1Korin 14:26 - Matu Chin New Testament 2006

²⁶ Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

Matu Bible

²⁶ Te phoeiah balae aka om pueng? Manuca rhoek, na khoong uh vaengah tingtoeng rhip a khueh, thuituennah a khueh, pumphoenah a khueh, ol a khueh, a kongnah a khueh te hlinsainah ham boeih om saeh.

1Korin 14:26 Iomraidhean Croise

Rom 1:13

Ka maya manau boeih, he he van ming u lah, nangmi tengla law ham ka kamthlah taitu poen de thaihu pakhat khat lawng n'kang poepa. Atloe Gental thlaang tim ah kawthawna ka khueh sak angla nangmi tim ah khaw kawthawna aka khueh awm sak ham ka ngaih tangkiik.

Rom 12:7

thlaangtloe ham bii bi koei atah bi ham awm; cang puei koei atah cang puei ham awm;

Rom 14:19

Tedawngah ngaimawngna taktak aka thoeng sak thaihu thli oen khat oen khat thara sak koei bawmcemna te mami lawng mengteng yoeyah ham awm.

Rom 15:2

Te lak ah, mami kah maya manau lawngah theenna koei, oengna ah a roengna koei te mami boeih lawng sai ham awm.

1Korin 14:15

Tetih atah me tih ka ti ai? Kai lawng ka muithla oen ka thangthui vetih ka thinkaw oen khaw ka thangthui ai; ka muithla oen laa ka sak vetih ka thinkaw oen khaw laa ka sak ai.

1Korin 14:2

Ming nawh awl aka cal thlaang pakhat lawngah thlaangtloe tengah awl thui nawh tih Pathen tengah ni a thui, metihtiah ahih awl te a-u lawngkhaw yaakming pe nawh. Ahih lawng Muithla kah huham tharana rang oen awlhuep awltak te ni a thui.

1Korin 14:27

Mingnawh awl oen thui ham aka ngaih te a awm atah yahawh koek ah pahih lawng aw, tih nawh atah pathum lawngah pakhat coeng pakhat thui u selang tah pakhat khat lawngah awl te thuicaih pe seh.

1Korin 14:40

Thaihu soeprep boeih he along a-im ah anep-anoeila sai ham awm.

2Korin 12:19

Nangmi haiah kamami kah thlip adahna hamla a yawm puet tila khaw nan poek u mai ai. Tetih nawh ni! Khrih lawngah kaimi thui sak hamla a ngaih angla te Pathen haiah ka thui u, ka lungna ka paya thli, kaimi lawng ka sai boeih he nangmi bawmna ham ni ka sai u.

2Korin 13:10

Nangmi tengah he capat he athlahlang kalawng kavan thut he, nangmi teng kavan pha vengah te Bawipa kah peek saithaina aana te nangmi sawah atlawh hlang la hawna ka ngaih nawh dawngah ni, te kah saithaina aana tah nangmi te phena ham nawh tih nangmi lawng na roengna ham ni.

Ephesa 4:12

He tila a sai he tah Khrih kah pum te a roengna ham Pathen kah thlaang boeih lawngah Khrihca bii te bi hamla roekbahna ni.

Ephesa 4:16

Ahih kah khawl-acuuina oen pum dawngkah atloe boeih te a bawlcawm kang tih ruhcong boeih oen pum te tuhkai u haih tih bawmcem u. Tedawngah pum dawngkah atloe boeih lawng a bi ham koei te a sai u tih pum lawngah lungna oen roeng hang.

Ephesa 4:29

Awl na thui u vengah awlthe te thui u boel; thlaang hamla hoeikhangna aka awm tih angoena ah theenna aka thoeng sak, nangmi kah awlthui aka ya hue lawng theenna te a saina ham awltheen te thui uh.

Ephesa 5:19

Nangmi pakhat oen khat te saam laa dawngkah awl, koehna laa dawngkah awl, laa ciim dawngkah awl oen ah voemtoei uh. Bawipa te na thinkaw tang oen koehna laa, saam laa oen ah thangpawm uh.

1Thessalonika 5:11

Tedawngah nangmi lawng tahe ah na sai u angla te khat oen khat thaphawh u langtah khat oen khat bawmcem uh.