikhangna roe awm nawh!

Caeltueih 18:19

Efesa khaaw te a pha u atah Pawl lawngah te ah te Priscilla oen Akuila te a ceh taak. Amah tah sinakok bok-im khuila cet tih Judah thlaang thli oen awl a thui u.

Caeltueih 18:21

Aceh tawm atah, “Pathen lawng angaih atah nangmi tengla ka law koep ai.” a tina. Tecoeng atah Efesa khaaw kalawng tuisangphaw oen cet.

Caeltueih 19:1

Kawrin khaaw ah Apollos a awm veng te ah, te kah peng te a hiil adawng tih Efesa khaaw te a pha. Te ah te hubang thli khatsut te a huh tih,

Rom 3:5

Tede nangmi kah thaihu the saina dawngah Pathen kah thaihu sai a soeng te a tueng sak atah metila a awm ai? Pathen lawng mami te thawlh m' peel tih dan n'tat atah Pathen he soeng nawh n'ti ai aw? (Thlaanghing poekna oen thui atah).

Rom 6:19

(Nangmi lawng yaakmingna pumsa ben ah na khueh u nawh dawngah yaakming thai koei tihinhang kah awl ka hawna) N'cui veng atah nangmi lawng athe sai hamla aciimcaih nawh oen athe-arana ah na pum te sal la na peek u rapcaat. Tetih van la tahe tah aciimcaih saina hamla na pum te doengna sal la pe u rapcaat loeih.

1Korin 16:8

Efesa khaaw ah he pentikos khawhin toe ah ka awm ai.

Galati 3:15

Maya manau hue, khawhin roekk khawsakna dawngkah nuehtahna khat ah ka thui lah ai, lumlai pakhat dawngah thlaang pahih lawng kawvaina awlkam te a sai hih vengah thlaang pakhat lawng te kah awlkamna te phe thai nawh tih tawm athap thai nawh.

2Peter 2:12

Tede, he thlaang thli lawngtah, tuuk tih ngawn doek ham aka thang ramsa sann angla poekna mailai oen thaihu a sai u; ahimi lawng a ming u nawh thaihu khat mai dawngah khaw tapvoep awlkha a thui u. Ahimi tah ramsa sann angla ngawn la awm ai.

Jude 1:10

Tede he kah thlaang thli lawngtah amami kah yaakming nawh pakhat khat te the a phoei thil u; ramsa angla amami kah thang puei cuihna oen a ming u thaihu thli lawngah ahimi te a phe u poen.