1Korin 1:8 - Matu Chin New Testament 2006

⁸ Mami Bawipa Jesuh Khrih khawhin ah cawttbauh kap awm nawh hamla amah lawng aboet toela nangmi te n'cak sak ai.

Matu Bible

⁸ Nangmih khaw mamih Boeipa Jesuh Khrih kah khohnin ah a bawt due amah loh cimbit la n'cak sak bitni.

1Korin 1:8 Iomraidhean Croise

Luka 17:24

Thlaanghing Capa kah khawhin tah khaw thlap apha vengah khawhi-mikboet akhatben kalawng khatben toe ah a aangna lawng a thue rawngtheng angla te awm ai.

Luka 17:30

Thlaanghing Capa kah khawhin a thoeng vengah khaw te tila awm van ai.

Rom 14:4

Nang ta a-u la na awm aih tih thlaangtloe kah tuihyoeihthlaang te awl na cek thai? Te tuihyoeihthlaang lawng a bi thai, bi thai nawh tila awl-khuengkung tah amah kah Bawipa te ni. Ahih lawng a bi thai ai, metihtiah Bawipa lawng a bi sak thai ai.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 8:19

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

1Korin 3:13

Ahimi pakhat rip kah biibi thoemthaina te tah Khrih Khawhin ah tueng peng vetih n'huh ai. Metihtiah te Khawhin atah thlaang boeih kah biibi te hai oen ah a tueng sak ai; hai oen ah a noek adak vetih thoemthaina taktak te tueng ai.

1Korin 5:5

Bawipa khawhin ah a muithla lawng thlawnna a dangna ham a pum te phe hamla te thlaang te Seitan kut ah pe uh.

2Korin 1:13

Ca kavan thut u he tah nangmi lawng na tae thai tih na yaakming thai koei ni kavan thut.

2Korin 1:14

Tede tahe ah nangmi lawng kaimi nan ming u he tah avaang-athal mai ni, nangmi lawng kaimi he asoep heet la nan ming u ngai ai tila ka ngaiuep, mami kah Bawipa Jesuh Khawhin atah nangmi lawng na thangpawmna u tah kaimi vetih, kaimi lawngkhaw ka thangpawmna u tah nangmi van ai.

2Korin 1:21

Kaimi oen nangmi he thik at la a sai tih Khrih oen ah pumkhatla aka hing sak tah Pathen amah ni; mami he athloekla aka thloeng tih,

Ephesa 5:27

Te tila khrihcabu tah atheenna boeih boeih oen aka awm tih thawlhna aka awm nawh, atloe soepna nawh oen angaw-aha, aru-arii oen cawttbauh aka awm nawh la te amah tengah peek ham angaih dawngah ni.

Philipi 1:10

Te dengah ni Khrih Khawhin ah ciimna nawh boeih oen thawlhpeelna boeih kalawng na loeih u ai.

Philipi 1:6

Tedawngah nangmi tim ah he ang bii theen aka tongkung Pathen lawng Khrih Jesuh Khawhin a pha toe he bii he a bi poe ai tila ka tangna.

Kolosa 1:22

Tede tahe tah a Capa kah thlaanghing pumsa la a duekna rang oen Pathen lawng amah paya theen la n'sai poen. Te tila a sai he tah amah haiah nangmi te ciimcaih tih cawttbauh aka kap nawh la lawh ham ni.

Kolosa 2:7

Amah khuiah na yung te adungla thlaak langtah amah dawngah na hingna te im angla sa u lang nangmi te n'cang puei u poen angla na oengna te cak sak u lah. Tecoengah awmngaih ciil thuina oen betoet uh.

1Thessalonika 3:13

He tila nangmi te amah lawng tha avan ra sak vetih Bawipa Jesuh amah kah thlaang boeih oen a law vengah nangmi tah Pa Pathen haiah thlaangsoep thlaangciim la na awm u ai.

1Thessalonika 5:2

Metihtiah Bawipa a lawna Khawhin tah khawyiin ah thlaanghuuen angla law ai tite nangmi lawng atheenla na ming u.

2Thessalonika 2:2

yoeikooek doek la na kawpoek thumhang sak u boel, Bawipa kah Khawhin tah law coeng poen tila aka thui thli kah awl lawngkhaw nangmi te khup plet la n'sai u boel seh tila kan uen u. Te tila a thui awl te thlaang khatsut lawng kaimi kah thuisut awl angla khaw seh, kaimi kah cathut awl angla khawseh a poek u mai ai.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 1:18

Te khawhin ah Bawipa lawng ahih te reen hawn seh! Efesa khaaw ah kai ham metihtlukla bii a bi tite nangmi lawng atheenla na ming u.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

2Peter 3:10

Tecakhaw Bawipa Khawhin tah thlaanghuuen angla law ai. Te Khawhin atah vaan lawng vupaang awl oen auh ai, vaan khawhi kah aka awm boeih khaw ung vetih a phe boeih ai, dilai oen dilai dawng aka awm boeih te kawlkalh ah auh poen ai.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.