1Korin 14:1 - Matu Chin New Testament 2006

¹ Tecoengah lungna he hawna ham yawm u lah. Muithla ben kah kutdo dawngah na thinkaw te khueh uh, awlpuila Pathen awlthang phawngna kutdo te khueh hamla yawm uh.

Matu Bible

¹ Lungnah te hnuktlak uh. Mueihla koe khuiah te ol na phong uh te lat yakvawt uh.

1Korin 14:1 Iomraidhean Croise

Rom 12:6

Tedawngah kutdo aphun tloetloe n'dang rip u tah Pathen kah peek lungvatna kutdo n'dang taring ah hawna u sih. Pathen kah awl te thui thaina kutdo te n'dang u atah oengna n'khueh taring ah hawna ham awm;

Rom 14:19

Tedawngah ngaimawngna taktak aka thoeng sak thaihu thli oen khat oen khat thara sak koei bawmcemna te mami lawng mengteng yoeyah ham awm.

Rom 9:30

Tedawngah kaimi lawng ka thui tah Pathen oen roeproei ham aka yawm nawh Gental thlaangphun lawngah oengna rang oen ah Pathen oen roeproei u poen;

1Korin 12:1

Ciim Muithla kutdo kawng cathut oen nan doet u te tahe ah kavan thui ai. Maya manau thli, he kawngah he awltak na ming u hamla ka ngaih.

1Korin 12:31

Tedawngah awlpui ngaai kutdo dawngah na thinkaw te khueh uh. Te ang thli boeih lak ah atheen koek te kavan thui ai.

1Korin 13:13

Awlpui thaihu pathum awm: te tah oengna, ngaiuepna oen lungna he ni, he thli boeih khuiah lungna he abokoek ni.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 14:22

Tedawngah ming nawh awlcal kutdo he tah oengca la aka awm nawh thlaang thli ham noekna ni, oengca la aka awm thlaang thli ham nawh ni, Pathen awlthang phawngna kutdo he tah oengca thli kah noekna ni, oengca la aka awm nawh thlaang thli ham nawh ni.

1Korin 14:37

Thlaang pakhat lawngah amah oen amah Pathen kah laipai la ka awm tila khaw, muithla ben kah kutdo ka khueh tila khaw a poek atah nangmi tengah ca kavan thut he Bawipa kah awlpeek ni tite ming seh.

1Korin 14:39

Tedawngah maya manau thli, Pathen awlthang phawng ham te ngaih ngaai u lah, tede ming nawh awl cal te khaw khang u boel.

1Korin 16:14

Na sai boeih te lungna oen sai uh.

Ephesa 1:3

Mami Bawipa Jesuh Khrih kah ana Pa oen Pathen te koeh u lah sih! Metihtiah Khrih oen pumkhatla awmna ah vaan ben kah Muithla yotheen kam-awmna soeprep peekna oen mami he yotheenna m'peek u.

1Thessalonika 5:20

Muithla kah bawnghorhna oen a thui awl te ngaai lakna ohla awm boel.

1Timothy 4:14

Tawngha thli lawng awl avan thui tih ahaamca thli lawng na sawah kut avan tloeng vengah nang lawng na dang muithla ben kutdo te dalra thlothlamna boel.

1Timothy 5:10

Thaihu theen saina, ca-anau thli atheenla cawm-acahna, kamyin kam lai lungna, khrihca paya laikoei thli ham bii aka yawm, khawdeng lungma thlaang aka bawm, thaihu theen saina dawngah miing theenna aka dang huhainu te thuum seh.

1Timothy 6:11

Tede nang tah Pathen kah thlaang la na awm dawngah he thaihu thli boeih he rel-aram hawn. Doengna, Pathen hinyahna, oengna, lungna, uehthaina oen kawdawna te khueh hamla yawm lah.

2Timothy 2:22

Roengthaai thawhthuem kah pumsa ngaihna te vai boel langtah thinkaw ciim oen Bawipa a khue tih bawmna aka bih thlaang thli oen ah thik at la doengna, oengna, lungna oen ngaimawngna dang hamla yawm lah.

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

2Peter 1:7

Pathen hinyahna dawngah te boenhui angla thintlawhna oen thap uh, boenhui angla thintlawhna dawngah lungna oen thap uh.

3Johan 1:11

Ka lungna ka puei, athe thaihu te oett boel lang atheen thaihu te oett lah. A-u khaw thaihu theen aka sai tah Pathen thlaang la awm; A-u khaw thaihu the aka sai tah Pathen te hu nawh.