1Korin 14:6 - Matu Chin New Testament 2006

⁶ Tedawngah maya manau thli, nangmi tengla ka law vengah mingnawh awl la ka cal kawinih nangmi hamla kai he hoeikhangna awm ai aw? Awm tang manawh! Pathen tengkah awlphawng pakhat mai khaw, cuihna mai khaw, tawngha kah awlthang mai khaw, cangpueina mai khaw kavan khuen nawh atah nangmi ham hoeikhangna awm nawh.

Matu Bible

⁶ Tedae manuca rhoek, tahae ah nangmih taengla ol tloe la ka cal tih nangmih ham pumphoenah nen khaw, mingnah nen khaw, tonghma ol nen khaw, thuituennah nen khaw ka thui mueh la, ka lo koinih nangmih ham balae ka hoeikhang?

1Korin 14:6 Iomraidhean Croise

Mathai 11:25

Tevengah Jesuh lawng, “Apa, dilai oen vaan kah Bawipa! Thlaangcuih oen aka thoemthai hue tengah na thuh te aka thoemthai nawh hue tengah na tueng sak dawngah kan uem tangkiik.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 16:26

Thlaang pakhat lawng dilai pum he pang mai cakhaw a hingna a thlawng atah n'tu nuem aphu aka awm? Aphu awm nawh! A hingna dang koep ham n'tu oen khaw thaw thai manawh.

Caeltueih 2:42

Ahimi lawngah celtuih hue tengah cangna, khat oen khat pawlneengna, beroep lopaang buh veelna, thangthuina ah amami kah atue te a hawna u.

Rom 15:14

Maya manau thli: Nangmi tah theenna oen na be u, Cuihhoena na khueh u tih pakhat oen pakhat na cang puei patoeng u thai tite kamah roe lawng atheenla ka ming.

Rom 16:17

Maya manau thli: pekbona aka thoeng sak thli oen oengna te aka thumhang sak oen ah nangmi lawng na cang u tangte cangpueina aka oelh-taih thli te ngaithuen ham kan uen u: Ahimi teng kalawng thloeng uh.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

1Korin 10:33

Ka sai angla sai u van; ka sai boeih he thlaang boeih kah kawhoena ham ni ka yawm, kamah ham theenna te ka poek nawh tih thlawnna te a dangna u thai ham thlaang boeih kah theenna te ni ka poek.

1Korin 14:1

Tecoengah lungna he hawna ham yawm u lah. Muithla ben kah kutdo dawngah na thinkaw te khueh uh, awlpuila Pathen awlthang phawngna kutdo te khueh hamla yawm uh.

1Korin 14:7

Hingna aka khueh nawh riingding thaihu phiviit khaw, tingtoeng khaw a awl te atheenla a thoeng nawh atah lum-alaa te me ang a tum u tite metila thlaang lawng a ming thai ai?

2Korin 11:6

Kai he awlcal thingkaa tah ka thoem nawh mai ai, tede mingna ben tangtang atah ka voet roe nawh; He he nangmi tengah acaihla mevengah khaw thaihu soeprep ah kavan tueng sak u poen.

2Korin 12:1

Oekthloenna lawng he thaihu theen khat khaw sai nawh de, ka oekk u de lah ai. tede tahe ah Bawipa kah peek huhthlaam oen awlphawng te ka thui lah ai.

2Korin 12:7

Tede kawpoekrai thaihu yahawh hlang ka huh dawngah oekthloenna oen pawmsangna kanghalhna ham aka tlo tangkiik nganbawh te ka pumsa dawngah m'peek, te tlawhna lawngah Seitan kah laipai angla bii a bi tih oekthloenna dawng kalawng kai he bawhna ham oen kanghalhna hamla a hawna.

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Ephesa 3:4

Kai lawng ca ka thut te na tae u atah Khrih kah awlhuep kai lawng ka ming tite nangmi lawng na yaakming u thai ai.)

Philipi 3:15

Mami boeih muithla ben ah kawpoek soep la aka awm lawngtah he ang kawpoek he khueh roe hamla awm, tede nangmi timkah thlaang khatsut lawng poekna tloe na khueh u atah te poekna te Pathen lawng nangmi tengah aciimphanla avan tueng sak ai.

2Timothy 2:14

He he na thlaang thli tengah thui pe langtah awllung awllep mailai ah oelh u khiing nawh ham Pathen haiah ngaithuenna te peh. Tede atheen thaihu nawh ni, awl a hutung thlaang thli te ni a rawk sak khoeng.

2Timothy 3:10

Tede nang lawngtah kai kah cangpueina, khawboe ramlang oen ka hingna dawngah ka mengtengna te na vai poen. Nang lawngtah ka oengna, kawdawna, lungna, uehthaina,

2Timothy 3:16

Caciim boeih he Pathen hillsang la awm tih awltak cangpueina ham, toelthaamna ham, thawlhpalhna te tlaihvawngna ham, asoengla khawsakna ham ah thuituenna la aphu awm,

2Timothy 4:2

Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.

Titus 3:8

He awl tah awltak ni. He kah awl he awlpuila na khueh ham ka ngaih, Pathen aka oeng thlaang thli lawngtah thlaang boeih boeih ham thaihu theen saina ben ah amami kah atue atang te a hawna ham awm, te tah aka theen tih aphu aka awm ni.

Hebrew 13:9

Cangpueina alakloe phun soeprep lawng nangmi te lawngpui doeng kalawng atloe abang la m'phelh sak boel seh. Thinkaw tharana he caak awkk kawng phung-alam vaina oen dang ohla Pathen kah lungvatna dawng kalawng dang ham theen; he ang phung-alam aka vai thli te amami kah a vai phung-alam lawng bawmcem nawh.

2Peter 1:5

Tedawngah he kawngah he na oengna dawngah theenna te thap u lang, na theenna dawngah mingna oen thap uh;

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

2Johan 1:9

A-u khaw Khrih kah cangpueina dawngah aka awm nawh tih te voel ah aka cet lawngtah Pathen te khueh nawh. A-u khaw cangpueina dawngah aka awm khak tah pahih bokla Pa oen Capa te a khueh.