1Korin 11:19 - Matu Chin New Testament 2006

¹⁹ (Asoengna ben ah aka awm thlaang thli te aciimla huhna ham ah nangmi tim ah pekbona a awm te soeng mai.)

Matu Bible

¹⁹ Te dongah nangmih ah buhlaelh khaw a om ham a kuek. Te daengah ni nangmih khuikah ueppang hlang te khaw mingpha la a om eh.

1Korin 11:19 Iomraidhean Croise

Mathai 18:7

Dilai dawngah thlaanghing kah oengna aka phelh sak thaihu yahawh hlang a awm dawngah rih ham awm tangkiik. Te ang thaihu te awm ngaikhoek ai, tede te tila thlaang kah oengna aka phelh sak thlaang ham tah caalla khawmap tangkiik!

Luka 17:1

Jesuh lawng a hubang hue tengah, “Thawlhna khuiah thlaang aka tlaak sak thaihu thli awm ngai khoek ai, tede te ang tlaakna te aka sai thlaang thli ham tah khawmap tangkiik!

Luka 2:35

te tila a thui u dawngah amami kah ahuepla poekna boeih te tueng ai. Tecoengah samsen aka hatt angla na kawthena lawng na lungbui te avan thun ai.” a tina.

Caeltueih 15:5

Tede Farasi benla aka awm oengca thli khatsut lawng pai u tih, “Gental thlaangphun lawng yahhuivuen reet u selang tah Mosi kah Phungawl he vai u seh tila thui pe ham awm” tila a thui u.

Caeltueih 20:30

Namami tim kah thlaang khatsut lawngah oengca thli te amami ben la mawt ham a ngaih dawngah hoem awl a thuina atue te a pha ai.

Caeltueih 24:14

Ka sai tangtang tila nang tengah ka thui tah he ni: Ahimi lawng soeng nawh a ti u, Lawngpui te ka vai tih kamami patuer hue kah Pathen te ka bok. Tede kai lawngkhaw Mosi kah Phungawl oen tawngha thli kah cabu dawng a thut boeih te ka tangna. Thlaangthe khaw, thlaang theen khaw, duekna kalawng tho koep ai tite ahimi angla kai lawngkhaw ka ngaiuep van.

Caeltueih 24:5

Kaimi lawng he kah thlaang he thlaang teekyaakkung la ka huh u: ahih lawng he dilai pum kah Judah thlaang thli tengah awlpuungna a sai tih Nazarin bu kah mawtkung la awm,

Caeltueih 26:5

Ahimi lawng kai he asan hlang m'ming u poen, acuekca veng kalawng kai tah kamami kah bokna ben ah arai koek Farasi thlaang pakhat la ka awm te a ngaih u atah a thui u thai.

Caeltueih 28:22

Tede peng tawm ah he bu he athela a thui u dawngah namah kah poekna te kaimi lawng yaak ham ka ngaih u.” a tina.

Caeltueih 5:17

Tecoengah Khawsoeih Bawi oen a paya boeih, te kah aka awm Sadusi thlaang boeih lawng celtuih thli te a uett aham u; tedawngah ahimi lawng thaihu pakhat khat sai hamla awl a khueng u.

1Korin 11:20

Nangmi lawngah thik at la na pum u vengah nangmi lawng na caak na awkk u te Bawipa Thlembuh nawh ni.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

Galati 5:20

Kutsaimuei bokna oen runkhuenna, thlaang ruunna, khat oen khat thina, tawhsina; uett-eena, thinsana, loehlangna, athloekla phengterna, bu pekbona;

Titus 3:10

Pekbona aka sai thlaang te ayawlkoek ah voei hih ngaaithuenna pe lang tecoeng atah ngaaina tlaih boel.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.