1Korin 14:12 - Matu Chin New Testament 2006

¹² Nangmi lawngah muithla kutdo te khueh hamla na thinkaw a thluembuek u van angla atloe boeih lak ah khrihcabu roengna aka bawm thai ngaai te khueh ham yawm uh.

Matu Bible

¹² Nangmih khaw mueihla ah aka hmae la na om uh van dongah hlangboel kah hlinsainah dongah baetawt ham te mae uh.

1Korin 14:12 Iomraidhean Croise

Rom 14:19

Tedawngah ngaimawngna taktak aka thoeng sak thaihu thli oen khat oen khat thara sak koei bawmcemna te mami lawng mengteng yoeyah ham awm.

1Korin 12:31

Tedawngah awlpui ngaai kutdo dawngah na thinkaw te khueh uh. Te ang thli boeih lak ah atheen koek te kavan thui ai.

1Korin 12:7

Thlaang pakhat rip kaw khuiah Muithla a awm te lawngpui atloetloela tueng tih te tah thlaang boeih kah theenna ham ni.

1Korin 14:1

Tecoengah lungna he hawna ham yawm u lah. Muithla ben kah kutdo dawngah na thinkaw te khueh uh, awlpuila Pathen awlthang phawngna kutdo te khueh hamla yawm uh.

1Korin 14:13

Tedawngah ming nawh awl aka cal thlaang lawngah amah kah awl thui kutdo te thuicaih thaina ham thangthui seh.

1Korin 14:26

Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

1Korin 14:5

Nangmi boeih he ming nawh awl la cal sak ham ka ngaih; tede Pathen awl phawngna te na khueh u ham ka ngaih ngaai. Metihtiah Pathen awlthang aka phawngkung tah ming nawh awl aka cal lak ah aphu awm ngaai. Khrihcabu kah hoeikhangna hamla a awl thui te aka letkung a awm nawh atah aphu awm nawh.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.