1Korin 1:6 - Matu Chin New Testament 2006

⁶ Khrih kawng awlthang te nangmi kaw khuiah acakla awm poen tih,

Matu Bible

⁶ Khrih kah laipai tah nangmih ah cak pataeng coeng.

1Korin 1:6 Iomraidhean Croise

Marku 16:20

A hubang thli lawng cet u tih peng tawm ah awlthang a thui u, Bawipa tah ahimi tengah bii a bi tih ahimi lawng a thui he soeng tite kawpoekrai saina oen a tueng sak u.

Caeltueih 11:17

Mami lawng Bawipa Jesuh te n'tangna vengah mami m'peek kutdo te ang van te Gental thlaang thli khaw Pathen lawng a peek van ti he tah ciim mai poen; tedawngah kai he a-u la ka awm aih tih Pathen te ka oel khak lal thai ai!’ tila a thui pe.

Caeltueih 11:21

Bawipa kah huham tharana tah ahimi tengah awm tih thlaang toek lek nawh lawng a tangna u tih Bawipa benla a kaw a thaw u.

Caeltueih 18:5

Macidonia kalawng Silas oen Timote avan pha hih atah Pawl lawng atue atang boeih te awlthang phawngna ham a hawna tih Jesuh tah Messiah ni tila Judah thlaang thli teng ah acairaula a thui pe.

Caeltueih 20:21

Pathen haiah na thawlhna yut tih mami kah Bawipa Jesuh te na tangna u ham Judah thlaang oen Gental thlaang khaw avan at la ngaithuenna rep kan peek u poen.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 22:18

te kah huhthlaam dawngah Bawipa te ka huh tih ahih lawngah, ‘He kah aka awm thlaang thli lawng kai kah kawng alam na thui he a do u nawh dawngah Jerusalem he ceh taak loeih, uelh tlaih boel.’ tila avan thui.

Caeltueih 23:11

Te kah khawyiin ah te Bawipa tah Pawl tengah pai tih, “Rih boel! Jerusalem ah he kai ham sausi la na pai angla Rom khawpui ah khaw he tila na pai hun ai.” a tina.

Caeltueih 28:23

Tedawngah ahimi lawng Pawl oen khawhin a tuntah u tih thlaang broe te tuntahna khawhin ah Pawl a pahna im la te cet u. Mincang kalawng thlemben toe Pathen ram kawng awlthang te a thui pe, tecoengah tawngha thli kah cathut oen Mosi Phungawl khuikah te athoel alaang pe tih Jesuh kawng te ahimi lawng a yaakming na ham a thui pe.

Rom 15:19

kawpoek rai saina oen khawseh, kawpoek rai tharana oen khawseh, Pathen Muithla tharana oen khawseh, Khrih kah a sai bueng te ni raltheenla ka thui ai.

2Korin 12:12

Celtuih pakhat la ka awmna te nangmi tengah kawdaw thinsanna oen kawpoekrai miknoekna, kawpoekrai thaihu yahawh hlang saina oen ka tueng sak poen.

Galati 3:5

Pathen lawng nangmi te Muithla m'peek u tih nangmi tim ah kawpoek rai a sai te, Phungawl lawng a kuek te na sai u dawngah aw, te tihnawhtah awlthang theen te na yaak u tih na tangna u dawngah aw?

2Thessalonika 1:10

a lawna khawhin ah ahimi tah Bawipa teng kalawng ah thek u boeih ai. Nangmi tah kaimi lawng ka phawng awlthang te na tangna u dawngah Bawipa te ruep-awmna oen hinyahna aka pe thlaang thli tim ah na thuum u ai.

1Timothy 2:6

Te tah atue atang apha khuek vengah Pathen lawng thlaang boeih thlawn ham a ngaih te tueng sakna ni.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

Olphong 1:2

Johan lawng a huh thaihu boeih te a thui. Pathen tengkah awlthang oen Jesuh Khrih lawng a phawng awltak tah he ni.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 12:17

Ruultluung tah hutaa sawah te a thin sa soeh tih hutaa kah cadil aka deem hue, Pathen kah awlpeek boeih aka vai oen Jesuh lawng a phawng awltak acakla aka phoeih boeih te teek hamla cet.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.

Olphong 6:9

Tecoengah Tuuca lawng apa-ngaana tacik deng te a awng. Pathen awl a phawng u tih uep-awm sausi la a awm dawngah a ngawn u thlaang thli kah Muithla thli te bokna-thaang huiah ka huh.