1Korin 13:13 - Matu Chin New Testament 2006

¹³ Awlpui thaihu pathum awm: te tah oengna, ngaiuepna oen lungna he ni, he thli boeih khuiah lungna he abokoek ni.

Matu Bible

¹³ Tangnah, ngaiuepnah, lungnah, he rhoek pathum he kuei tangloeng coeng. He rhoek khuiah a tanglue tah lungnah ni.

1Korin 13:13 Iomraidhean Croise

Luka 10:27

Te kah thlaang lawngah, “Na Bawipa Pathen te na thinkaw lungbui boeih oen na hingna boeih oen, na tharana boeih oen, na kawpoek boeih oen ah lungna lah,’ ti. Tecoengah ‘namah oen namah te na lungna u van angla na imbe lovaai te khaw lungna van’ ti” a tina.

Luka 22:32

Tede Simon, na oengna te a tlaakna nawh ham ah nang ham ka thangthui. Tecoengah ka tengla koep na maang phai vengah na maya manau thli te tha van ra sak.” a tina.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

1Korin 14:1

Tecoengah lungna he hawna ham yawm u lah. Muithla ben kah kutdo dawngah na thinkaw te khueh uh, awlpuila Pathen awlthang phawngna kutdo te khueh hamla yawm uh.

1Korin 16:14

Na sai boeih te lungna oen sai uh.

1Korin 3:14

Lungdangsuem sawah a sak im lawngah hai te a khoeng atah imsakung lawng kutdo a dang ai.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

1Korin 8:3

Tede Pathen aka lungna thlaang te tah Pathen lawng a ming.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

2Korin 5:15

Khrih lawngah thlaang boeih hamla a duek he tah thlaanghing lawng a hing khuiah amah ham bueng la hing tlaih ohla ahimi ham duek tih aka tho koep thlaang hamla te hing ham ni.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Philipi 1:9

Nangmi lawng atheen koek te na tuek thaina ham, nangmi kah lungna lawng cuihhoena tangtang oen ah nuemnai thaina oen haih a roeng tare hamla ka thangthui.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 1:5

Awlthang Theen asoeng taktak te nangmi teng avan pha cuek vengah ngaiuepna m'peek kawng te nangmi lawng na yaak u. Tedawngah nangmi kah oengna oen lungna tah vaan ram ah nangmi ham a khueh ngaiuepna dawngah akung asut.

Kolosa 3:14

Tecoengah he thaihu boeih sawah lungna oen thap uh, metihtiah lungna lawngtah thaihu boeih he asoepcala pakhatla kang a tingtun tih a roep u sak.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 5:8

Tede mami tah khawthaih thlaang ni, huertuela awm u sih. Mami lawng oengna oen lungna te kahkawng rangphaw la daan u silang tah mami kah ngaiuep thlawnna te thiilumuek la muek u sih.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

2Timothy 1:7

Metihtiah Pathen kah peek Muithla lawngah mami he riyawp thlaang la n'sai nawh; ahih kah Muithla lawngtah mami he huham tharana, lungna, mah oen mah kuemsuemna oen ah m'betoet sak dai.

Hebrew 10:35

Tedawngah na thin hoepp sak boel, thincak thin-awmna lawngah kutdo bo hlang n'huh sak ai.

Hebrew 10:39

Mami tah hu benla aka nawng koep thlaangpal paathaam nawh ni. Mami tah oengna aka khueh tih thlawn la aka awm thlaang ni.

Hebrew 6:11

Nangmi lawng na ngaiuep u te ataktang la acoenggna ham nangmi lawng bawmcem ngaihna thinkaw thluembuekna te aboettoe khueh poe uh tila ka ngaih.

Hebrew 6:19

He ngaiuepna tah mami lawng hingna hamla thiilungdue angla awm. Te ngaiuepna tah mami ham kuepyingna oen ngaimawngna la a awm dawngah vaan tempal bok-im kah baiyaan te a pooengvoelh tih huen ciim koek alungkir la te kuun.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Johan 2:10

A-u khaw a maya manau te a lungna atah aangna khuiah awm tih thlaangtloe thawlh sak ham ahih khuiah tu tehca khaw awm nawh.

1Johan 2:14

Ka ca ka nau thli nangmi lawng Pa te na ming u poen dawngah nangmi tengah he ca he kavan thut. Papa thli, acuekca kalawng aka awm ahih te na ming u dawngah nangmi tengah he ca he kavan pat. Cadawng caloe thli nangmi tah na tha a ra u dawngah nangmi tengah he ca he kavan pat. Pathen awl te nangmi khuiah awm tih Raaibawi te na taa poen.

1Johan 2:24

Tedawngah nangmi lawng acuekca kalawng na yaak u awl te na kaw khuiah khueh uh. Te awl te na khueh u atah Capa oen Pa oen ah pumkhatla nangmi poe na awm u ai.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.

1Johan 3:9

A-u khaw Pathen kah ca-anau la aka awm tengah Pathen kah pumsa tah ahimi dawngah awm tih thawlhna te sai poepa nawh. Metihtiah Pathen tah ahimi kah ana Pa la a awm dawngah ahih lawng thawlhna sai taitu nawh.