1Korin 15:2 - Matu Chin New Testament 2006

² Te tah nangmi tengah kavan phawng awlthang theen te ni. Nangmi lawng acakla na phoeih khak u atah te kah awlthang theen rang oen nangmi thlawnna na dang u, te tih nawh atah nangmi kah oengna te ahong la ni a awm.

Matu Bible

² Te lamlong ni na daem uh van. Nangmih taengkah ka phong olka te na tuuk uh atah a hoeihae la na tangnah uh aih bal mahpawh.

1Korin 15:2 Iomraidhean Croise

Luka 8:13

Lungrawng sawah aka tla caangti te tah awlthang theen te a yaak tih awmngaih kawhoe la aka do thlaang te thuingaihna ni. Tede ahimi kaw khuiah ayung te caa khuek nawh. Kawlkalh ham bueng te a oeng u tih noekdakna tue a law veng atah tlim boeih u.

Caeltueih 2:47

Pathen te a thangpawm u tih ahimi te thlaang boeih lawng a hinyah u. Tecoengah thlawnna aka dang thlaang thli te Bawipa lawngah khawhin roekk ah ahimi bu khuiah te a kuun pe sak.

Caeltueih 8:13

Simon lawngkhaw a tangna van tih baptisma a dang coeng atah Filip tengah te awm roep poen, ahih lawngah alentloe miknoekna oen kawpoekraina te a huh vengah a ngaai hang sut.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 11:22

He ah he Pathen kah thlaang reenna kaw a poekna oen rih koei la a awm te n'huh u. Aka tlim thli ham tah rih awm tangkiik tede nangmi te tah n'reen u, nangmi lawng a reenna khuiah na awm u poe atah reenna kaw avan poek ai, tede na awm u nawh atah nangmi khaw tloek poet la na awm u van ai.

1Korin 1:18

Metihtiah thinglam dawngah Khrih kah duekna kawng awlthang he ha-ata lii thlaang thli hamla tah awlpoei la awm de, mami thlawn la aka awm lii hue ham tah Pathen kah tharana ni.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 11:2

Nangmi lawng kai he nan poek khuep u tih na kut dawngah kan peek cangpueina te na vai u dawngah kan koeh u.

1Korin 15:14

Khrih he duekna kalawng a thawh koep nawh atah kaimi lawng phawng ham koei n'tu khaw ka khueh u nawh vetih nangmi lawngkhaw tangna ham koei n'tu khaw awm van manawh.

2Korin 2:15

Tedawngah mami tah Khrih lawng Pathen tengah a nawn baw aka tuui riimtuui oen n'lo u, te riimtuui tah thlawn la aka awm lii thlaang tengah khaw, aka auh lii thlaang thli tengah khaw a pha.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Galati 3:4

Nangmi lawng na huh na tawng boeih te ahong-ahii la aw a awm kang aih poen? Ahong-ahii la tah awm boeih nawh!

Ephesa 2:8

Pathen kah lungvatna rang oen ah oengna oen nangmi tah thlawn la na awm u. te tah mami kah yawmna oen nawh ni, Pathen kah kutdo ni. Tedawngah a-u khat ca khaw he kawngah oekthloen u ham awm nawh.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

2Thessalonika 2:15

Tedawngah maya manau thli, kaimi kah phungthuina dawngah khawseh, capat dawngah khawseh pahih bok dawngkah awltak kan cang puei u te phoeih mangkhak u langtah acakla pai uh.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

Hebrew 10:23

Awlkam aka cak Pathen tah uep-awm la a awm dawngah mami lawng ngaiuepna n'khueh u te acakla phoeih mangkhak u sih.

Hebrew 2:1

Tedawngah atloe abang la mami lawng m'phelh nawh ham n'yaak tangte awltak te acak tare la phoeih mangkhak ham awm.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

Hebrew 4:14

Tedawngah mami lawng oengna te acakla phoeih rap u sih. Metihtiah, Pathen Capa Jesuh tah mami kah aka lenduet Khawsoeih Bawi la awm tih Pathen a awmna la te cet poen.

James 2:14

Maya manau thli, thlaang pakhat lawng oengna ka khueh ti de saina oen a tueng sak nawh atah atheenna awm aw? Te oengna lawng ahih te a thlawn thai aw?

James 2:17

Te tila te oengna khaw awm van: Tedawngah oengna bueng awm tih saina athum nawh atah aka duek ni.

James 2:26

Tedawngah muithla a awm nawh atah pum he duek, tetih van angla saina aka awm nawh oengna tah duek.