1Korin 13:1 - Matu Chin New Testament 2006

¹ Kai lawngah thlaanghing kah awlcawm awlcee oen vanthlaang awl pateng ka cal thai cakhaw lungna ka khueh nawh atah ka awl-thui he curumngang la awl aka riing mong oen tlaklak awl angla ni a awm mai.

Matu Bible

¹ Hlang kah neh puencawn kah olcal, ka cal dae lungnah ka khueh pawt atah rhohum a cai neh tlaklak a kii bangla ka om.

1Korin 13:1 Iomraidhean Croise

Mathai 25:45

Sengpahrang lawng ‘Atak tang kavan thui u: He thlaang huhsit koek timkah pakhat bawm ham na ngaih u nawh te kai nan bawm nan ceem u nawh poen ni,’ a tina ai.

Marku 16:17

Aka oeng thli tah kawpoek rai saina huham te a peek ai; ahimi lawngah ka miing oen raaithe thli te a hek ai; awl thaai la cal u ai;

Rom 14:15

Nang lawng caak awkk pakhat khat oen na maya manau te a kaw na hoe sak nawh atah, te tah lungna dawngkah aka thoeng saina tlaih nawh ni. Ahih hamla Khrih tah a duek dawngah nang kah caak awkk oen ahih te tlim sak boel.

1Korin 12:10

Thlaang pakhat teng atah kawpoek rai saithaina huham tharana te Muithla lawng a peek tih atloe teng atah Pathen awlthang thui thaina kutdo te a peek; tecoengah atloe khat teng atah kutdo thli he Muithla ben kah aka law aw, Muithla ben kah aka law nawh aw tite pekbona ham thoemthaina te a peek. Thlaang pakhat teng atah mingnawh awl cal hamla thoemthaina te a peek tih atloe pakhat teng atah mingnawh awl te thuicaih thaina te a peek.

1Korin 12:16

Tecoengah haa lawngah, “Kai tah mik la ka awm nawh tih pum dawngah ka thuum nawh” ti kawinih te tila a thui dawngah pum dawngkah a beek la a awmna te toeng sak manawh.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 13:8

Lungna tah dungyan toela cak. Tawngha awl te thui thaina awm cakhaw kawlkalh ah boeih ai; ming nawh awl cal thaina awm cakhaw boet ai; cuihhoena awm cakhaw khum kang ai.

1Korin 14:2

Ming nawh awl aka cal thlaang pakhat lawngah thlaangtloe tengah awl thui nawh tih Pathen tengah ni a thui, metihtiah ahih awl te a-u lawngkhaw yaakming pe nawh. Ahih lawng Muithla kah huham tharana rang oen awlhuep awltak te ni a thui.

1Korin 14:4

Ming nawh awl la a cal te tah amah bueng lawng ni a hoeikhangna, tede Pathen awlthang a thui te tah khrihcabu boeih lawng a hoeikhangna.

1Korin 14:5

Nangmi boeih he ming nawh awl la cal sak ham ka ngaih; tede Pathen awl phawngna te na khueh u ham ka ngaih ngaai. Metihtiah Pathen awlthang aka phawngkung tah ming nawh awl aka cal lak ah aphu awm ngaai. Khrihcabu kah hoeikhangna hamla a awl thui te aka letkung a awm nawh atah aphu awm nawh.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

1Peter 4:8

Atloe boeih lak ah pakhat oen khat thinkaw tak oen lung uh, metihtiah lungna lawngtah thawlhna boeih te a khuk a dah dawngah ni.

2Peter 2:18

Ahimi lawng oekthloenna oen awlpoei awlpit te a thui u tih, thawlhpalhna aka ceh taak pek thlaang thli te tuukna ham asoeng nawh pumsa hue-ngaihna te a hawna.

Olphong 14:2

Khawhumm awl angla liksaituitlaak awl angla aka riing, vaan kah awl pakhat te ka yaak. Te awl tah tingtoeng aka tum thai thli kah tingtoeng awlding oen lo u.