1Korin 12:10 - Matu Chin New Testament 2006

¹⁰ Thlaang pakhat teng atah kawpoek rai saithaina huham tharana te Muithla lawng a peek tih atloe teng atah Pathen awlthang thui thaina kutdo te a peek; tecoengah atloe khat teng atah kutdo thli he Muithla ben kah aka law aw, Muithla ben kah aka law nawh aw tite pekbona ham thoemthaina te a peek. Thlaang pakhat teng atah mingnawh awl cal hamla thoemthaina te a peek tih atloe pakhat teng atah mingnawh awl te thuicaih thaina te a peek.

Matu Bible

¹⁰ a tloe taengah thaomnah kah pongthohnah, a tloe taengah tonghma ol, a tloe taengah mueihla kah boelhkhoehnah, a tloe te namtom ol, pakhat te ol a kongnah a paek.

1Korin 12:10 Iomraidhean Croise

Marku 16:17

Aka oeng thli tah kawpoek rai saina huham te a peek ai; ahimi lawngah ka miing oen raaithe thli te a hek ai; awl thaai la cal u ai;

Marku 16:20

A hubang thli lawng cet u tih peng tawm ah awlthang a thui u, Bawipa tah ahimi tengah bii a bi tih ahimi lawng a thui he soeng tite kawpoekrai saina oen a tueng sak u.

Luka 24:49

Kamah roe lawngah a Pa lawng avan kam te nangmi tengah kavan tuih ai. Tede asawben kah tharana te nangmi tengah a law thlantoe tah khawpui khuiah te ring uh.” a tina.

Johan 14:12

Awltak kavan thui u, a-u khaw kai he aka tangna lawngtah kai lawng ka sai he a sai van ai, thaihu alentloe Pateng khaw a sai ai, metihtiah kai tah Pa tengla ka ceh ham a awm poen dawngah ni.

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Caeltueih 11:27

Teveng yunyan ah tawngha khatsut te Jerusalem kalawng Antiok la cet u.

Caeltueih 11:28

Akabas aka miingna ahimi timkah thlaang pakhat te pai tih dilai pum ah he khawthe khawkha awm ai tila Muithla kah huham tharana oen oepsoehla a thui. (Klaudias te sengpahrang sangluel la a awm vengah khawthe khawkhana te awm.)

Caeltueih 19:6

Pawl lawng ahimi sawah a kut a tloeng atah Ciim Muithla te ahimi sawah va law; ahimi lawngah ming nawh awl la cal u tih Pathen awl te khaw a phawng u.

Caeltueih 5:3

Piter lawng ahih nala, “Ananias, n'tu ah na thinkaw te Seitan na uk sak, na khueh toen na yoeih thaihu phu te namah ham na paih thoem tih Ciim Muithla te na thai na lat na?

Rom 12:6

Tedawngah kutdo aphun tloetloe n'dang rip u tah Pathen kah peek lungvatna kutdo n'dang taring ah hawna u sih. Pathen kah awl te thui thaina kutdo te n'dang u atah oengna n'khueh taring ah hawna ham awm;

Rom 15:19

kawpoek rai saina oen khawseh, kawpoek rai tharana oen khawseh, Pathen Muithla tharana oen khawseh, Khrih kah a sai bueng te ni raltheenla ka thui ai.

1Korin 11:4

Tedawngah tawngpa lawngah rangpui lawng Pathen a bokna ah a thangthui vengah khaw, Pathen awlthang a phawng vengah khaw a luu te a muui atah Khrih te thaang a the sak.

1Korin 13:8

Lungna tah dungyan toela cak. Tawngha awl te thui thaina awm cakhaw kawlkalh ah boeih ai; ming nawh awl cal thaina awm cakhaw boet ai; cuihhoena awm cakhaw khum kang ai.

1Korin 14:13

Tedawngah ming nawh awl aka cal thlaang lawngah amah kah awl thui kutdo te thuicaih thaina ham thangthui seh.

1Korin 14:39

Tedawngah maya manau thli, Pathen awlthang phawng ham te ngaih ngaai u lah, tede ming nawh awl cal te khaw khang u boel.

Galati 3:5

Pathen lawng nangmi te Muithla m'peek u tih nangmi tim ah kawpoek rai a sai te, Phungawl lawng a kuek te na sai u dawngah aw, te tihnawhtah awlthang theen te na yaak u tih na tangna u dawngah aw?

1Thessalonika 5:20

Muithla kah bawnghorhna oen a thui awl te ngaai lakna ohla awm boel.

Hebrew 2:4

Te tila te ahimi kah sausi te soeng tila a tuengna ham Pathen lawngah miknoekna oen kawpoekrai phun soeprep te a sai tih Ciim Muithla kah kutdo thli te amah kawngaih angla a rek ara.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

Olphong 2:2

Kai lawng na sai boeih te ka ming; Metila thatlawh boep la bii na bi tih kawdaw oen na awm te khaw ka ming. Nangmi lawng thlaangthe sawah Khawdawp na ngaai thai nawh te ka ming tih celtuih la awm nawh de celtuih la ka awm aka ti te na noek na dak u tih, thlaangthaipalat ni tila na huh u te ka ming.