1Korin 12:8 - Matu Chin New Testament 2006

⁸ Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

Matu Bible

⁸ Pakhat te Mueihla loh cueihnah olka a paek tih, a tloe taengah Mueihla amah loh mingnah olka khaw,

1Korin 12:8 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Caeltueih 6:3

Tedawngah maya manau thli, Cuihna oen Ciim Muithla oen ah aka betoet namami timkah thlaang pasarih ah tuek uh, ahimi te he kah thaihu kawng khawkhankung la ka khueh u ai.

Rom 15:14

Maya manau thli: Nangmi tah theenna oen na be u, Cuihhoena na khueh u tih pakhat oen pakhat na cang puei patoeng u thai tite kamah roe lawng atheenla ka ming.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

1Korin 1:5

Metihtiah Khrih oen pumkhatla awmna rang oen ah awlcal thingkaa oen thoemthai cuihna boeih ah khaw soeprep boeih ah na bawireng soeh u poen.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 13:8

Lungna tah dungyan toela cak. Tawngha awl te thui thaina awm cakhaw kawlkalh ah boeih ai; ming nawh awl cal thaina awm cakhaw boet ai; cuihhoena awm cakhaw khum kang ai.

1Korin 14:26

Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

1Korin 14:6

Tedawngah maya manau thli, nangmi tengla ka law vengah mingnawh awl la ka cal kawinih nangmi hamla kai he hoeikhangna awm ai aw? Awm tang manawh! Pathen tengkah awlphawng pakhat mai khaw, cuihna mai khaw, tawngha kah awlthang mai khaw, cangpueina mai khaw kavan khuen nawh atah nangmi ham hoeikhangna awm nawh.

1Korin 2:11

Thlaang pakhat kah a kawng alam he amah khuiah aka awm a muithla bueng lawng ni a ming; tetih van angla Pathen kawng he khaw Pathen Muithla bueng lawng ni a ming.

1Korin 2:16

Caciim lawngah, “Bawipa thinkaw te a-u lawng a ming? A-u lawngah ahih te poekna a peek thai ai?” tila a thui. Tecakhaw kaimi tah khrih kah thinkaw te ka khueh u.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 11:6

Kai he awlcal thingkaa tah ka thoem nawh mai ai, tede mingna ben tangtang atah ka voet roe nawh; He he nangmi tengah acaihla mevengah khaw thaihu soeprep ah kavan tueng sak u poen.

2Korin 2:14

Tecakhaw Pathen tengah thang-theenna awm hawn seh! Metihtiah Khrih oen pumkhat la awmna rang oen ah Khrih kah taana ah aka cet thlaangping tim ah thongtla thlaang angla Pathen lawng mami he m'mawt u. Khrih kawng mingna te riimtuui baw angla ram tawm ah a puungna ham mami he Pathen lawng n'hawna.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

2Korin 6:6

Kaimi lawng thinkaw ciimna, cuihhoena, kawdawna, reenna oen ah khaw, Ciim Muithla rang oen ah, lungna tang tang oen ah khaw,

2Korin 8:7

Nangmi tah oengna, awlthuina, cuihhoena, thlaangtloe bawm ngaihna thinkaw, kaimi nan lungna thinkaw oen ah te na bawi u tangkiik mai. Tedawngah ni he lungna bii dawngah khaw thinkaw aka tho thlaang la na awm u van ham ka ngaih u.