1Korin 14:3 - Matu Chin New Testament 2006

³ Tede Pathen kah awlthang te aka phawng lawngtah thlaangping tengah bawmcemna awl, thapeekna awl, thloepthloeina awl te a thui.

Matu Bible

³ Te dongah aka phong loh hlang ham hlinsainah, thaphohnah neh suemnah khaw a thui.

1Korin 14:3 Iomraidhean Croise

Luka 3:18

Johan lawng aphunphun la Awlthang Theen te thlaangping tengah a phawng tih a thawlhna te yut u hamla a thuituen.

Caeltueih 13:15

Mosi Phungawl oen tawngha thli kah cathut te a tae coeng atah sinakok bok-im ukkung thli lawngah ahimi nala te: “Maya manau thli, thlaang yahawh ham thaphawhna awl thui ham a awm atah na thui u ham ka ngaih u de” a tina u.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Caeltueih 15:32

Judas oen Silas khaw tawngha la a awm hih dawngah ahimi tengah thathluena awl oen thapeekna awl asanhlangla a thui pe hih.

Caeltueih 4:36

Te ah te Caipras tuisanglak kah Levi thlaangphun Josep aka miingna thlaang pakhat awm tih Celtuih hue lawng Barnabas a tina u. (thuingaihna tah, “Thaphawhkung” tina ni.),

Caeltueih 9:31

Judia Tecoeng atah ram, Galili ram oen Samaria ram kah khrihcabu tah ngaimawngla awm u. Bawipa te hinyahna oen khaw a sak u tih Ciim Muithla kah bawmna rang oen a tha ra u tih puung tare u.

Rom 12:8

Thlaang te thapeek koei atah tha peek ham awm; khuehtoen thaihu te thlaangtloe rekra koei atah moeihoeihna oen rekra ham awm. Saithaina aana te n'dang atah bii yawm ham awm; thlaangtloe tengah thintlawhna tueng sak ham koei atah reenna oen tueng sak ham awm.

Rom 14:19

Tedawngah ngaimawngna taktak aka thoeng sak thaihu thli oen khat oen khat thara sak koei bawmcemna te mami lawng mengteng yoeyah ham awm.

Rom 15:2

Te lak ah, mami kah maya manau lawngah theenna koei, oengna ah a roengna koei te mami boeih lawng sai ham awm.

1Korin 10:23

Ahimi lawngah, “Me ang thaihu khaw kaimi lawng sai thai koei ni,” ti u. Soeng ngoen ta, tede soeprep boeih sai he tah theen luem nawh. “me ang thaihu khaw kaimi lawng sai thai koei ni.” ti u, tede soeprep boeih he hoeikhangna awm luem nawh.

1Korin 14:12

Nangmi lawngah muithla kutdo te khueh hamla na thinkaw a thluembuek u van angla atloe boeih lak ah khrihcabu roengna aka bawm thai ngaai te khueh ham yawm uh.

1Korin 14:17

Nangmi kah awmngaih ciil thui thangthuina te theen hlang cakhaw thlaangtloe hamla hoeikhangna awm nawh.

1Korin 14:26

Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

1Korin 14:31

Thlaang boeih lawng thuituenna awl te a yaak tih tharana te a dangna ham nangmi boeih lawng pakhat coeng pakhat Pathen awlthang te phawng uh.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

2Korin 1:4

Raina phun soeprep aka tawng thlaangtloe te bawm thaina ham mami kah raina boeih ah amah lawng mami he m'bawm, te tila thlaangtloe te mami lawng m'bawm vengah Pathen tengkah n'dang u bawmna te n'hawna.

2Korin 2:7

Ahih te a kaw the malcal tih kawmoetkawma la a awmna nawh ham tahe atah nangmi lawng a sawah khawdawp na ngaai u vetih tha na peek u ham awm poen.

Ephesa 4:29

Awl na thui u vengah awlthe te thui u boel; thlaang hamla hoeikhangna aka awm tih angoena ah theenna aka thoeng sak, nangmi kah awlthui aka ya hue lawng theenna te a saina ham awltheen te thui uh.

Ephesa 6:22

Kaimi boeih metila ka awm u tite thui ham oen ah nangmi te tha thlue sak hamla ahih te nangmi tengla kavan tuih.

