1Korin 12:18 - Matu Chin New Testament 2006

¹⁸ Tede Pathen lawngtah pum dawngkah a beek thli he amah lawng a khueh ngaihna ah atloetloela a khueh.

Matu Bible

¹⁸ Tedae pumrho te Pathen loh rhip a khueh coeng. Amih pakhat rhip pum dongkah ham ngaih ta.

1Korin 12:18 Iomraidhean Croise

Luka 10:21

Tevengah te Ciim Muithla lawng Jesuh te awmngaihna oen a betoet sak tih, “A Pa, vaan oen dilai kah Bawipa! Nang lawng thlaangcuih oen thoemthaina aka khueh thlaang thli tengah na tueng sak nawh tih na thuh te thoemthaina aka khueh nawh thlaang thli tengah na tueng sak poen dawngah kan uem tangkiik. A Pa, he tila coengg sak ham namah lawng na ngaih roe ni.” tila a thui.

Luka 12:32

“Rih u boel, metihtiah nangmi te na Pa lawng Vaan Ram peek ham a ngaih.

Rom 12:3

Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

Rom 12:6

Tedawngah kutdo aphun tloetloe n'dang rip u tah Pathen kah peek lungvatna kutdo n'dang taring ah hawna u sih. Pathen kah awl te thui thaina kutdo te n'dang u atah oengna n'khueh taring ah hawna ham awm;

1Korin 12:11

Tede he thaihu boeih he aka saikung tah Muithla pakhat lawng ni a sai; amah kawngaih la thlaang pakhat rip te kutdo atloetloe a peek.

1Korin 12:17

Pum boeih he mik la awm biit kawinih metila awl te n'yaak thai ai? Tecoengah haa bueng la awm boeih kawinih abaw-ava te metila huuem thai ai?

1Korin 12:19

Pum he a beek pakhat bueng la awm kawinih pum la te awm thai manawh!

1Korin 12:24

aka theen tangte a beek thli te tah thoei acaam hamla ngoe nawh. Te kah a beek thli lawng hinyahna te a dang tarena ham te tila te Pathen amah lawng pum he te tila a sai.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 15:38

Pathen lawng te kah amu-ati te amah kawngaih la akung te acoeng sak; ati-amu boeih te amami kah akung te rip a peek.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

Ephesa 1:5

Jesuh Khrih rang oen mami he a ca la sai ham Pathen tah cai oepsoeh poen, te tah amah kah awmngaihna oen a kamthlahna ni.

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Olphong 4:11

“Kaimi kah Bawipa oen Pathen! Nang lawngah ruep-awmna, hinyahna oen huham tharana te dang hamla tuueng ta-ngak, Metihtiah soeprep thaihu he nang lawng na sai tih na kawngaih angla, te thli te na awm sak tih na hing sak,” tila a thui u.