1Korin 1:9 - Matu Chin New Testament 2006

⁹ A Capa Jesuh Khrih mami Bawipa oen pawlneeng haih hamla khuekung Pathen tah uep-awm ni.

Matu Bible

⁹ Uepom Pathen amah loh a capa Jesuh Khrih, mamih boeipa kah rhoinaengnah khuila ng'khue.

1Korin 1:9 Iomraidhean Croise

Mathai 24:35

Vaan oen dilai tah khum boeih ai, tede ka awl tah meveng khaw khum manawh.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Rom 11:17

Olif thingkung a liing u a beek thli khatsut te a tloek u tih te kah thingngaw dawngah te olif thingkung rawlrap a beek thli te oen a cong u. Te tila nangmi Gental thlaangphun khaw olif thing rawlrap angla na awm u tih, tahe tah Judah thlaangphun thli kah muithla ben hingna tharana te na bawn u van poen.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

Rom 8:30

Tedawngah Pathen lawng athloekla a thloeng thlaang thli te a khue; te tila a khue thlaang thli te amah oen a roep u sak tih a ruep-awmna te khaw a paang sak.

Rom 9:24

Mami tah a thlaangkhue la ng'awm u, Judah thlaangphun timkah bueng nawh tih Gental thlaangphun timkah khaw a khue.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

1Korin 10:13

Nangmi sawah aka law noekna te thlaang boeih tengah aka thoeng noekdakna van mai ni. Tede Pathen tah awlkam cak tih nangmi lawng na taa thai nawh toe atah noekna te van thoeng sak aih manawh; nangmi tengah noekdakna avan pha vengah ueh thaina ham tharana te m'peek vetih loeihna hamla lawngpui avan roek ai.

1Korin 10:16

Mami lawng Pathen tengah awmngaih ciil n'thui tih Bawipa Thlembuh veelna ah boengloeng n'hawna tih te khui-kah misurtui n'awkk te Khrih thisen dawngah mami n'cuutna ni. Tecoengah mami lawng takawi te n'eh tih n'caak u te mami lawng Khrih pum dawngah cuutna ni.

2Korin 1:18

Pathen tah uep-awm la awm tih awltak a thui angla nangmi tengkah ka awlkam he khaw, “Oeih,” ti oen ah, “Nawh ni” tila kawpoek thlumthle awl nawh ni.

Galati 1:15

Tede Pathen lawng a lungvatna oen ah ka thang thlan veng kalawng n'tuek poen tih amah kah bii bi hamla n'khue.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 2:13

Mami lawng uep-awm la n'awm nawh cakhaw Ahih tah uep-awm la awm yoeyah, metihtiah ahih tah amah oen amah te thai-alat u thai nawh.”

Titus 1:2

Mami kah bokna tah dungyan hingna ngaiuepna dawngah kung a sut. Hoem awl aka thui nawh, Pathen lawng dilai a suen thlan veng kalawng he hingna he mami peek ham awl a kam poen tih;

Hebrew 10:23

Awlkam aka cak Pathen tah uep-awm la a awm dawngah mami lawng ngaiuepna n'khueh u te acakla phoeih mangkhak u sih.

Hebrew 11:11

Abraham tah patawng aih poen tih Sarah khaw ca-anau khueh thai nawh koeila awm poen de, Abraham he pahaam la aka sai tah oengna ni. Pathen lawngtah a awlkam te a sai ai tila a oeng mangkhak.

Hebrew 2:17

Tedawngah soeprep boeih ah maya manau angla awm ham roe la angoe tih te tila a awm te tah thlaang boeih kah thawlhna te khawdawp ngaai hamla Pathen bii a bina ah uep-awmna oen reenna aka khueh Khawsoeih Bawi la awm ham ni.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

Hebrew 6:18

Tecoengah, he thaihu pahih awlkamna oen awltaap he tah thlauh thai koei nawh tih he kawngah Pathen lawng a hoem thui thai nawh. Tedawngah amah tengah ngaimawng ngaitoela aka awm mami lawng, mami haiah avan toen ngaiuepna te acakla phoeih ham n'tha thlue u.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.

1Johan 4:13

A Muithla te mami m'peek poen dawngah mami tah Pathen oen pumkhatla ng'awm u tih amah khaw mami oen pumkhatla awm tite aciimphanla m'ming u.

Olphong 19:11

Tecoengah vaan aka awng u te ka huh tih, te ah te marang bawk pakhat awm. Te marang bawk aka cit te tah Uep-awm oen Awltak a miingna; doengna oen awl a cek tih ceemraal khaw a tloek.