1Korin 12:13 - Matu Chin New Testament 2006

¹³ Tetih van angla mami boeih he tah Judah oen Gental thlaang khaw, sal oen thlaangcuem khaw, Muithla pakhat lawng pum pakhat dawngah baptisma m'peek tih awkk koeila Muithla pakhat te ni mami m'peek u.

Matu Bible

¹³ Mamih khaw, Judah rhoek khaw, Greek rhoek khaw, Sal khaw, aka loeih khaw mueihla pakhat dongah pum pakhat la boeih n'nuem uh. Te dongah mueihla pakhat la boeih n'tul coeng.

1Korin 12:13 Iomraidhean Croise

Mathai 3:11

Thawlhna na yut poen tite tuengna ham kai lawngtah tui oen Baptisma kan peek u. Tede kai hu ah aka law thlaang lawngtah Ciim Muithla oen hai oen ah Baptisma m'peek u ai. Ahih tah kai lak ah lenduet tih kai tah ahih kah khawmuek pawm ham pateng ka koeih nawh.

Luka 3:16

Tedawngah Johan lawng ahimi nala te, “Kai lawngtah tui oen ah baptisma kan peek u, tede thlaang pakhat kai lak ah aka lenduet te law ai. Kai tah ahih kah khawmuek rui Pateng thlam pe hamla ka mueinai nawh. Ahih lawngtah nangmi te Ciim Muithla oen hai oen ah baptisma m'peek ai.

Johan 1:16

Amah kah abetoet lungvatna khui kalawng yotheen kam-awmna khat coeng khat te mami m'peek.

Johan 1:33

Ahih te a-u ti khaw ka ming nawh, tede tui oen ah baptisma peek hamla tuihkung Pathen lawngah ‘Muithla te va rum thuk vetih thlaang pakhat sawah a cuuk te na huh ai; ahih te tah Ciim Muithla oen baptisma pekung ni tite na ming ai,’ ti.

Johan 3:5

Jesuh lawng, “Awltak tang kavan thui, a-u khaw tui oen muithla oen ah a thang nawh atah Pathen Ram khuiah kuun thai manawh.

Johan 4:10

Jesuh lawng, “Pathen kah peek lungvatna tila doek na ming mai tih nang tengah tui aka bih he a-u tite na ming kawinih, ahih tengah te na bih vetih ahih lawng hingna tui te m'peek ai.” a tina.

Johan 4:14

tede, a-u khaw kai lawng ka peek tui te aka aw tah tui hall koep tlaih manawh.” a tina.

Johan 6:63

Hingna pekung tah Pathen Muithla ni; thlaanghing tharana tah a poei ni. Nangmi tengah kavan thui awl lawngah hingna aka pe Pathen Muithla te avan law puei.

Caeltueih 1:5

Johan lawngtah tui oen baptisma te a peek, tede khawhin meyoeh khaw a awm aih thlan ah Ciim Muithla oen baptisma te na dang u poen ai.” tila a thui pe.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

Rom 3:29

Pathen he Judah thlaang thli bueng kah Pathen la awm aw? Gental thlaang thli kah Pathen la tah awm nawh aw? Gental thlaang thli kah Pathen la khaw awm.

Rom 4:11

Abraham lawng thlaangdoeng la a awm coengah yahhuivuen a reet, ahih kah yahhuivuen reet he tah a oengna rang oen Pathen lawng thlaangdoeng la a pawm te a tuengna ham miknoek ni. Tedawngah yahhuivuen reetna ohla Pathen a oengna rang oen Pathen lawng thlaangdoeng la a pawm thlaang boeih kah Muithla ben ah Abraham tah Pahaam la awm.

1Korin 10:2

Ahimi lawngah Mosi kah hubang la muui oen ah tuitunlii khuiah baptisma a dang u.

Galati 3:23

Tede, oengna atue atang te avan pha thlan vengah Phungawl lawngah te thongtla thlaang angla ng'uup khak tih n'khawh roep; te tah oengna te a tueng thlantoe ni.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Ephesa 4:5

Bawipa pakhat, oengna pakhat, baptisma pakhat awm:

Ephesa 5:26

Ahih lawngah he tila a sai, khrihcabu te tui oen aciimla a silh coengah a awl oen Pathen tengah a peek.

Ephesa 6:8

Bawipa lawngah thlaang boeih he sal khawseh, thlaangcuem khawseh, amami kah atheen saina dawngah kutdo a peek ai tite poek uh.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 3:11

Te tila mingna dawng atah Gental oen Judah, yahhuivuen reet oen reet nawh, thlaangngau paathuu, n'tu khaw aka ming nawh thlaang, sal oen thlaangcuem tila ahimi laklaw ah pekbona awm tlaih nawh; Khrih tah soeprep tih soeprep dawngah Khrih tah awm.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.