1Korin 10:14 - Matu Chin New Testament 2006

¹⁴ Tedawngah ka lungna ka puei thli, kutsaimuei te bok u boel;

Matu Bible

¹⁴ Te dongah ka thintlo rhoek mueibawknah lamloh rhaelrham uh laeh.

1Korin 10:14 Iomraidhean Croise

Caeltueih 15:20

Te lak atah, kutsaimuei bokna ah a nawn u dawngah phung alam ben ah aka caih nawh caak awkk te caak nawh ham; hutaa oen tawngpa thawlhna dawngah kuemsuem ham, rawn khak ramsa te caak nawh ham, sathi khaw caak nawh hamla ca mah pat pe u sih.

Rom 12:19

Ka puei thli mevengah khaw luu lo u boel, te lak atah Pathen thinsana lawng sai ngoen seh. Caciim lawngah, “Kai lawng luu ka lo ai, kai lawngah kut ka thung ai, Bawipa lawng ti,” tila a thui.

1Korin 10:15

Nangmi tah kaw aka poek thai thlaang la na awm u dawngah ni kavan thui u; kavan thui he namami lawng pekthlee uh.

1Korin 10:19

He tila ka thui he kutsaimuei, tihnawhtah kutsaimuei tengah a nawn caak awkk te atheenna khaw awm van tila ka thuingaihna aw?

1Korin 10:7

ahimi timkah thlaang vaang lawng kutsaimuei te a bok u angla mami lawngtah bok nawh ham ngaithuen sakna ni. Caciim lawngah, “thlaang thli lawng caak awkk hamla poei ah te ngawl u tih yuu awkkna, cuk-halh thawlhna poei la te a coengg sak u.” tila a thui.

1Korin 5:11

Ka thuingaihna tah khrihca la ka awm ti van de thlaanghalh paadak, apueh asawm aka ngaih moek, kutsaimuei aka bok, thlaang thuitheet thlaang, yuuruui thlaang, thlaanghuuen paacaan thlaang la aka awm hue oen ah pawlneeng haih u boel tila ka thuingaihna ni. Te ang thlaang oen tah caak awkk ham pateng ngawl haih u roe boel.

2Korin 11:11

Nangmi te kan lungna nawh dawngah aw he tila ka thui? Nangmi kan lungna te Pathen lawng a ming!

2Korin 12:15

Nangmi bawmna ham tah ka khuehtoen boeih oen ka pum he khaw awmngaihla hawna ham ka ngaih. Nangmi te kan lungduetna dawngah kai nan lungna u te phoen ai aw?

2Korin 12:19

Nangmi haiah kamami kah thlip adahna hamla a yawm puet tila khaw nan poek u mai ai. Tetih nawh ni! Khrih lawngah kaimi thui sak hamla a ngaih angla te Pathen haiah ka thui u, ka lungna ka paya thli, kaimi lawng ka sai boeih he nangmi bawmna ham ni ka sai u.

2Korin 6:17

Tedawngah Bawipa lawng, “Nangmi lawng ahimi te ceh taak u lang ahimi teng kalawng athloekla thloeng uh. Nangmi lawng aka ciim nawh te ahimi oen sai haih u boel, te atah nangmi te kan do ai.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Philipi 4:1

Tedawngah ka lungna maya manau thli, kan lungduetna u tih kan ngaai u tangkiik! Nangmi kawngah ka kaw hoe tih ka awmngaih tangkiik! Ka lungna maya manau thli, Bawipa dawng na hingna ah te acakla pai uh.

Philemon 1:1

Khrih Jesuh kawngah thongtla kai Pawl oen mami kah manau Timote lawng puei paw oen bii bi haih la aka awm Filemon oen,

Hebrew 6:9

Ka paya thli he tila nangmi tengah awl kavan thui de nangmi kawngah ka ngai mawng, nangmi lawng yotheen kam-awmna atheen ngaai thlawnna na khueh u te kaimi lawng ka ming.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

1Johan 5:21

Ka ca ka nau thli aka soeng nawh pathen thli teng kalawng tloeng u lah.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 2:14

Tede na sawah ka kaw a lawna nawh thaihu ayawlca awm: te tah nangmi tim ah Balaam kah cangpueina aka vai thlaang khatsut awm; Israel thlaangphun te thawlhna khuila mawt ham kutsai-muei thawthuengna caak awkk te caak ham hutaa tawngpa thawlhna oen ah thawlh hamla Balaam lawngah Balak te a cang puei.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.