1Korin 14:2 - Matu Chin New Testament 2006

² Ming nawh awl aka cal thlaang pakhat lawngah thlaangtloe tengah awl thui nawh tih Pathen tengah ni a thui, metihtiah ahih awl te a-u lawngkhaw yaakming pe nawh. Ahih lawng Muithla kah huham tharana rang oen awlhuep awltak te ni a thui.

Matu Bible

² Ol aka thui loh hlang ham pawt tih Pathen taengah ni a thui. Hlang loh ya pawt dae mueihla neh olhuep ni a thui.

1Korin 14:2 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Marku 16:17

Aka oeng thli tah kawpoek rai saina huham te a peek ai; ahimi lawngah ka miing oen raaithe thli te a hek ai; awl thaai la cal u ai;

Marku 4:11

Jesuh lawng, “Pathen Ram kah awlhuep tah nangmi tengah m'peek poen. Tede adauben ah aka awm thlaangtloe lawngtah thuidoetna awl bueng oen ni thaihu he a yaak u,

Caeltueih 10:46

Metihtiah ahimi lawngah ming nawh awl la cal u tih Pathen kah bawilenna a thangpawm te a yaak u dawngah ni. Piter lawngah:

Caeltueih 19:6

Pawl lawng ahimi sawah a kut a tloeng atah Ciim Muithla te ahimi sawah va law; ahimi lawngah ming nawh awl la cal u tih Pathen awl te khaw a phawng u.

Caeltueih 22:9

Kai oen ka cet haih thlaang thli lawng aangna te a huh u de ka tengah awl aka thuikung kah awl te tah ya u nawh.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

1Korin 12:10

Thlaang pakhat teng atah kawpoek rai saithaina huham tharana te Muithla lawng a peek tih atloe teng atah Pathen awlthang thui thaina kutdo te a peek; tecoengah atloe khat teng atah kutdo thli he Muithla ben kah aka law aw, Muithla ben kah aka law nawh aw tite pekbona ham thoemthaina te a peek. Thlaang pakhat teng atah mingnawh awl cal hamla thoemthaina te a peek tih atloe pakhat teng atah mingnawh awl te thuicaih thaina te a peek.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 13:1

Kai lawngah thlaanghing kah awlcawm awlcee oen vanthlaang awl pateng ka cal thai cakhaw lungna ka khueh nawh atah ka awl-thui he curumngang la awl aka riing mong oen tlaklak awl angla ni a awm mai.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 14:16

Nang lawng muithla bueng oen Pathen teng awmngaih awl na thui vengah nangmi kah pumna ah aka thuum van thlaang thoet mailai lawngah nangmi kah awmngaih ciil thui thangthuina ah te metila “Amen” tila a thui thai ai? Nangmi kah awl thui te ahih lawng a ming moenih ta.

1Korin 14:26

Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

1Korin 15:51

Awlhuep awltak he hutung u lah: Mami he boeih n'duek u manawh, tede hukhueng koek pengsara te a tum vengah kawlkalh mikkhah palap ah n'thaw u poen ai.

1Korin 2:10

Tede a awlhuep te amah Muithla rang oen ah mami he Pathen lawng m'ming sak poen. Muithla lawngtah soeprep boeih Pathen kah kamthlahna adungkoek thuh elh la aka awm te pateng khaw pheng a tlap.

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

1Timothy 3:9

Ahimi tah athetheen pekbo thaina kawpoek ciim oen oengna awltak aka dung te acakla aka phoeih thlaang la a awm ham awm.

Olphong 10:7

Pathen lawng amah kah tuihyoeih tawngha hue tengah a thuisut angla Vanthlaang pasarih lawng pengsara a tum vengah a kamthlahna awlhuep te soep badai” tila a thui.