1Korin 13:2 - Matu Chin New Testament 2006

² Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

Matu Bible

² Tonghma ol khaw ka dang tih olhuep boeih neh mingnah boeih ka ming, tlang ke puen thai ham tangnah cungkuem ka khueh dae, lungnah ka khueh pawt atah a honghi lam ni ka om.

1Korin 13:2 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 17:20

Jesuh lawng, “Nangmi lawng oengcakna na khueh u nawh dawngah ni, Atak tang kavan thui u, antammu teh maimah oengna na khueh u kawinih nangmi lawng he tlaang he, he kalawng ke la thoeih lah na tina u a tah thoeih ai, nang mi lawng soeprep boeih na sai u thai ai.

Mathai 21:19

Lawngteng kah thaidut thing te a huh tih a kung la cet, a thing dawngah a ram hawng te a huh. Tedawngah thaidut thing te. “Meveng khaw na thaih koep thaih manawh,” tila a tap. Kawlkalh ah thaidut thing te duek rup tih reu pahoei.

Mathai 21:21

Jesuh lawng, “Atak tang kavan thui u, uepvoetna khueh ohla, na oeng u tang tang atah he thaidut thing sawah ka sai he nangmi lawngkhaw na sai thai u van ai. He bueng ohla he kah tlaang Pateng, ‘Thoeih lang tuilii khuila tla lah,’ na tina atah tla thai ai.

Caeltueih 13:1

Antiok khaaw kah khrihcabu khuiah tawngha thli oen cangpueikung thli khatsut tah thoem awm u: Te thli te tah, Barnabas, Simeon (Thlaangmuuem a ti u te), Lucias (Sairin khaw kah), Manaen (ukkungbawi Herod kah thawnpuei) oen ah Sawl, he hue ni.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 15:14

Maya manau thli: Nangmi tah theenna oen na be u, Cuihhoena na khueh u tih pakhat oen pakhat na cang puei patoeng u thai tite kamah roe lawng atheenla ka ming.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

1Korin 11:4

Tedawngah tawngpa lawngah rangpui lawng Pathen a bokna ah a thangthui vengah khaw, Pathen awlthang a phawng vengah khaw a luu te a muui atah Khrih te thaang a the sak.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 13:1

Kai lawngah thlaanghing kah awlcawm awlcee oen vanthlaang awl pateng ka cal thai cakhaw lungna ka khueh nawh atah ka awl-thui he curumngang la awl aka riing mong oen tlaklak awl angla ni a awm mai.

1Korin 13:3

Kai lawngah ka khueh thaihu boeih he khawdeng harah te ka rek ka ra boeih mai tih ka pum he luciik la thawthueng ham ka pe mai cakhaw lungna ka khueh nawh atah kai dawngah atheenna roe awm nawh.

1Korin 13:8

Lungna tah dungyan toela cak. Tawngha awl te thui thaina awm cakhaw kawlkalh ah boeih ai; ming nawh awl cal thaina awm cakhaw boet ai; cuihhoena awm cakhaw khum kang ai.

1Korin 14:29

Thlaang pahih lawng aw, nawh atah pathum lawng aw Pathen awlthang te a thui vetih ahimi kah awl thui te atloe hue lawngah asoeng oen asoeng nawh khaw nai-anawng u seh.

1Korin 14:39

Tedawngah maya manau thli, Pathen awlthang phawng ham te ngaih ngaai u lah, tede ming nawh awl cal te khaw khang u boel.

1Korin 14:4

Ming nawh awl la a cal te tah amah bueng lawng ni a hoeikhangna, tede Pathen awlthang a thui te tah khrihcabu boeih lawng a hoeikhangna.

1Korin 15:51

Awlhuep awltak he hutung u lah: Mami he boeih n'duek u manawh, tede hukhueng koek pengsara te a tum vengah kawlkalh mikkhah palap ah n'thaw u poen ai.

1Korin 16:22

Bawipa te aka lungna nawh thlaang tah kawsi yawkk seh! Marana tha. Kaimi Bawipa, law hawn loeih!

1Korin 4:1

Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

1Korin 7:19

Metihtiah yahhuivuen reet oen reet nawh te n'tu la khaw coengg nawh; Pathen kah awlpeek vai he ni awlpui la a awm.

1Korin 8:4

Tedawngah kutsaimuei tengah a nawn caak awkk kawngah te: kutsaimuei he tah aka awm tangtang nawh thaihu yuengah a khueh u tite mami lawng m'ming u; Pathen pakhat bueng ni a awm tite mami lawng m'ming u.

2Korin 12:11

Thlaangngau angla ni ka thawh ka tat poen he - nangmi lawng kai he nan ngau sak u. Nangmi lawngah ni kai hamla ngaikhuekna na van sai u ham a awm de. Kai he metila khaw ka awm aih nawh de nangmi lawng “Celtuih” na ti u thlaang hue lak ah te soetca khaw ka heem thloei nawh.

Galati 5:16

He tila kavan thui u: Na hingna te Muithla lawngah thuinuet selang tah thlaanghing pumsa kah hue-ngaihna dawngah ngaikhuek thindeeng la awm u boel.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

Ephesa 3:4

Kai lawng ca ka thut te na tae u atah Khrih kah awlhuep kai lawng ka ming tite nangmi lawng na yaakming u thai ai.)

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 1:26

te awlthang te yan veng atah thlaangphun boeih tengah phawng ohla a thuh, tede tahe tah a thlaang thli tengah a phawng poen.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

1Johan 4:8

A-u khaw lungna aka khueh nawhtah Pathen te ming nawh, metihtiah Pathen tah lungna ni.