1Korin 15:1 - Matu Chin New Testament 2006

¹ Maya manau thli, Nangmi tengah kavan phawng Awlthang Theen, nangmi lawng na do u tih oengna ah acakla na paina u te tahe ah nangmi ming sak koep ham ka ngaih.

Matu Bible

¹ Tahae ah Manuca rhoek, nangmih ham olthangthen ka thui te nangmih ham ka phoe coeng. Tekah te na doe uh bal coeng. Tekah olthangthen dongah na pangtung uh bal.

1Korin 15:1 Iomraidhean Croise

Johan 12:48

A-u khaw ka awl he aka do nawh tih kai aka hoett te awl aka cek hamla thlaang awm. Aboetna khawhin vengah ka awl thui lawngah awl a cek ai.

Caeltueih 11:1

Judia ram pum kah atloe oengca thli boeih oen celtuih boeih lawng Gental thlaang thli lawngkhaw Piter te a do u van tite a yaak u.

Caeltueih 2:41

Ahih kah awl thui te thlaang broe lawngah a tangna u tih baptisma a huh u, te kah khawhin ah te ahimi bu khuiah thlaang thong thum yunyan lawngah a tawm a thap u.

Rom 11:20

Te ngoen tah soeng tangtang. Ahimi lawng a oeng u nawh dawngah a tloek tangtang, nangmi tah na oeng u dawngah na awmna huen ah te na awm u. Tede he kawngah oekthloen u boel lang rih lat u hawn.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

Rom 5:2

Ahih lawngtah oengna rang oen mami he Pathen kah lungvatna khuila n' kuun puei u poen, te lungvatna khuiah tahe n'awm u. Tedawngah Pathen bawilenna n'bur haih u ai tila ngaiuepna oen n'tha thlue u.

1Korin 16:13

Ngaithuen huertue uh, oengna dawngah acakla pai uh, na thin cak sak uh, na tha thloet u boel.

1Korin 3:6

Kai lawngah ati-amu te ka tue tih Apollos lawng tui a suep, tede athing aka po sak tah Pathen ni.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

2Korin 1:24

Nangmi lawng me ang na tangna ham koei tite nangmi tengah thui ham ka yawm u nawh; nangmi tah oengna dawngah acakla na pai u tite kaimi lawng ka ming. Tedawngah namami kah awmngaihna ham ni nangmi oen bii m'bi haih u.

1Thessalonika 1:6

Nangmi lawng kaimi oen Bawipa kah moeiboe te na oett u, patangraina yahawh hlang na tawng u vengah khaw, Ciim Muithla tengkah aka law awlthang te awmngaih oen na do u.

1Thessalonika 2:13

Kaimi lawngah Pathen tengah awmngaih ciil ka thuina kawng atloe awm hun. Kaimi lawng Pathen awl te nangmi tengla kavan khuen vengah thlaanghing kah awl angla nawh tih, Pathen kah awl angla te na hutung u tih na do u, te tah ataktang ni. Metihtiah aka oeng nangmi tengah Pathen lawng bii a bi.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.

2Thessalonika 3:6

Maya manau thli, kaimi kah thuituenna awl te aka vai nawh tih thayong tha-ngak la aka awm maya manau boeih te nangmi lawngah relram hamla mami Bawipa Jesuh Khrih miing oen ah kaimi lawng awl kan peek u.

1Peter 5:12

He capat atoica he Silas kah bawmna rang oen nangmi tengah kavan thut, ahih he uep-awm khrihca maya manau la ka poek ni. Nangmi tengah thaphawhna awl thui ham ka ngaih tih nangmi lawng na dang u lungvatna tah Pathen tengkah tangtang ni tila aka mingkung la ka awm. Te lungvatna dawngah acakla pai uh.