Kolosa 4:8

Tedawngah nangmi thathluena ham, kaimi kah khawsakna boeih aka thui hamla ahih te nangmi tengla kavan tuih.

1Thessalonika 2:11

Ana pa lawng a ca thli te a dawm a thlai angla nangmi pakhat rip te kaimi lawng kan dawm kan thlai u te na ming u.

1Thessalonika 2:3

Nangmi tengah kaimi lawng reenna kavan bih u he asoeng nawh oen kawpoek ciimna nawh oen nawh tih, a-u khaw thailatna ham te ka ngaih u nawh dawngah ni.

1Thessalonika 3:2

Khrih kawng Awlthang Theen thuina ah kaimi oen Pathen bii aka bi haih van, mami kah manau Timote te kavan tuih u.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.

1Thessalonika 4:18

Tedawngah he awl oen ah he nangmi pakhat oen khat thaphawh uh.

2Thessalonika 3:12

Te tila aka awm thlaang thli te acuep amueihla awm ham oen ah amami kah bungkhutna bii te bi ham Bawipa Jesuh Khrih miing oen ah ngaithuenna awl ka peek.

1Timothy 1:4

Awlpuungna bueng aka thoeng sak ciil awl thli oen aka boet nawh nukaw pakaw patuer thli thoepna te ang thli te a toengna u ham thui peh; te ang thli oen ah te oengna oen ming ham koei la aka awm Pathen khawkhanna te n'sai thai nawh.

1Timothy 4:13

Kai ka law thlantoe tah rangpui tengah Caciim teena, phungthuina oen cangpueina te yawm langtah atue na khueh boeih te hawna lah.

1Timothy 6:2

Bawimanghai thli te khrihca la a awm u atah ahimi khaw mami kah maya manau la awm van poen ti u boel selang sal thli lawngah te hinyah ohla awm u boel seh. Ahimi kah bii te atheenla a bi pe tare ham awm. Metihtiah ahimi kah biibina rang oen hoeikhangna aka dang te tah ahimi lawng a lungna khrihca thli van ni.

2Timothy 4:2

Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.

Titus 1:9

Oengnakungpui oen avai u la ueppang koei, awlthang te acakla aka phoeih thlaang seh. Teah ni ahih lawng aka soeng cangpueina oen tha a peek thai vetih asoeng cangpueina aka oelhtaih thli kah thawlhpalhna khaw a tueng sak thai ai.

Titus 2:15

He awlkaa thli he cang puei langtah na awlthui hutung thli te tha na peek tih na toelthaam vengah saithaina aana na khueh boeih te haw nah. Nang te a-u lawngkhaw dapsit la n'hu roe boel seh.

Titus 2:6

Tetih van la te kum no tawngpa thli te khaw amah oen amah kuemsuem u thai ham thaphawh lah.

Titus 2:9

Sal thli lawngah a bawipa thli kah awl ngaai pe selang soeprep boeih ah ahimi te a kaw hoe sak seh. Ahimi lawng a bawi thli kah awl te thung u boel seh,

Hebrew 10:25

Thik at la huhtun pumna sai nooek te thlaangtloe hue lawngah a hoett u angla mami lawngtah hoett boel sih. Te lak atah, nangmi lawng Bawipa Khawhin tah yoeii tare poen tila na ming u dawngah khat oen khat thaphawh u sih.

Hebrew 13:22

Maya manau thli, thathluena awl ka thui he na vai u hamla kan ceel u. He capat kavan thut he san aih nawh.

Hebrew 3:13

Te lak atah, nangmi te thawlhna lawng thai a latna nawh ham, thinthah la na awm u nawh hamla, caciim lawngah, “Tihin,” a ti te mami oen tuhkaina a awm khui atah hin roekk ah pakhat oen khat bawmcem yoeyah uh.

1Peter 5:12

He capat atoica he Silas kah bawmna rang oen nangmi tengah kavan thut, ahih he uep-awm khrihca maya manau la ka poek ni. Nangmi tengah thaphawhna awl thui ham ka ngaih tih nangmi lawng na dang u lungvatna tah Pathen tengkah tangtang ni tila aka mingkung la ka awm. Te lungvatna dawngah acakla pai uh.

Jude 1:20

Tede ka paya thli, nangmi tah namami kah aciim oengna dawngah namami oen namami tawm athap patoeng uh. Aciim Muithla tharana oen thangthui uh.